കെ​പി​സി​സി ഭാ​ര​വാ​ഹി​ പട്ടിക: ഒരാൾക്ക് ഒരു പദവി
Friday, January 24, 2020 12:02 AM IST
ന്യൂ​ഡ​ൽ​ഹി: കെ​പി​സി​സി ഭാ​ര​വാ​ഹി​ക​ളു​ടെ ജം​ബോ പ​ട്ടി​ക വെ​ട്ടി​ച്ചു​രു​ക്കാ​നും ഒ​രാ​ൾ​ക്ക് ഒ​രു പ​ദ​വി അ​ട​ക്ക​മു​ള്ള മാ​ന​ദ​ണ്ഡ​ങ്ങ​ൾ അ​നു​സ​രി​ച്ച് ഭാ​ര​വാ​ഹി​ക​ളെ നി​ശ്ച​യി​ക്കാ​നു​മു​ള്ള തീ​രു​മാ​നം കോ​ണ്‍ഗ്ര​സ് ഹൈ​ക്ക​മാ​ൻ​ഡി​നു വി​ട്ട് കേ​ര​ള നേ​താ​ക്ക​ൾ മ​ട​ങ്ങി. വ​ർ​ക്കിം​ഗ് പ്ര​സി​ഡ​ന്‍റു​മാ​രെ ഒ​ഴി​വാ​ക്ക​ണ​മോ എ​ന്ന​തി​ലും സോ​ണി​യ​യു​ടെ തീ​രു​മാ​ന​ത്തി​നാ​ണു കെ​പി​സി​സി കാ​ത്തി​രി​ക്കു​ക. ഉ​ത്ത​ർ​പ്ര​ദേ​ശി​ലെ റാ​യ്ബ​റേ​ലി​യി​ലാ​യി​രു​ന്ന കോ​ണ്‍ഗ്ര​സ് അ​ധ്യ​ക്ഷ സോ​ണി​യാ ഗാ​ന്ധി ഇ​ന്ന​ലെ വൈ​കു​ന്നേ​രം ഡ​ൽ​ഹി​യി​ൽ തി​രി​ച്ചെ​ത്തി​യ​തി​നാ​ൽ അ​ന്തി​മ പ​ട്ടി​ക​യ്ക്കു വൈ​കാ​തെ അം​ഗീ​കാ​രം ന​ൽ​കി​യേ​ക്കും.

ജം​ബോ പ​ട്ടി​ക​യ്ക്കെ​തി​രേ ഹൈ​ക്ക​മാ​ൻ​ഡി​ന്‍റെ അ​തൃ​പ്തി പ​ര​സ്യ​മാ​യ​തി​നെ തു​ട​ർ​ന്നു ജ​ന​പ്ര​തി​നി​ധി​ക​ളാ​യ വി.​ഡി. സ​തീ​ശ​ൻ, ടി.​എ​ൻ. പ്ര​താ​പ​ൻ, എ.​പി. അ​നി​ൽ​കു​മാ​ർ എ​ന്നി​വ​ർ ത​ങ്ങ​ളെ പാ​ർ​ട്ടി ഭാ​ര​വാ​ഹി​ക​ളാ​യി പ​രി​ഗ​ണി​ക്കേ​ണ്ടതി​ല്ലെ​ന്നു ഹൈ​ക്ക​മാ​ൻ​ഡി​നെ ഇ​ന്ന​ലെ രേ​ഖാ​മൂ​ലം അ​റി​യി​ച്ചു. ഒ​രാ​ൾ​ക്ക് ഒ​രു പ​ദ​വി എ​ന്ന നി​ർ​ദേ​ശം ക​ർ​ശ​ന​മാ​യി ന​ട​പ്പി​ലാ​ക്കി​യാ​ൽ ഈ ​മൂ​വ​ർ​ക്കും പു​റ​മേ കൊ​ടി​ക്കു​ന്നി​ൽ സു​രേ​ഷ്, കെ. ​സു​ധാ​ക​ര​ൻ, അ​ടൂ​ർ പ്ര​കാ​ശ്, വി.​എ​സ്. ശി​വ​കു​മാ​ർ തു​ട​ങ്ങി​യ​വ​ർ​ക്കും പി​സി​സി ഭാ​ര​വാ​ഹി​ത്വം ഉ​ണ്ടാ​യേ​ക്കി​ല്ല. ഇ​തോ​ടെ ബു​ധ​നാ​ഴ്ച​യും വ്യാ​ഴാ​ഴ്ച​യു​മാ​യി ഉ​മ്മ​ൻ ചാ​ണ്ടി, ര​മേ​ശ് ചെ​ന്നി​ത്ത​ല, മു​ല്ല​പ്പ​ള്ളി രാ​മ​ച​ന്ദ്ര​ൻ എ​ന്നി​വ​ർ കെ.​സി. വേ​ണു​ഗോ​പാ​ലു​മാ​യി ചേ​ർ​ന്നു ത​യാ​റാ​ക്കി​യ ജം​ബോ പ​ട്ടി​ക വെ​ട്ടി​ച്ചു​രു​ക്കു​മെ​ന്നും വ​ലി​യ മാ​റ്റം വ​രു​മെ​ന്നും തീ​ർ​ച്ച​യാ​യി.

എ, ​ഐ ഗ്രൂ​പ്പു​ക​ളു​ടെ​യും ഗ്രൂ​പ്പി​ല്ലാ​ത്ത​വ​രു​ടെ​യും പ​ട്ടി​ക​യ്ക്കു പു​റ​മേ യു​വ​ജ​ന, വ​നി​താ പ്രാ​തി​നി​ധ്യ​ത്തി​ന്‍റെ​യും ഹൈ​ക്ക​മാ​ൻ​ഡി​ന്‍റെ താ​ത്പ​ര്യ​ക്കാ​രെ​യും ചേ​ർ​ത്ത​തോ​ടെ​യാ​ണ് എ​ണ്ണ​ത്തി​ൽ നൂ​റി​ൽ താ​ഴെ​യാ​യി​രു​ന്ന ഭാ​ര​വാ​ഹി​പ​ട്ടി​ക പി​ന്നെ​യും വ​ലു​താ​യി ജം​ബോ ആ​യ​ത്. എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലി​ന്‍റെ വ​സ​തി​യി​ൽ ഇ​ന്ന​ലെ വീ​ണ്ടും മു​ല്ല​പ്പ​ള്ളി​യും ചെ​ന്നി​ത്ത​ല​യും ബു​ധ​നാ​ഴ്ച രാ​ത്രി കേ​ര​ള​ത്തി​ലേ​ക്കു മ​ട​ങ്ങി​യ ഉ​മ്മ​ൻ ചാ​ണ്ടി​യു​ടെ പ്ര​തി​നി​ധി​യാ​യി പി.​സി. വി​ഷ്ണു​നാ​ഥും യോ​ഗം ചേ​ർ​ന്നെ​ങ്കി​ലും പ​ട്ടി​ക കാ​ര്യ​മാ​യി വെ​ട്ടി​ച്ചു​രു​ക്കാ​ൻ ആ​യി​ല്ല.

എ​ന്നാ​ൽ, ആ​റു വ​ർ​ക്കിം​ഗ് പ്ര​സി​ഡ​ന്‍റു​മാ​രും 13 വൈ​സ് പ്ര​സി​ഡ​ന്‍റു​മാ​രും ഡ​സ​ൻ ക​ണ​ക്കി​ന് ജ​ന​റ​ൽ സെ​ക്ര​ട്ട​റി​മാ​രും അ​തി​ന്‍റെ ഇ​ര​ട്ടി സെ​ക്ര​ട്ട​റി​മാ​രും തീ​ർ​ത്തും അ​നാ​വ​ശ്യ​മാ​ണെ​ന്നും ഇ​ത്ത​ര​മൊ​രു കെ​പി​സി​സി​യു​മാ​യി പ്ര​വ​ർ​ത്തി​ക്കാ​ൻ ക​ഴി​യി​ല്ലെ​ന്നും മു​ല്ല​പ്പ​ള്ളി ക​ർ​ശ​ന നി​ല​പാ​ടു സ്വീ​ക​രി​ച്ചു. പ്ര​വ​ർ​ത്ത​ന മി​ക​വു തെ​ളി​യി​ച്ച ചെ​റി​യ സം​ഘം മ​തി​യെ​ന്ന മു​ൻ നി​ല​പാ​ട് അ​ദ്ദേ​ഹം ഹൈ​ക്ക​മാ​ൻ​ഡി​നെ വീ​ണ്ടും അ​റി​യി​ച്ചു. ഒ​രാ​ൾ​ക്ക് ഒ​രു പ​ദ​വി ക​ർ​ശ​ന​മാ​യി ന​ട​പ്പാ​ക്ക​ണ​മെ​ന്നും മു​ല്ല​പ്പ​ള്ളി വാ​ദി​ച്ചു.


പ​ക്ഷേ ഗ്രൂ​പ്പു​ക​ളു​ടെ വീ​തം​വ​യ്പി​ൽ നി​ന്നു പി​ന്മാ​റാ​ൻ എ, ​ഐ വി​ഭാ​ഗ​ങ്ങ​ൾ വി​സ​മ്മ​തി​ച്ചു. ഇ​തോ​ടെ​യാ​ണ് ഡ​ൽ​ഹി ച​ർ​ച്ച​ക​ളി​ലെ സ​മ​വാ​യം ഫ​ല​ത്തി​ൽ ഇ​ല്ലാ​തെ പോ​യ​ത്. തു​ട​ർ​ന്ന് കേ​ര​ള നേ​താ​ക്ക​ൾ ത​യാ​റാ​ക്കി​യ ജം​ബോ പ​ട്ടി​ക​യി​ൽ വേ​ണ്ട തി​രു​ത്ത​ലു​ക​ളും വെ​ട്ടി​ക്കു​റ​യ്ക്ക​ലും വ​രു​ത്താ​നും ത​ന്‍റെ നി​ല​പാ​ടി​ൽ മാ​റ്റ​മി​ല്ലെ​ന്നും അ​റി​യി​ച്ച് മു​ല്ല​പ്പ​ള്ളി ഇ​ന്ന​ലെ വൈ​കു​ന്നേ​രം കേ​ര​ള​ത്തി​ലേ​ക്കു മ​ട​ങ്ങി. ഇ​ന്ന​ലെ രാ​വി​ലെ​യു​ള്ള വി​മാ​ന​ത്തി​ൽ ടി​ക്ക​റ്റ് ബു​ക്ക് ചെ​യ്തി​രു​ന്ന മു​ല്ല​പ്പ​ള്ളി ത​ർ​ക്കം തീ​രാ​ത്ത​തി​നെ തു​ട​ർ​ന്നു യാ​ത്ര വൈ​കു​ന്നേ​ര​ത്തേ​ക്കു മാ​റ്റു​ക​യാ​യി​രു​ന്നു.

ജം​ബോ പ​ട്ടി​ക കു​റ​യ്ക്കു​ന്ന​തി​നോ​ട് വി​യോ​ജി​പ്പി​ല്ലെ​ന്ന് എ, ​ഐ നേ​താ​ക്ക​ളും ഇ​ന്ന​ലെ ഹൈ​ക്ക​മാ​ൻ​ഡി​നെ അ​റി​യി​ച്ചു. വേ​ണ​മെ​ങ്കി​ൽ ഇ​രു​ഗ്രൂ​പ്പു​ക​ളും ചേ​ർ​ന്ന് ആ​ദ്യം ന​ൽ​കി​യ 17 വീ​തം ഭാ​ര​വാ​ഹി​ക​ളു​ടെ പ​ട്ടി​ക അം​ഗീ​ക​രി​ക്കാ​മെ​ന്നും മു​കു​ൾ വാ​സ്നി​ക്കി​നോ​ട് നേ​താ​ക്ക​ൾ വ്യ​ക്ത​മാ​ക്കി. ജ​ന​പ്ര​തി​നി​ധി​ക​ളെ ഒ​ഴി​വാ​ക്കു​ന്നെ​ങ്കി​ൽ ഇ​രു ഗ്രൂ​പ്പു​ക​ളി​ൽ നി​ന്നും മൂ​ന്നു പേ​രെ വീ​തം കു​റ​ച്ച് എ​യ്ക്കും ഐ​ക്കും 13 പേ​ർ വീ​തം ന​ൽ​കി​യാ​ൽ മ​തി​യെ​ന്ന നി​ല​പാ​ടും അ​റി​യി​ച്ചി​ട്ടു​ണ്ട്.

ര​ണ്ടു ഘ​ട്ട​മാ​യി​ട്ടാ​വും സ്ഥാ​നാ​ർ​ഥി​പ്പ​ട്ടി​ക പ്ര​ഖ്യാ​പി​ക്കു​ക​യെ​ന്ന് മു​ല്ല​പ്പ​ള്ളി രാ​മ​ച​ന്ദ്ര​ൻ സൂ​ചി​പ്പി​ച്ചു. വൈ​സ് പ്ര​സി​ഡ​ന്‍റു​മാ​രു​ടെ​യും ജ​ന​റ​ൽ സെ​ക്ര​ട്ട​റി​മാ​രു​ടെ​യു പ​ട്ടി​ക ആ​ദ്യം പ്ര​ഖ്യാ​പി​ക്കും. വ​ർ​ക്കിം​ഗ് പ്ര​സി​ഡ​ന്‍റു​മാ​രെ വേ​ണോ​യോ​ന്നു ഹൈ​ക്ക​മാ​ൻ​ഡ് തീ​രു​മാ​നി​ക്കും. ഒ​രാ​ൾ​ക്ക് ഒ​രു പ​ദ​വി എ​ന്ന ത​ത്ത്വ​ത്തി​ൽ ജ​ന​പ്ര​തി​നി​ധി​ക​ളെ ഭാ​ര​വാ​ഹി​ക​ളാ​ക്കേ​ണ്ടെ​ന്നു നി​ർ​ദേ​ശി​ച്ച​താ​യി മു​ല്ല​പ്പ​ള്ളി പ​റ​ഞ്ഞു.

ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.