ആൾക്കൂട്ട ആക്രമണം തടയാൻ നിയമ നിർമാണം
Thursday, December 5, 2019 12:41 AM IST
ന്യൂ​ഡ​ൽ​ഹി: ആ​ൾ​ക്കൂ​ട്ട ആ​ക്ര​മ​ണം ത​ട​യാ​നും പ്ര​തി​ക​ൾ​ക്കു ശി​ക്ഷ ഉ​റ​പ്പു വ​രു​ത്തു​ന്ന​തി​നു​മാ​യി നി​യ​മ നി​ർ​മാ​ണം ന​ട​ത്താ​മെ​ന്നു കേ​ന്ദ്ര സ​ർ​ക്കാ​ർ.

ഇ​തി​നാ​യി ഇ​ന്ത്യ​ൻ ശി​ക്ഷാ നി​യ​മ​ത്തി​ലും ക്രി​മി​ൽ ശി​ക്ഷാ നി​യ​മ​ത്തി​ലും മാ​റ്റ​ങ്ങ​ൾ നി​ർ​ദേ​ശി​ക്കാ​ൻ പ്ര​ത്യേ​ക സ​മി​തി​യെ ചു​മ​ത​ല​പ്പെ​ടു​ത്തി​യെ​ന്നും കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്ഷാ രാ​ജ്യ​സ​ഭ​യി​ൽ വ്യ​ക്ത​മാ​ക്കി. ഇ​തി​നു​ള്ള ശി​പാ​ർ​ശ​ക​ൾ ന​ൽ​ക​ണം എ​ന്നു ചൂ​ണ്ടി​ക്കാ​ട്ടി എ​ല്ലാ സം​സ്ഥാ​ന മു​ഖ്യ​മ​ന്ത്രി​മാ​ർ​ക്കും ക​ത്ത​യ​ച്ചി​ട്ടു​ണ്ടെ​ന്നും മ​ന്ത്രി വ്യ​ക്ത​മാ​ക്കി. ബ്യൂ​റോ ഓ​ഫ് പോ​ലീ​സ് റി​സേ​ർ​ച്ച് ആ​ന്‍റ് ഡ​വ​ല​പ്മെ​ന്‍റി​ന്‍റെ കീ​ഴി​ൽ മാ​ർ​ഗ​നി​ർ​ദേ​ശ​ങ്ങ​ൾ​ക്കാ​യി പ്ര​ത്യേ​ക സ​മി​തി രൂ​പീ​ക​രി​ച്ചി​ട്ടു​ണ്ട്.

ഐ​പി​സി, സി​ആ​ർ​പി​സി നി​യ​മ​ങ്ങ​ളി​ൽ മാ​റ്റം വ​രു​ത്തു​ന്പോ​ൾ ഇ​തു സം​ബ​ന്ധി​ച്ച സു​പ്രീം​കോ​ട​തി നി​ർ​ദേ​ശ​ങ്ങ​ളും സ​ർ​ക്കാ​ർ പൂ​ർ​ണ​മാ​യും പാ​ലി​ക്കു​മെ​ന്നും അ​മി​ത്ഷാ പ​റ​ഞ്ഞു. ആ​ൾ​ക്കൂ​ട്ട ആ​ക്ര​മ​ണ​ത്തി​ന് നി​ല​വി​ലെ ഇ​ന്ത്യ​ൻ ശി​ക്ഷാ നി​യ​മ​ത്തി​ൽ പ്ര​ത്യേ​ക നി​ർ​വ​ച​നം ഇ​ല്ലെ​ന്നാ​ണ് ആ​ഭ്യ​ന്ത​ര സ​ഹ മ​ന്ത്രി നി​ത്യാ​ന​ന്ദ റാ​യ് പ​റ​ഞ്ഞ​ത്. ആ​ൾ​ക്കു​ട്ട ആ​ക്ര​മ​ണ​ങ്ങ​ൾ ഐ​പി​സി 300, 302 വ​കു​പ്പ​ക​ളു​ടെ കീ​ഴി​ലാ​ണ് ഇ​പ്പോ​ൾ വ​രു​ന്ന​ത്.


302 കൊ​ല​പാ​ത​ക കു​റ്റ​ത്തി​ന് വ​ധ​ശി​ക്ഷ​യോ ജീ​വ​പ​ര്യ​ന്ത​മോ ഉ​റ​പ്പു ന​ൽ​കു​ന്ന വ​കു​പ്പാ​ണ്. ആ​ൾ​ക്കൂ​ട്ട ആ​ക്ര​മ​ണ​ത്തി​നെ​തി​രേ രാ​ജ​സ്ഥാ​നും മ​ണി​പ്പൂ​രും പ്ര​ത്യേ​ക നി​യ​മം പാ​സാ​ക്കി​യി​ട്ടു​ണ്ട്. ഇ​ത് കേ​ന്ദ്ര​ത്തി​ന്‍റെ അം​ഗീ​കാ​രം കാ​ത്ത് കി​ട​ക്കു​ക​യാ​ണെ​ന്നും മ​ന്ത്രി വ്യ​ക്ത​മാ​ക്കി.

അ​തി​നി​ടെ, ആ​ൾ​ക്കൂ​ട്ട ആ​ക്ര​മ​ണ​ത്തി​ന് പി​ന്നി​ൽ ആ​ശ​യ​പ​ര​മാ​യ കാ​ര​ണ​ങ്ങ​ളു​ണ്ടെ​ന്ന് സി​പി​എം എം​പി ചൂ​ണ്ടി​ക്കാ​ട്ടി​യ​പ്പോ​ൾ ഈ ​വി​ഷ​യ​ത്തി​ൽ മ​ത​മോ സ​മു​ദാ​യ​മോ കൂ​ട്ടി​ക്കു​ഴ​യ്ക്കേ​ണ്ട ആ​വ​ശ്യ​മി​ല്ലെ​ന്ന് ചൂ​ണ്ടി​ക്കാ​ട്ടി സ​ഭാ​ധ്യ​ക്ഷ​ൻ എം. ​വെ​ങ്ക​യ്യ നാ​യി​ഡു ഇ​ട​പെ​ട്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.