ന്യൂഡൽഹി: കേന്ദ്രത്തിലെ ബിജെപി സർക്കാരിന്റെ ഒന്നാം വാർഷികം പ്രമാണിച്ച് പ്രധാനമന്ത്രി നരേന്ദ്ര മോദി ഇന്ത്യയിലെ ജനങ്ങൾക്കു കത്തെഴുതി. കത്തിന്റെ സംക്ഷിപ്ത രൂപം ചുവടെ.
എന്റെ സഹ ഇന്ത്യക്കാരാ,
കഴിഞ്ഞ വര്ഷം ഈ ദിവസം ഇന്ത്യന് ജനാധിപത്യ ചരിത്രത്തിലെ ഒരു സുവര്ണ അധ്യായമാണ് ആരംഭിച്ചത്. നിരവധി പതിറ്റാണ്ടുകള്ക്ക് ശേഷമാണ് രാജ്യത്തെ ജനങ്ങള് സമ്പൂര്ണ ഭൂരിപക്ഷത്തോടെ കാലാവധി പൂര്ത്തിയാക്കിയ ഒരു സര്ക്കാരിനു വീണ്ടും വോട്ടു നല്കി അധികാരത്തില് എത്തിച്ചത്. ഒരിക്കല് കൂടി, ഇന്ത്യയിലെ 130 കോടി ജനങ്ങള്ക്കും നമ്മുടെ രാജ്യത്തിന്റെ ജനാധിപത്യ മൂല്യങ്ങള്ക്കും മുന്നില് ഞാന് ശിരസു നമിക്കുന്നു.
നിങ്ങളുടെ മമതയും സൗമനസ്യവും സജീവമായ സഹകരണവും പകരുന്നത് പുത്തന് ഊര്ജവും പ്രചോദനവുമാണ്. നിങ്ങള് കാട്ടിയ ജനാധിപത്യത്തിന്റെ കൂട്ടായ ശക്തി മുഴുവന് ലോകത്തിനു തന്നെയും ഒരു വഴിവിളക്കാണ്. 2014 ല്, രാജ്യത്തെ ജനങ്ങള് വലിയൊരു മാറ്റത്തിനായാണ് വോട്ട് ചെയ്തത്. ഭരണപരമായ ചട്ടക്കൂടുകള് നിലവിലെ അവസ്ഥയില് നിന്നും അഴിമതിയുടെ ചതുപ്പില് നിന്നും ദുര്ഭരണത്തില്നിന്നും മുക്തമാകുന്നതെങ്ങനെയെന്ന് കഴിഞ്ഞ അഞ്ചുവര്ഷത്തിനിടയില് രാഷ്ട്രം കണ്ടു. ’അന്ത്യോദയ’യുടെ സത്തയ്ക്ക് അനുസൃതമായി ദശലക്ഷക്കണക്കിന് ആളുകളുടെ ജീവിതം രൂപാന്തരം പ്രാപിച്ചു.
2014 മുതല് 2019 വരെ ഇന്ത്യയുടെ വളര്ച്ച ഗണ്യമായി വര്ധിച്ചു. സര്ജിക്കല് സ്ട്രൈക്കിലൂടെയും വ്യോമാക്രമണത്തിലൂടെയും ഇന്ത്യ തങ്ങളുടെ കരുത്ത് വെളിവാക്കി. അതേസമയം, പതിറ്റാണ്ടുകള് പഴക്കമുള്ള ഒരു റാങ്ക് ഒരു പെന്ഷന്, ഒരു രാജ്യം ഒരു നികുതി ജി. എസ്. ടി, കര്ഷകര്ക്ക് മെച്ചപ്പെട്ട കുറഞ്ഞ താങ്ങുവില എന്നീ ആവശ്യങ്ങള് നിറവേറ്റി.
2019 ല് ഇന്ത്യയിലെ ജനങ്ങള് വോട്ട് ചെയ്തത് കേവലം ഭരണത്തുടര്ച്ചയ്ക്ക് മാത്രമല്ല, ഇന്ത്യയെ പുതിയ ഉയരങ്ങളിലെത്തിക്കുക എന്ന സ്വപ്നത്തോടെയാണ്. ഇന്ത്യയെ ആഗോള നേതൃത്വത്തില് എത്തിക്കാനുള്ള ആഗ്രഹം. കഴിഞ്ഞ ഒരു വര്ഷത്തില് എടുത്ത തീരുമാനങ്ങള് ഈ സ്വപ്നം നിറവേറ്റുന്നതിനാണ്.
ഇന്ന് 130 കോടി ജനങ്ങള്ക്ക് രാജ്യത്തിന്റെ വികസന പാതയില് തങ്ങള് പങ്കാളികളായിട്ടുണ്ടെന്ന് അനുഭവപ്പെട്ടിരിക്കുന്നു. ’ജനശക്തി’, ’രാഷ്ട്രശക്തി’ എന്നിവയുടെ വെളിച്ചം രാജ്യത്തെയാകെ ദീപ്തമാക്കി. ’എല്ലാവരുടെയുമൊപ്പം, എല്ലാവരുടെയും വികസനം, എല്ലാവരുടെയും വിശ്വാസം’ എന്ന മന്ത്രത്തിന്റെ ശക്തിയില് ഇന്ത്യ എല്ലാ മേഖലകളിലും മുന്നേറുകയാണ്.
ആര്ട്ടിക്കിള് 370 ദേശീയ ഐക്യത്തിന്റെയും ഉദ്ഗ്രഥനത്തിന്റെയും സത്ത വര്ധിപ്പിച്ചു. സുപ്രീം കോടതി ഏകകണ്ഠമായി നല്കിയ രാമക്ഷേത്ര വിധി നൂറ്റാണ്ടുകളായി തുടരുന്ന വാദപ്രതിവാദങ്ങള്ക്ക് സൗഹാര്ദപരമായ സമാപ്തി കുറിച്ചു. മുത്തലാക്കെന്ന അപരിഷ്കൃത സമ്പ്രദായം ചരിത്രത്തിന്റെ ചവറ്റുകൊട്ടയില് ഒതുങ്ങി. പൗരത്വ നിയമ ഭേദഗതി ഇന്ത്യയുടെ അനുകമ്പയുടെയും സമന്വയ മനോഭാവത്തിന്റെയും പ്രകടനമായിരുന്നു. രാജ്യത്തിന്റെ വികസന പാതയ്ക്ക് ആക്കം കൂട്ടിയ മറ്റു നിരവധി തീരുമാനങ്ങളുമുണ്ട്.
സര്ക്കാരിന്റെ നയങ്ങളുടെയും തീരുമാനങ്ങളുടെയും ഫലമായി ഗ്രാമങ്ങളും നഗരങ്ങളും തമ്മിലുള്ള അന്തരം കുറഞ്ഞുകൊണ്ടിരിക്കുകയാണ്. അത്തരം ചരിത്രപരമായ നടപടികളുടെയും ദേശീയ താല്പ്പര്യം മുന് നിര്ത്തി എടുത്ത തീരുമാനങ്ങളുടെയും പട്ടിക ഈ കത്തില് വിശദീകരിക്കാനാകാത്ത വിധം ദൈര്ഘ്യമേറിയതാണ്.
നമ്മുടെ നാട്ടുകാരുടെ പ്രതീക്ഷകളുടെയും ആഗ്രഹങ്ങളുടെയും പൂര്ത്തീകരണത്തില് നാം അതിവേഗം മുന്നോട്ട് കുതിക്കുമ്പോഴാണ് കൊറോണ വൈറസ് ആഗോള മഹാമാരി നമ്മുടെ രാജ്യത്തെയും വലയം ചെയ്തത്. കൊറോണ ഇന്ത്യയെ ബാധിക്കുമ്പോള് ഇന്ത്യ ലോകത്തിന് ഒരു വലിയ പ്രതിസന്ധിയാകുമെന്ന് പലരും ഭയപ്പെട്ടു. എന്നാല് ഇന്ന്, പൂര്ണമായ ആത്മവിശ്വാസത്തിലൂടെയും തിരിച്ചുവരവിലൂടെയും ലോകം നമ്മെ നോക്കുന്ന രീതിയെ നിങ്ങള് മാറ്റിമറിച്ചു. കൈയടിക്കുന്നതിലൂടെയും വിളക്കു കൊളുത്തുന്നതിലൂടെയും, കൊറോണ യോദ്ധാക്കളെ ഇന്ത്യയുടെ സായുധ സേന ആദരിക്കുന്നതിലൂടെയും ജനത കര്ഫ്യൂ, അല്ലെങ്കില് രാജ്യവ്യാപക ലോക്ക്ഡൗണ് സമയത്ത് നിയമങ്ങള് വിശ്വസ്തമായി പാലിക്കുന്നതിലൂടെയും ശ്രേഷ്ഠ ഭാരതത്തിന്റെ ഉറപ്പാണ് ഏകഭാരതമെന്ന് നിങ്ങള് തെളിയിച്ചു.
നാമിപ്പോൾ നേരിടുന്ന ഈ ബുദ്ധിമുട്ടുകൾ വലിയ ദുരന്തങ്ങളായി മാറില്ലെന്ന് ഞങ്ങൾക്ക് ഉറപ്പാക്കേണ്ടതുണ്ട്. അതിനാൽ, രാജ്യത്തെ ഓരോ പൗരനും തനിക്ക് ലഭിക്കുന്ന മാർഗനിർദേശങ്ങളും നിയമങ്ങളും പാലിക്കേണ്ടത് വളരെ പ്രാധാന്യമേറിയ ഒന്നാണ്. നാമിതുവരെ പ്രകടിപ്പിച്ച ക്ഷമ ഇനിയങ്ങോട്ടും തുടരാൻ നമുക്കാവണം.
നാം സ്വയം പര്യാപ്തത കൈവരിക്കേണ്ടത് ഇന്നിന്റെ ആവശ്യമാണ്. ആത്മനിർഭർ ഭാരത് അഭിയാന് വേണ്ടി അടുത്തിടെ പ്രഖ്യാപിച്ച 20 ലക്ഷം കോടി രൂപയുടെ പാക്കേജ് ഈ ദിശയിലുള്ള പ്രധാന കാൽവയ്പാണ്. നമ്മുടെ രാജ്യത്തിന്റെ വിജയത്തിനായി പ്രാർഥിച്ചുകൊണ്ട്, ഒരിക്കൽക്കൂടി ഞാൻ നിങ്ങളെ വണങ്ങുന്നു.
നിങ്ങളുടെ പ്രധാന സേവകൻ
നരേന്ദ്ര മോദി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.