National News
ട്രെ​യി​നി​ല്‍ ഭ​ക്ഷ​ണ​വും വെ​ള്ള​വും കി​ട്ടാ​തെ മ​ര​ണ​ത്തി​നു കീ​ഴ​ട​ങ്ങി അ​തി​ഥി തൊ​ഴി​ലാ​ളി​ക​ള്‍
ട്രെ​യി​നി​ല്‍ ഭ​ക്ഷ​ണ​വും വെ​ള്ള​വും കി​ട്ടാ​തെ മ​ര​ണ​ത്തി​നു കീ​ഴ​ട​ങ്ങി അ​തി​ഥി തൊ​ഴി​ലാ​ളി​ക​ള്‍
Wednesday, May 27, 2020 11:36 PM IST
മു​സാ​ഫ​ര്‍പു​ര്‍(​ബി​ഹാ​ര്‍): ജ​ന്മ​നാ​ട്ടി​ലേ​ക്കു​ള്ള ന​ര​ക​യാ​ത്ര​യ്ക്കി​ടെ ഭ​ക്ഷ​ണ​വും വെ​ള്ള​വും കി​ട്ടാ​തെ അ​തി​ഥി തൊ​ഴി​ലാ​ളി​ക​ള്‍ മ​രി​ച്ചു. ബി​ഹാ​റി​ലെ മു​സാ​ഫ​ര്‍പു​രി​ല്‍ യു​വ​തി​യും നാ​ല​ര​വ​യ​സു​കാ​ര​നും വാ​രാ​ണ​സി​യി​ല്‍ ര​ണ്ട് അ​തി​ഥി തൊ​ഴി​ലാ​ളി​ക​ളു​മാ​ണു മ​രി​ച്ച​ത്.

ബി​ഹാ​റി​ലെ ക​ത്തി​ഹാ​റി​ലേ​ക്കു യാ​ത്ര ചെ​യ്യു​ക​യാ​യി​രു​ന്ന അ​ര്‍വി​ന ഖാ​ത്തൂ​ന്‍(35) എ​ന്ന വി​ധ​വ യാ​ത്ര​യ്ക്കി​ടെ ഭ​ക്ഷ​ണ​വും വെ​ള്ള​വും കി​ട്ടാ​തെ​യാ​ണു മ​രി​ച്ച​ത്. സ​ഹോ​ദ​രി​ക്കൊ​പ്പം ഗു​ജ​റാ​ത്തി​ലാ​യി​രു​ന്നു അ​ര്‍വി​ന താ​മ​സി​ച്ചി​രു​ന്ന​ത്. മു​സാ​ഫ​ര്‍പു​ര്‍ സ്റ്റേ​ഷ​നി​ലെ​ത്തു​ന്ന​തി​ന് ഏ​താ​നും മി​നി​റ്റ് മു​മ്പാ​യി​രു​ന്നു അ​ര്‍വി​ന​യു​ടെ മ​ര​ണം. ബ​ന്ധു​ക്ക​ളും സ​ഹ​യാ​ത്രി​ക​രും ചേ​ര്‍ന്ന് മൃ​ത​ദേ​ഹം പ്ലാ​റ്റ്‌​ഫോ​മി​ലേ​ക്ക് ഇ​റ​ക്കി. അ​ര്‍വി​ന​യു​ടെ ഒ​രു വ​യ​സു​ള്ള മ​ക​ന്‍ അ​മ്മ​യെ ഉ​ണ​ര്‍ത്താ​ന്‍ ശ്ര​മി​ക്കു​ന്ന ദൃ​ശ്യ​ങ്ങ​ള്‍ ഏ​വ​രു​ടെ​യും ക​ര​ള​ലി​യി​ക്കു​ന്ന​താ​യി​രു​ന്നു. മൃ​ത​ദേ​ഹം മ​റ​ച്ചി​രു​ന്ന പു​തു​പ്പ് വ​ലി​ക്കു​ക​യും മാ​റ്റു​ക​യും ചെ​യ്യു​ക​യാ​യി​രു​ന്ന കു​ഞ്ഞി​ന്റെ ക​ളി ഒ​പ്പ​മു​ണ്ടാ​യി​രു​ന്ന​വ​രെ ക​ണ്ണീ​ര​ണ​യി​ച്ചു. അ​ര്‍വി​ന​യു​ടെ മൃ​ത​ദേ​ഹം പോ​സ്റ്റ്‌​മോ​ര്‍ട്ട​ത്തി​നു​ശേ​ഷം ക​ത്തി​ഹാ​റി​ലേ​ക്ക് കൊ​ണ്ടു​പോ​കു​മെ​ന്ന് പോ​ലീ​സ് അ​റി​യി​ച്ചു.

ഇ​തേ ട്രെ​യി​നി​ല്‍ യാ​ത്ര ചെ​യ്യു​ക​യാ​യി​രു​ന്ന അ​തി​ഥി തൊ​ഴി​ലാ​ളി​യു​ടെ നാ​ല​ര​വ​യ​സു​കാ​ര​ന്‍ മ​ക​നും മ​രി​ച്ചു. കൊ​ടും​ചൂ​ടി​നെ​ത്തു​ട​ര്‍ന്നാ​ണു കു​ഞ്ഞ് മ​രി​ച്ച​ത്. ഡ​ല്‍ഹി​യി​ല്‍നി​ന്നു വെ​സ്റ്റ് ച​മ്പാ​ര​നി​ലേ​ക്കു പോ​യ മ​ഖ്‌​സൂ​ദ് ആ​ല​മി​ന്റെ മ​ക​ന്‍ ഇ​ഷാ​ഖ് ആ​ണ് മ​രി​ച്ച​ത്. ട്രെ​യി​ന്‍ മു​സാ​ഫ​ര്‍പു​ര്‍ ജം​ഗ്ഷ​നി​ലെ​ത്തി​യ​തോ​ടെ കു​ട്ടി​യു​ടെ നി​ല വ​ഷ​ളാ​യി. കു​ട്ടി​ക്ക് പാ​ല്‍ വാ​ങ്ങാ​നാ​യി അ​ച്ഛ​ന്‍ പോ​യ​പ്പോ​ഴേ​ക്കും കു​ട്ടി മ​രി​ച്ചു.


എ​ന്നാ​ല്‍ ട്രെ​യി​ന്‍ മു​സാ​ഫ​ര്‍പു​ര്‍ സ്റ്റേ​ഷ​നി​ലെ​ത്തും മു​മ്പേ കു​ട്ടി മ​രി​ച്ചെ​ന്നാ​ണ് റെ​യി​ല്‍വേ ഡെ​പ്യൂ​ട്ടി സൂ​പ്ര​ണ്ട് ര​മാ​കാ​ന്ത് ഉ​പാ​ധ്യാ​യ പ​റ​യു​ന്ന​ത്. മ​റ്റു സം​സ്ഥാ​ന​ങ്ങ​ളി​ല്‍നി​ന്നാ​യി 15 ല​ക്ഷ​ത്തോ​ളം അ​തി​ഥി​തൊ​ഴി​ലാ​ളി​ക​ളാ​ണ് ബി​ഹാ​റി​ലെ​ത്തി​യ​ത്.

ഇ​ന്ന​ലെ രാ​വി​ലെ യു​പി​യി​ലെ വാ​രാ​ണ​സി റെ​യി​ല്‍വേ സ്റ്റേ​ഷ​നി​ലെ​ത്തി​യ ശ്ര​മി​ക് ട്രെ​യി​നി​ല്‍ ര​ണ്ട് അ​തി​ഥി തൊ​ഴി​ലാ​ളി​ക​ളെ മ​രി​ച്ച​നി​ല​യി​ല്‍ ക​ണ്ടെ​ത്തി.

മും​ബൈ​യി​ലെ ലോ​ക്മാ​ന്യ തി​ല​ക് ടെ​ര്‍മി​ന​സി​ല്‍നി​ന്നു യാ​ത്ര തി​രി​ച്ച ഉ​ത്ത​ര്‍പ്ര​ദേ​ശ് സ്വ​ദേ​ശി​ക​ളാ​യ ദ​ശ് ര​ഥ് പ്ര​ജാ​പ​തി(30), രാം ​ര​ത്ത​ന്‍ എ​ന്നി​വ​രാ​ണു മ​രി​ച്ച​ത്. ഭി​ന്ന​ശേ​ഷി​ക്കാ​ര​നാ​യ ദ​ശ് ര​ഥി​നു വൃ​ക്ക​സം​ബ​ന്ധ​മാ​യ രോ​ഗ​ങ്ങ​ളു​ണ്ടാ​യി​രു​ന്നു​വെ​ന്ന് ബ​ന്ധു പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.