സ്ഥാനാർഥികളുടെ ക്രിമിനൽ പശ്ചാത്തലം വെബ്സൈറ്റിലും സമൂഹ മാധ്യമങ്ങളിലും പ്രസിദ്ധപ്പെടുത്തണം: സുപ്രീംകോടതി
Friday, February 14, 2020 12:38 AM IST
ന്യൂ​ഡ​ൽ​ഹി: ലോ​ക്സ​ഭ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ മ​ത്സ​രി​പ്പി​ക്കു​ന്ന സ്ഥാ​നാ​ർ​ഥി​ക​ൾ​ക്ക് ക്രി​മി​ന​ൽ പ​ശ്ചാ​ത്ത​ല​മു​ണ്ടെ​ങ്കി​ൽ അ​തി​ന്‍റെ വി​ശ​ദീ​ക​ര​ണം രാ​ഷ്‌ട്രീയ പാ​ർ​ട്ടി​ക​ൾ അ​വ​രു​ടെ വെ​ബ്സൈ​റ്റു​ക​ളി​ലും സമൂഹ മാ​ധ്യ​മ​ങ്ങ​ളി​ലും അ​ട​ക്ക​മു​ള്ള​വ​യി​ൽ പ്ര​സി​ദ്ധ​പ്പെ​ടു​ത്ത​ണ​മെ​ന്ന് സു​പ്രീംകോ​ട​തി. സ്ഥാ​നാ​ർ​ഥി​യെ തെ​ര​ഞ്ഞെ​ടു​ക്കു​ന്ന​തി​നു 48 മ​ണി​ക്കൂ​ർ മു​ന്പോ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കു​ന്ന​തി​നു ര​ണ്ടാ​ഴ്ച​യ്ക്കു മു​ന്പോ പ്ര​സി​ദ്ധ​പ്പെ​ടു​ത്ത​ണം. എ​ന്തു​കൊ​ണ്ടാ​ണ് ഇ​വ​രെ മ​ത്സ​രി​പ്പി​ക്കു​ന്ന​തെ​ന്ന് പാ​ർ​ട്ടി​ക​ൾ വി​ശ​ദീ​ക​ര​ണം ന​ൽ​ക​ണ​മെ​ന്നും പ​ര​മോ​ന്ന​ത കോ​ട​തി ഉ​ത്ത​ര​വി​ട്ടു.

ക്രി​മി​ന​ൽ കേ​സി​ൽ ഉ​ൾ​പ്പെ​ട്ട​വ​ർ ലോ​ക്സ​ഭ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ മ​ത്സ​രി​ക്കു​ന്ന​തി​ന് അ​യോ​ഗ്യ​ത ക​ല്പി​ക്ക​ണ​മെ​ന്നു ചൂ​ണ്ടി​ക്കാ​ട്ടി സ​ർ​ക്കാ​രി​ത​ര സം​ഘ​ട​ന​യാ​യ പ​ബ്ലി​ക് ഇ​ന്‍റ​റ​സ്റ്റ് ഫൗ​ണ്ടേ​ഷ​ൻ, മു​ൻ മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ൻ ജെ.​എം. ലിം​ഗ്ദോ, ബി​ജെ​പി നേ​താ​വും അ​ഭി​ഭാ​ഷ​ക​നു​മാ​യ അ​ശ്വ​നി ഉ​പാ​ധ്യാ​യ തു​ട​ങ്ങി​യ​വ​ർ ന​ൽ​കി​യ ഹ​ർ​ജി​യി​ൽ 2018 സെ​പ്റ്റം​ബ​റി​ൽ സു​പ്രീംകോ​ട​തി​യു​ടെ അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ച് ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്നു.

ഗു​രു​ത​ര​ കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ട്ട​വ​രെ മ​ത്സ​രി​പ്പി​ക്കാ​തി​രി​ക്കാ​ൻ പാ​ർ​ല​മെ​ന്‍റ് ശ​ക്ത​മാ​യ നി​യ​മം കൊ​ണ്ടു​വ​ര​ണ​മെ​ന്നാ​യി​രു​ന്നു അ​ന്ന​ത്തെ ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ ബെ​ഞ്ച് വി​ധി​ച്ച​ത്. ഇ​തു ന​ട​പ്പി​ലാ​ക്കാ​ത്ത​തു ചൂ​ണ്ടി​ക്കാ​ട്ടി ന​ൽ​കി​യ കോ​ട​തി​യ​ല​ക്ഷ്യ ഹ​ർ​ജി​യി​ലാ​ണ് ജ​സ്റ്റീ​സു​മാ​രാ​യ രോ​ഹി​ൻ​ട​ണ്‍ ന​രി​മാ​ൻ, ര​വീ​ന്ദ്ര ഭ​ട്ട് എ​ന്നി​വ​രു​ടെ ബെ​ഞ്ച് ഇ​ന്ന​ലെ പു​തി​യ ഉ​ത്ത​ര​വ് പു​റ​പ്പെ​ടു​വി​ച്ച​ത്. സ്ഥാ​നാ​ർ​ഥി​ക​ളു​ടെ ക്രി​മി​ന​ൽ പ​ശ്ചാ​ത്ത​ല​വു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ ഓ​ണ്‍ലൈ​നാ​യി പ്ര​സി​ദ്ധ​പ്പെ​ടു​ത്ത​ണ​മെ​ന്ന ആ​വ​ശ്യം കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷ​നാ​ണ് മു​ന്നോ​ട്ടുവ​ച്ച​ത്.

തെ​ര​ഞ്ഞെ​ടു​പ്പു​ക​ളി​ൽ വി​ജ​യി​ച്ചെ​ത്തു​ന്ന​വ​രി​ൽ 46 ശ​ത​മാ​ന​ത്തി​ൽ കൂ​ടു​ത​ലും ഗു​രു​ത​ര​മാ​യ ക്രി​മി​ന​ൽ കു​റ്റ​ങ്ങ​ളി​ൽ ഉ​ൾ​പ്പെ​ട്ട​വ​രാ​ണെ​ന്ന പ​ഠ​നറി​പ്പോ​ർ​ട്ട് ചൂ​ണ്ടി​ക്കാ​ട്ടി​യാ​യി​രു​ന്നു ക​മ്മീ​ഷ​ന്‍റെ ഈ ​ന​ട​പ​ടി. ഈ ​നി​ർ​ദേ​ശ​ങ്ങ​ൾ ഉ​ൾ​പ്പെ​ടു​ത്തി ശ​ക്ത​മാ​യ നി​യ​മം കൊ​ണ്ടു​വ​ര​ണ​മെ​ന്ന കോ​ട​തി ഉ​ത്ത​ര​വ് ന​ട​പ്പി​ലാ​ക്ക​ണ​മെ​ന്നു ക​മ്മീ​ഷ​ൻ ആ​വ​ശ്യ​പ്പെ​ട്ടി​രു​ന്നെ​ങ്കി​ലും 2018ലെ ​ഉ​ത്ത​ര​വി​ലെ നി​ർ​ദേ​ശം കോ​ട​തി​യ​ല​ക്ഷ്യ​മാ​യ രീ​തി​യി​ൽ ക​ണ​ക്കാ​ക്കാ​നാ​വി​ല്ലെ​ന്നു കോ​ട​തി വാ​ദ​ത്തി​നി​ടെ നി​രീ​ക്ഷി​ച്ചി​രു​ന്നു.

ക്രി​മി​ന​ൽ കു​റ്റ​ങ്ങ​ളി​ൽ ഉ​ൾ​പ്പെ​ട്ട സ്ഥാ​നാ​ർ​ഥി​ക​ളാ​ണെ​ങ്കി​ൽ അ​വ​യു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ സ​ത്യ​വാ​ങ്മൂ​ല​മാ​യി തെ​ര​ഞ്ഞെ​ടു​പ്പ് ക​മ്മീ​ഷ​നെ അ​റി​യി​ക്ക​ണ​മെ​ന്നും, രാ​ഷ്‌ട്രീയ പാ​ർ​ട്ടി അ​വ പാ​ർ​ട്ടി വെ​ബ്സൈ​റ്റി​ലും സ്ഥാ​നാ​ർ​ഥി​യോ രാ​ഷ്‌ട്രീയ പാ​ർ​ട്ടി​യോ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി പ​ത്ര-​ദൃ​ശ്യ മാ​ധ്യ​മ​ങ്ങ​ളി​ലൂ​ടെ പ​ര​സ്യം ചെ​യ്യ​ണ​മെ​ന്നു​മാ​യി​രു​ന്നു നി​ർ​ദേ​ശി​ച്ചി​രു​ന്ന​ത്. ഇ​വകൂ​ടി ഉ​ൾ​പ്പെ​ടു​ത്തി ആ​റ് പു​തി​യ നി​ർ​ദേ​ശ​ങ്ങ​ളാ​ണ് ര​ണ്ടം​ഗ ബെ​ഞ്ചി​ന്‍റെ വി​ധി​യി​ലു​ള്ള​ത്. പു​തി​യ ഉ​ത്ത​ര​വി​ൽ അ​ത് രാ​ഷ്‌ട്രീയ പാ​ർ​ട്ടി​ക​ൾ​ക്കു കൂ​ടി നി​ർ​ബ​ന്ധ​മാ​ക്കി​യി​ട്ടു​ണ്ട്. ലം​ഘി​ച്ചാ​ൽ കോ​ട​തി​യ​ല​ക്ഷ്യ ന​ട​പ​ടി​ക​ൾ നേ​രി​ടേ​ണ്ടി വ​രു​മെ​ന്നും ഉ​ത്ത​ര​വി​ൽ പ​റ​യു​ന്നു.


കോ​ട​തി​യു​ടെ നി​ർ​ദേ​ശ​ങ്ങ​ൾ:

* സ്ഥാ​നാ​ർ​ഥി​ക​ളു​ടെ ക്രി​മി​ന​ൽ പ​ശ്ചാ​ത്ത​ല​വു​മാ​യി ബ​ന്ധ​പ്പെ​ട്ട് കു​റ്റ​കൃ​ത്യ​ങ്ങ​ളു​ടെ സ്വ​ഭാ​വം, അ​തി​നു കാ​ര​ണ​മാ​യ വ​സ്തു​ത​ക​ൾ, ഏ​തെ​ല്ലാം വ​കു​പ്പു​ക​ൾ പ്ര​കാ​രം കു​റ്റം ചു​മ​ത്ത​പ്പെ​ട്ടി​ട്ടു​ണ്ട്, അ​ന്വേ​ഷ​ണം ന​ട​ക്കു​ന്നു​ണ്ടെ​ങ്കി​ൽ അ​വ സം​ബ​ന്ധി​ച്ച വി​വ​ര​ങ്ങ​ൾ, ഏ​തെ​ല്ലാം കോ​ട​തി​ക​ളി​ൽ കേ​സു​ണ്ട്, കേ​സ് ന​ന്പ​ർ തു​ട​ങ്ങി​യ വി​വ​ര​ങ്ങ​ൾ സ്ഥാ​നാ​ർ​ഥി​ക​ളും അ​വ​ർ ഉ​ൾ​പ്പെ​ട്ട രാ​ഷ്‌ട്രീയ പാ​ർ​ട്ടി​ക​ളും പ്ര​സി​ദ്ധ​പ്പെ​ടു​ത്ത​ണം. എ​ന്തു​കൊ​ണ്ടാ​ണ് ഇ​യാ​ളെ സ്ഥാ​നാ​ർ​ഥി​യാ​ക്കി​യ​തെ​ന്നും ക്രി​മി​ന​ൽ പ​ശ്ചാ​ത്ത​ല​മി​ല്ലാ​ത്ത മ​റ്റു​ള്ള​വ​രെ എ​ന്തു​കൊ​ണ്ട് തെ​ര​ഞ്ഞെ​ടു​ത്തി​ല്ലെ​ന്നും രാഷ്‌ട്രീയ പാ​ർ​ട്ടി​ക​ൾ വി​ശ​ദ​മാ​ക്ക​ണം.

* സ്ഥാ​നാ​ർ​ഥി​യെ ക​ണ്ടെ​ത്തു​ന്ന​ത് വി​ജ​യി​ക്കു​ന്ന​തി​ന്‍റെ സാ​ധ്യ​ത​ക​ൾ മാ​ത്രം ക​ണ​ക്കി​ലെ​ടു​ത്താ​ക​രു​ത്. അ​വ​രു​ടെ യോ​ഗ്യ​ത​ക​ൾ, നേ​ട്ട​ങ്ങ​ൾ, വി​ദ്യാ​ഭ്യാ​സം, മെ​റി​റ്റ് എ​ന്നി​വ ക​ണ​ക്കി​ലെ​ടു​ത്താ​ക​ണം. ഇ​തി​ന്‍റെ അ​ടി​സ്ഥാ​ന​ത്തി​ലാ​ക​ണം സ്ഥാ​നാ​ർ​ഥി​ക​ളെ തെ​ര​ഞ്ഞെ​ടു​ത്ത​തി​ന്‍റെ​യും ഒ​ഴി​വാ​ക്കി​യ​തി​ന്‍റെ​യും കാ​ര​ണ​ങ്ങ​ൾ പാ​ർ​ട്ടി​ക​ൾ വി​ശ​ദീ​ക​രി​ക്കേ​ണ്ട​ത്.

* സ്ഥാ​നാ​ർ​ഥി​യു​ടെ ക്രി​മി​ന​ൽ കേ​സു​ക​ളും മ​റ്റു പ​ശ്ചാ​ത്ത​ല​ങ്ങ​ളും അ​ട​ങ്ങി​യ വി​വ​ര​ങ്ങ​ൾ പ്രാ​ദേ​ശി​ക ത​ല​ത്തി​ലും ദേ​ശീ​യ ത​ല​ത്തി​ലു​മു​ള്ള മാ​ധ്യ​മ​ങ്ങ​ളി​ലും പാ​ർ​ട്ടി​യു​ടെ ഒൗ​ദ്യോ​ഗി​ക വെ​ബ്സൈ​റ്റി​ലും ഫേ​സ്ബു​ക്ക്, ട്വി​റ്റ​ർ അ​ട​ക്ക​മു​ള്ള സ​മൂ​ഹമാ​ധ്യ​മ​ങ്ങ​ളി​ലും പ്ര​സി​ദ്ധ​പ്പെ​ടു​ത്ത​ണം.

* സ്ഥാ​നാ​ർ​ഥി​യെ പ്ര​ഖ്യാ​പി​ച്ച​തി​നു 48 മ​ണി​ക്കൂ​റി​നു​ള്ളി​ലോ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നു​ള്ള തീ​യ​തി​ക്ക് ര​ണ്ടാ​ഴ്ച​യ്ക്കു മു​ന്പോ ഏ​താ​ണോ ആ​ദ്യ​മു​ള്ള​ത് ആ ​കാ​ല​യ​ള​വി​ൽ ഈ ​വി​വ​ര​ങ്ങ​ൾ പ്ര​സി​ദ്ധ​പ്പെ​ടു​ത്ത​ണം.

* കോ​ട​തി നി​ർ​ദേ​ശ​ങ്ങ​ളു​ടെ അ​ടി​സ്ഥാ​ന​ത്തി​ൽ സ്ഥാ​നാ​ർ​ഥി​ക​ളു​ടെ കേ​സു​ക​ളെക്കു​റി​ച്ചു​ള്ള വി​ശ​ദ​മാ​യ റി​പ്പോ​ർ​ട്ട് രാ​ഷ്‌ട്രീയ പാ​ർ​ട്ടി​ക​ൾ തെ​ര​ഞ്ഞെ​ടു​പ്പി​ന് 72 മ​ണി​ക്കൂ​റി​നു മു​ന്പ് തെ​ര​ഞ്ഞെ​ടു​പ്പ് ക​മ്മീ​ഷ​നു സ​മ​ർ​പ്പി​ച്ചി​രി​ക്ക​ണം.

* പാ​ർ​ട്ടി​ക​ൾ ഈ ​നി​ർ​ദേ​ശ​ങ്ങ​ൾ ലം​ഘി​ച്ച​താ​യി ക​ണ്ടെ​ത്തി​യാ​ൽ സു​പ്രീം കോ​ട​തി​യു​ടെ കോ​ട​തി​യ​ല​ക്ഷ്യ ന​ട​പ​ടി​ക​ൾ​ക്കു വി​ധേ​യ​മാ​യ രീ​തി​യി​ൽ തെ​ര​ഞ്ഞെ​ടു​പ്പ് ക​മ്മീ​ഷ​ൻ നോ​ട്ടീ​സ​യ​ക്ക​ണം.


ജി​ജി ലൂ​ക്കോ​സ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.