National News
നു​ഴ​ഞ്ഞുക​യ​റ്റ​ക്കാ​ർ​ക്ക് ഇ​ട​മി​ല്ലെ​ന്ന് അ​മി​ത് ഷാ
നു​ഴ​ഞ്ഞുക​യ​റ്റ​ക്കാ​ർ​ക്ക് ഇ​ട​മി​ല്ലെ​ന്ന് അ​മി​ത് ഷാ
Tuesday, December 10, 2019 12:30 AM IST
ന്യൂ​ഡ​ൽ​ഹി: പൗ​ര​ത്വ ഭേ​ദ​ഗ​തി ബി​ല്ലി​ൻ​മേ​ൽ രാ​ഷ്‌ട്രീയ​പ്രേ​രി​ത​മാ​യി ഒ​ന്നുംത​ന്നെ​യി​ല്ല. അ​ഭ​യാ​ർ​ഥി​ക​ളെ രാ​ജ്യ​ത്തേ​ക്കു സ്വാ​ഗ​തം ചെ​യ്യു​ന്നു. എ​ന്നാ​ൽ നു​ഴ​ഞ്ഞുക​യ​റ്റ​ക്കാ​ർ​ക്ക് അ​നു​മ​തി​യി​ല്ലെ​ന്നാ​ണ് ഇ​ന്ന​ലെ ബി​ല്ലി​ന്മേ​ൽ ന​ട​ന്ന ച​ർ​ച്ച​യ്ക്കു തു​ട​ക്ക​മി​ട്ടുകൊ​ണ്ട് അ​മി​ത്ഷാ പ​റ​ഞ്ഞ​ത്.

റേ​ഷ​ൻ കാ​ർ​ഡ് ഉ​ൾപ്പെടെ​യു​ള്ള രേ​ഖ​ക​ൾ കൈ​വ​ശ​മി​ല്ലാ​ത്ത അ​ഭ​യാ​ർ​ഥി​ക​ൾ​ക്കും പൗ​ര​ത്വം ന​ൽ​കു​മെ​ന്നും അ​മി​ത്ഷാ വ്യ​ക്ത​മാ​ക്കി. അ​ഫ്ഗാ​നി​സ്ഥാ​ൻ, ബം​ന്താ​ദേ​ശ്, പാ​ക്കി​സ്ഥാ​ൻ എ​ന്നി​വി​ട​ങ്ങ​ളി​ൽനി​ന്നു വേ​ട്ട​യാ​ട​പ്പെ​ട്ട് അ​ഭ​യാ​ർ​ഥി​ക​ളാ​യി ഇ​ന്ത്യ​യി​ൽ എ​ത്തി​ച്ചേ​ർ​വ​ർ​ക്ക് പൗ​ര​ത്വം ന​ൽ​കാ​നു​ള്ള വ്യ​വ​സ്ഥ മാ​ത്ര​മാ​ണു​ള്ള​ത്. മു​ൻ​പ് മ​റ്റു രാ​ജ്യ​ങ്ങ​ളി​ൽനി​ന്നു​ള്ള അ​ഭ​യാ​ർ​ഥി​ക​ൾ​ക്കു പൗ​ര​ത്വം ന​ൽ​കാ​ൻ നി​യ​മ​നി​ർ​മാ​ണം ന​ട​ത്തി​യ​പ്പോ​ൾ ബി​ജെ​പി എ​തി​ർ​ത്തി​രു​ന്നി​ല്ല. അ​തി​നാ​ൽത്തന്നെ അ​തി​ർ​ത്തി രാ​ജ്യ​ങ്ങ​ളി​ൽനി​ന്നു​ള്ള മും​സ്‌ലിം​ക​ൾ അ​ല്ലാ​ത്ത അ​ഭ​യാ​ർ​ഥി​ക​ൾ​ക്ക് പൗ​ര​ത്വം ന​ൽ​കു​ന്ന ഈ ​നി​യ​മ​ഭേ​ദ​ഗ​തി​യെ കോ​ണ്‍ഗ്ര​സ് പി​ന്തു​ണ​യ്ക്കു​ക​യാ​ണു വേ​ണ്ട​തെ​ന്നും പ​റ​ഞ്ഞു. വി​വേ​ച​നം ഉ​ണ്ടെ​ന്ന് പ്ര​തി​പ​ക്ഷം തെ​ളി​യി​ച്ചാ​ൽ താ​ൻ ബി​ൽ പി​ൻ​വ​ലി​ക്കാ​ൻ ത​യാ​റാ​ണെ​ന്നും അ​മി​ത്ഷാ വെ​ല്ലു​വി​ളി​ച്ചു.

1947ൽ ​വി​ഭ​ജ​ന​ത്തി​ന് ശേ​ഷം ഇ​ന്ത്യ​യി​ലേ​ക്ക് അ​ഭ​യാ​ർ​ഥി​ക​ളാ​യി വ​ന്ന​വ​രാ​ണ് മു​ൻ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സിം​ഗും ബി​ജെ​പി നേ​താ​വ് എ​ൽ.​കെ അ​ഡ്വാ​നി​യും. ഇ​ന്ത്യ അ​വ​രെ സ്വീ​ക​രി​ക്കു​ക​യും പൗ​ര​ൻ​മാ​രാ​ക്കു​ക​യും ചെ​യ്തു. അ​വ​ർ പ്ര​ധാ​ന​മ​ന്ത്രി​യും ഉ​പ​പ്ര​ധാ​ന​മ​ന്ത്രി​യും വ​രെ​യാ​യെ​ന്നും അ​മി​ത്ഷാ ചൂ​ണ്ടി​ക്കാ​ട്ടി. മ​ത​ത്തി​ന്‍റെ പേ​രി​ൽ കോ​ണ്‍ഗ്ര​സ് രാ​ജ്യ​ത്തെ ര​ണ്ടാ​യി വി​ഭ​ജി​ച്ചു എ​ന്ന ആ​രോ​പ​ണ​ത്തി​ന് തൊ​ട്ടു പി​ന്നാ​ലെ​യാ​ണ് അ​മി​ത്ഷാ ഇ​ക്കാ​ര്യം ചൂ​ണ്ടി​ക്കാ​ട്ടി​യ​ത്. താ​ൻ അ​വ​ത​രി​പ്പി​ച്ച​ത് ച​രി​ത്ര​പ​ര​മാ​യ ഒ​രു ബി​ല്ലാ​ണ്. പൗ​ര​ത്വ ഭേ​ദ​ഗ​തി ബി​ല്ല് ഒ​രു സ​മു​ദാ​യ​ത്തോ​ടും വി​വേ​ച​നം കാ​ണി​ക്കു​ന്ന​ത​ല്ല. പൗ​ര​ത്വ ഭേ​ദ​ഗ​തി ബി​ല്ല് ബി​ജെ​പി​യു​ടെ 2014, 2019 തെ​ര​ഞ്ഞെ​ടു​പ്പു​ക​ളി​ലെ വാ​ഗ്ദാ​ന​മാ​യി​രു​ന്നു. അ​തോ​ടൊ​പ്പം ത​ന്നെ വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളു​ടെ പാ​ര​ന്പ​ര്യം സം​സ്കാ​ര​വും ആ​ചാ​ര​ങ്ങ​ളും സം​ര​ക്ഷി​ക്കു​ന്ന കാ​ര്യ​ത്തി​ൽ സ​ർ​ക്കാ​ർ പ്ര​തി​ജ്ഞാ​ബ​ദ്ധ​മാ​ണെ​ന്നും അ​മി​ത്ഷാ ഉ​റ​പ്പു ന​ൽ​കി. ആ​സാം ഉ​ട​ന്പ​ടി​യെ കോ​ണ്‍ഗ്ര​സ് മാ​നി​ച്ചി​ട്ടി​ല്ല. ഇ​തി​ലെ കു​ഴ​പ്പ​ങ്ങ​ളെ​യാ​ണ് ബി​ജെ​പി തി​രു​ത്താ​ൻ ശ്ര​മി​ക്കു​ന്ന​ത്.


മോ​ട്ടോ​ക്, ഹാ​ജോം​ഗ് ഉ​ൾ​പ്പെടെ​യു​ള്ള സ​മു​ദാ​യ​ങ്ങ​ൾ​ക്ക് അ​വ​രു​ടെ ഭാ​ഷാ​പ​ര​വും സാ​മൂ​ഹ്യ​പ​ര​വു​മാ​യ സം​ര​ക്ഷ​ണം ല​ഭി​ക്കും. ക​ർ​ബി ആം​ന്തോം​ഗ് മേ​ഖ​ല​യും ബി​ല്ലി​ലെ വ്യ​വ​സ്ഥ​ക​ൾ​ക്കു പു​റ​ത്താ​യി​രി​ക്കും. മേ​ഘാ​ല​യ​യ്ക്ക് ഭ​ര​ണ​ഘ​ട​ന​യു​ടെ ആ​റാം ഷെ​ഡ്യൂ​ളി​ന്‍റെ സം​ര​ക്ഷ​ണ​മു​ണ്ട്.

പൗ​ര​ത്വ ബി​ല്ലി​ന്‍റെ ആ​ധാ​ര​വും അ​തുത​ന്നെ​യാ​ണെ​ന്നും അ​മി​ത്ഷാ വ്യ​ക്ത​മാ​ക്കി. പൗ​ര​ത്വ ന​ട​പ​ടി​ക​ൾ അ​വ​രെ ഒ​രു ത​ര​ത്തി​ലും ബാ​ധി​ക്കി​ല്ല. നാ​ഗാ​ലാ​ൻ​ഡ്, മി​സോ​റാം എ​ന്നീ സം​സ്ഥാ​ന​ങ്ങ​ൾ​ക്ക് അ​ന്ത​ർ യാ​ത്രാ​നു​മ​തി സം​ര​ക്ഷ​ണം ഉ​ണ്ട്. മ​ണി​പ്പൂ​രി​നെ​യും അ​ന്ത​ർ​യാ​ത്രാ​നു​മ​തി പ​രി​ധി​ക്കു​ള്ളി​ൽ ആ​ക്കു​മെ​ന്നും മ​ണി​പ്പൂ​രി​നെ ബി​ല്ലി​ലെ വ്യ​വ​സ്ഥ​ക​ൾ പ്ര​തി​കൂ​ല​മാ​യി ബാ​ധി​ക്കി​ല്ലെ​ന്നും അ​മി​ത് ഷാ വ്യ​ക്ത​മാ​ക്കി. ആ​ർ​ക്കും ഒ​രു ത​ര​ത്തി​ലു​ള്ള ആ​ശ​ങ്ക​യും വേ​ണ്ട. വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ൾ പ്ര​തി​ഷേ​ധം ഉ​യ​ർ​ത്തേ​ണ്ട ഒ​രു കാ​ര്യ​വു​മി​ല്ലെ​ന്നും അ​മി​ത് ഷാ പ​റ​ഞ്ഞു.

മു​സ്‌ലിം വി​ഭാ​ഗ​ങ്ങ​ളെ ഒ​ഴി​വാ​ക്കി നി​ർ​ത്തി​ക്കൊ​ണ്ടു​ള്ള പൗ​ര​ത്വ നി​യ​മ ഭേ​ദ​ഗ​തി മ​ത​ത്തി​ന്‍റെ പേ​രി​ൽ രാ​ജ്യ​ത്തെ ര​ണ്ടാ​യി വി​ഭ​ജി​ച്ചു നി​ർ​ത്തു​ന്ന ബി​ജെ​പി ത​ന്ത്ര​മാ​ണെ​ന്നു പ്ര​തി​പ​ക്ഷം ആ​രോ​പി​ച്ചു.

ഭ​ര​ണ​ഘ​ട​ന ഉ​റ​പ്പു ന​ൽ​കു​ന്ന തു​ല്യ​ത​യ്ക്കു​ള്ള മൗ​ലികാ​വ​കാ​ശം നി​ഷേ​ധി​ക്കു​ന്നു എ​ന്നു ചൂ​ണ്ടി​ക്കാ​ട്ടി​യാ​ണ് പ്ര​തി​പ​ക്ഷം ഒ​ന്ന​ട​ങ്കം ബി​ല്ലി​നെ എ​തി​ർ​ത്ത​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.