പിഎം കെയേർസ് ഫണ്ട് വിവരാവകാശ പരിധിയിൽ വരില്ലെന്ന് പിഎംഒ
Saturday, May 30, 2020 11:55 PM IST
ന്യൂ​ഡ​ൽ​ഹി: കോ​വി​ഡ് സ​ഹാ​യ പ​ദ്ധ​തി​യാ​യി ആ​രം​ഭി​ച്ച പി​എം കെ​യേ​ർ​സ് ഫ​ണ്ട് വി​വ​രാ​വ​കാ​ശ നി​യ​മ​ത്തി​ന്‍റെ പ​രി​ധി​യി​ൽ പെ​ടി​ല്ലെ​ന്ന് പ്ര​ധാ​ന​മ​ന്ത്രി​യു​ടെ ഓ​ഫീ​സ്(പി​എം​ഒ). നി​യ​മ​ത്തി​ന്‍റെ 2 (എ​ച്ച്) വ​കു​പ്പി​ൽ പ​റ​യു​ന്ന പ​ബ്ലി​ക് അ​ഥോ​റി​റ്റി​യു​ടെ (പൊ​തു അ​ധി​കാ​രം) ഈ ഫ​ണ്ട് ഉ​ൾ​പ്പെ​ടു​ന്നി​ല്ലെ​ന്നു പി​എം​ഒ വ്യ​ക്ത​മാ​ക്കു​ന്നു. വി​വ​രാ​വ​കാ​ശ നി​യ​മപ്ര​കാ​ര​മു​ള്ള അ​പേ​ക്ഷ​യ്ക്കു ന​ൽ​കി​യ മ​റു​പ​ടി​യി​ലാ​ണ് പി​എം​ഒ​യു​ടെ വി​ശ​ദീ​ക​ര​ണം.

പ്രൈം ​മി​നി​സ്റ്റ​ർ സി​റ്റി​സ​ണ്‍ അ​സി​സ്റ്റ​ൻ​സ് ആ​ൻ​ഡ് റി​ലീ​ഫ് ഇ​ൻ എ​മ​ർ​ജ​ൻ​സി സി​റ്റു​വേ​ഷ​ൻ ഫ​ണ്ടി​ന്‍റെ (പി​എം കെ​യേർ​സ് ഫ​ണ്ട്) ഭ​ര​ണ​ഘ​ട​നാ സാ​ധു​ത സം​ബ​ന്ധി​ച്ച് ഹ​ർ​ഷ ക​ണ്ടു​കാ​രി എ​ന്ന നി​യ​മ വി​ദ്യാ​ർ​ഥി​യാ​ണ് ആ​ർ​ടി​ഐ നി​യ​മ പ്ര​കാ​രം അ​പേ​ക്ഷ ന​ൽ​കി​യ​ത്. ഫ​ണ്ട് രൂ​പീ​ക​രി​ച്ച് കേ​ന്ദ്ര സ​ർ​ക്കാ​ർ പു​റ​ത്തി​റ​ക്കി​യ ഉ​ത്ത​ര​വു​ക​ളും ഫ​ണ്ട് നി​യ​ന്ത്രി​ക്കു​ന്ന​തി​നും കൈ​കാ​ര്യം ചെ​യ്യു​ന്ന​തി​നു​മു​ള്ള ന​ട​പ​ടി ച​ട്ട​ങ്ങ​ളും അ​പേ​ക്ഷ​യി​ൽ ആ​രാ​ഞ്ഞി​രു​ന്നു. ഇ​തു ത​ള്ളി​ക്ക​ള​ഞ്ഞാ​ണ് പി​എം​ഒ​യു​ടെ പ​ബ്ലി​ക് ഇ​ൻ​ഫോ​ർ​മേ​ഷ​ൻ ഓ​ഫീ​സ​ർ വി​ശ​ദീ​ക​ര​ണം ന​ൽ​കി​യ​ത്.


എ​ന്നാ​ൽ, ഇ​തി​നെ​തി​രേ അ​പ്പീ​ലു​മാ​യി ബ​ന്ധ​പ്പെ​ട്ട അ​ഥോ​റി​റ്റി​യെ സ​മീ​പി​ക്കു​മെ​ന്ന് ഹ​ർ​ഷ പ​റ​ഞ്ഞു. സ​ർ​ക്കാ​ർ വി​ജ്ഞാ​പ​ന പ്ര​കാ​ര​വും നി​കു​തി വ്യ​വ​സ്ഥ​ക​ളു​മാ​യി ബ​ന്ധ​പ്പെ​ടു​ത്തി​യും രൂ​പീ​ക​രി​ച്ചി​ട്ടു​ള്ള പി​എം കെ​യേ​ർ​സ് ഫ​ണ്ടി​നെക്കു​റി​ച്ചു​ള്ള വി​വ​ര​ങ്ങ​ൾ വി​വ​രാ​വ​കാ​ശ നി​യ​മ​ത്തി​ന്‍റെ പ​രി​ധി​യി​ൽ പെ​ടു​ന്ന​താ​ണെ​ന്നു ഹ​ർ​ജി​ക്കാ​രി ചൂ​ണ്ടി​ക്കാ​ട്ടു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.