National News
നൂറ്റിയഞ്ചാം വയസിൽ തുല്യതാപരീക്ഷ ജയം: ഭാഗീരഥിയമ്മയ്ക്കു മോദിയുടെ പ്രശംസ
നൂറ്റിയഞ്ചാം വയസിൽ തുല്യതാപരീക്ഷ ജയം: ഭാഗീരഥിയമ്മയ്ക്കു മോദിയുടെ പ്രശംസ
Monday, February 24, 2020 2:57 AM IST
ന്യൂ​ഡ​ൽ​ഹി: നൂ​റ്റി​യ​ഞ്ചാം വ​യ​സി​ൽ സാ​ക്ഷ​ര​താ മി​ഷ​ന്‍റെ നാ​ലാം​ത​രം തു​ല്യ​താ പ​രീ​ക്ഷ വി​ജ​യി​ച്ച കൊ​ല്ലം സ്വ​ദേ​ശി ഭാ​ഗീ​ര​ഥി അ​മ്മ​യെ പ്ര​ശം​സി​ച്ച് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ഭാ​ഗീ​ര​ഥി​യ​മ്മ​യെ പോ​ലെ​യു​ള്ള ആ​ളു​ക​ൾ നാ​ടി​ന്‍റെ ശ​ക്തി​യും പ്രേ​ര​ണാസ്രോ​ത​സു​മാ​ണെ​ന്നു വി​ശേ​ഷി​പ്പി​ച്ച പ്ര​ധാ​ന​മ​ന്ത്രി, താ​ൻ അ​മ്മ​യെ വി​ശേ​ഷാ​ൽ പ്ര​ണ​മി​ക്കു​ന്നെ​ന്നും പ്ര​തി​മാ​സ റേ​ഡി​യോ പ​രി​പാ​ടി​യാ​യ മ​ൻ കി ​ബാ​ത്തി​ൽ പ​റ​ഞ്ഞു.

ഇ​ന്ത്യ​യി​ലെ വി​വി​ധ മേ​ഖ​ല​ക​ളി​ൽ സ്ത്രീ​ക​ൾ കൈ​വ​രി​ച്ച നേ​ട്ട​ങ്ങ​ളും അ​വ​രു​ടെ അ​ധ്വാ​ന​ശീ​ല​വും പ​രാ​മ​ർ​ശി​ക്കു​ന്ന​തി​നി​ടെ​യാ​ണ് 105-ാം വ​യ​സി​ൽ പ​ഠ​നം ന​ട​ത്തു​ന്ന ഭാ​ഗീ​ര​ഥിയ​മ്മ​യെ പ്ര​ധാ​ന​മ​ന്ത്രി അ​ഭി​ന​ന്ദി​ച്ച​ത്. ഭാ​ഗീ​ര​ഥി യമ്മ​യു​ടെ ക​ഥ കേ​ട്ടാ​ൽ നി​ങ്ങ​ൾ അ​ത്ഭു​ത​പ്പെ​ട്ടു പോ​കു​മെ​ന്നു പ​റ​ഞ്ഞാ​ണ് മോ​ദി ഇ​ക്കാ​ര്യം വി​വ​രി​ച്ചു തു​ട​ങ്ങി​യ​ത്.

ജീ​വി​ത​ത്തി​ൽ പു​രോ​ഗ​തി ആ​ഗ്ര​ഹി​ക്കു​ന്നു​ണ്ടെ ങ്കി​ൽ, വ​ള​രാ​ൻ ആ​ഗ്ര​ഹി​ക്കു​ന്നു​ണ്ടെങ്കി​ൽ, അ​തി​ന് ആ​ദ്യം വേ​ണ്ടത് ​മ​ന​സി​ലെ വി​ദ്യാ​ർ​ഥി​യെ ഒ​രി​ക്ക​ലും മ​രി​ക്കാ​ൻ അ​നു​വ​ദി​ക്കാ​തി​രി​ക്കു​ക​യാ​ണ്. ഭാ​ഗീ​ര​ഥിയ​മ്മ ന​ൽ​കു​ന്ന​ത് അ​ത്ത​ര​മൊ​രു പ്ര​ചോ​ദ​ന​മാ​ണ്.


നി​ങ്ങ​ളി​പ്പോ​ൾ ക​രു​തു​ന്നു​ണ്ടാ​കും ഭാ​ഗീ​ര​ഥിയ​മ്മ ആ​രാ​ണെ​ന്ന്. അ​വ​ർ കേ​ര​ള​ത്തി​ലെ കൊ​ല്ല​ത്താ​ണ് താ​മ​സി​ക്കു​ന്ന​ത്. കു​ട്ടി​ക്കാ​ല​ത്തുത​ന്നെ അ​വ​ർ​ക്ക് അ​മ്മ​യെ ന​ഷ്ട​പ്പെ​ട്ടു. ചെ​റി​യ വ​യ​സി​ൽ വി​വാ​ഹം ക​ഴി​ഞ്ഞെ​ങ്കി​ലും ഭ​ർ​ത്താ​വി​നെ​യും ന​ഷ്ട​പ്പെ​ട്ടു. എ​ന്നാ​ലും അ​വ​ർ ധൈ​ര്യം കൈ​വി​ട്ടി​ല്ല. സ്വ​ന്തം താ​ത്പ​ര്യം കൈ​വെ​ടി​ഞ്ഞി​ല്ല. പ​ത്താം വ​യ​സി​ൽ സ്കൂ​ൾ വി​ദ്യാ​ഭ്യാ​സം ഉ​പേ​ക്ഷി​ക്കേ​ണ്ടി​വ​ന്ന അ​വ​ർ ഇ​പ്പോ​ൾ നൂ​റ്റി​യ​ഞ്ചാം വ​യ​സി​ലാ​ണ് വീ​ണ്ടും സ്കൂ​ളി​ലെ​ത്തി​യ​ത്. ഈ ​പ്രാ​യ​ത്തി​ലും നാ​ലാം​ത​രം തു​ല്യ​താപ​രീ​ക്ഷ​യെ​ഴു​തി. 75 ശ​ത​മാ​നം മാ​ർ​ക്കോ​ടെ വി​ജ​യം നേ​ടി. ക​ണ​ക്കി​ൽ നൂ​റി​ൽ നൂ​റാ​ണ് ഭാ​ഗീ​ര​ഥിയ​മ്മ​യ്ക്ക്.

അ​വ​ർ പ​ഠ​നം തു​ട​രാ​നാ​ണ് ആ​ഗ്ര​ഹി​ക്കു​ന്ന​ത്. ഇ​നി​യും പ​രീ​ക്ഷ​ക​ൾ എ​ഴു​താ​നും. ഭാ​ഗീ​ര​ഥിയ​മ്മ​യെപ്പോ​ലു​ള്ള ആ​ളു​ക​ൾ ന​മ്മു​ടെ രാ​ജ്യ​ത്തി​ന്‍റെ ക​രു​ത്താ​ണ്, പ്ര​ചോ​ദ​ന​ത്തി​ന്‍റെ ഉ​റ​വി​ട​മാ​ണ്, അ​മ്മ​യെ ഞാ​ൻ പ്ര​ണ​മി​ക്കു​ന്നു: മോ​ദി പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.