ലോക്ക് ഡൗണിൽ ഗാർഹിക പീഡനം രൂക്ഷമായെന്നു റിപ്പോർട്ട്
Saturday, July 4, 2020 1:29 AM IST
ന്യൂ​ഡ​ൽ​ഹി: ലോ​ക്ക്ഡൗ​ണ്‍ കാ​ല​യ​ള​വി​ൽ രാ​ജ്യ​ത്ത് സ്ത്രീ​ക​ൾ​ക്കെ​തി​രേ​യു​ള്ള അ​ക്ര​മ​വും ഗാ​ർ​ഹി​ക പീ​ഡ​ന​വും രൂ​ക്ഷ​മാ​യ നി​ല​യി​ലെ​ന്നു റി​പ്പോ​ർ​ട്ട്. ജൂ​ണി​ൽ മാ​ത്രം 2043 പ​രാ​തി​ക​ൾ ദേ​ശീ​യ വ​നി​താ ക​മ്മീ​ഷ​നു ല​ഭി​ച്ച​താ​യും ഇ​ത് ക​ഴി​ഞ്ഞ എ​ട്ട് മാ​സ​ത്തേ​തി​ലും ഉ​യ​ർ​ന്ന നി​ര​ക്കാ​ണെ​ന്നും ക​ണ​ക്കു​ക​ൾ ചൂ​ണ്ടി​ക്കാ​ട്ടു​ന്നു. ഇ​തി​ൽ 452 പ​രാ​തി​ക​ൾ ഗാ​ർ​ഹി​ക പീ​ഡ​ന​വു​മാ​യി ബ​ന്ധ​പ്പെ​ട്ട​താ​ണ്.

ക​ഴി​ഞ്ഞ സെ​പ്റ്റം​ബ​റി​നു​ ശേ​ഷ​മു​ള്ള ക​ണ​ക്കു​ക​ളാ​ണു ദേ​ശീ​യ വ​നി​താ ക​മ്മീ​ഷ​ൻ വെ​ളി​പ്പെ​ടു​ത്തി​യ​ത്. ക​ഴി​ഞ്ഞ സെ​പ്റ്റം​ബ​റി​ൽ 2379 പ​രാ​തി​ക​ൾ ക​മ്മീ​ഷ​നു ല​ഭി​ച്ചി​രു​ന്നു. അ​തി​നു​ശേ​ഷം ജൂ​ണി​ലാ​ണ് ഇ​ത്ര​യ​ധി​കം പ​രാ​തി​ക​ൾ ല​ഭി​ച്ച​ത്. 2020 മേ​യി​ൽ 1500 പ​രാ​തി​ക​ളും ഏ​പ്രി​ലി​ൽ 800ഉം ​മാ​ർ​ച്ചി​ൽ 1347 പ​രാ​തി​ക​ളും ദേ​ശീ​യ വ​നി​താ ക​മ്മീ​ഷ​നു ല​ഭി​ച്ചി​രു​ന്നു.


ജൂ​ണി​ൽ ല​ഭി​ച്ച പ​രാ​തി​ക​ളി​ൽ 252 എ​ണ്ണം സ്ത്രീ​ധ​ന​വു​മാ​യി ബ​ന്ധ​പ്പെ​ട്ട​വ​യാ​ണ്. 113 പ​രാ​തി​ക​ൾ സൈ​ബ​ർ ക്രൈ​മു​മാ​യി ബ​ന്ധ​പ്പെ​ട്ട​വ​യും പോ​ലീ​സ് ന​ട​പ​ടി​യെ​ടു​ക്കാ​തെ ത​ള്ളി​ക്ക​ള​ഞ്ഞ​തു​മാ​ണ്. 27 പ​രാ​തി​ക​ൾ സ്ത്രീ​ധ​ന​ത്തി​ന്‍റെ പേ​രി​ലു​ള്ള കൊ​ല​പാ​ത​ക​ങ്ങ​ളു​മാ​യി ബ​ന്ധ​പ്പെ​ട്ട​വ​യാ​ണെ​ന്നും ക​ണ​ക്കു​ക​ൾ വ്യ​ക്ത​മാ​ക്കു​ന്നു. സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യും മ​റ്റും ല​ഭി​ക്കു​ന്ന പ​രാ​തി​ക​ളി​ലു​ള്ള ഇ​ട​പെ​ട​ൽ മു​ഖേ​നെ​യാ​ണ് പ​രാ​തി​ക​ൾ വ​ർ​ധി​ച്ച​തെ​ന്നു ക​മ്മീ​ഷ​ൻ അ​ധ്യ​ക്ഷ രേ​ഖ ശ​ർ​മ പ​റ​യു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.