കോണ്‍ഗ്രസ് റണ്‍വേയിൽനിന്ന് തെന്നിമാറി സച്ചിൻ പൈലറ്റ്
Wednesday, July 15, 2020 12:14 AM IST
ന്യൂ​ഡ​ൽ​ഹി: മു​ഖ്യ​മ​ന്ത്രി ക​സേ​ര​യി​ലേ​ക്ക് ഡ​ൽ​ഹിവ​ഴി ന​ട​ന്നു ക​യ​റാ​ൻ ന​ട​ത്തി​യ ഒ​ടു​വി​ലെ ശ്ര​മ​വും പ​രാ​ജ​യ​പ്പെ​ട്ട​തോ​ടെ ഉ​പ​മു​ഖ്യ​മ​ന്ത്രി പ​ദ​വും പാ​ർ​ട്ടി അ​ധ്യ​ക്ഷ സ്ഥാ​ന​വും കൈ​വി​ട്ടുപോ​യ നി​രാ​ശ​യി​ൽ സ​ച്ചി​ൻ പൈ​ല​റ്റ്. സ​ത്യ​ത്തെ പ​രാ​ജ​യ​പ്പെ​ടു​ത്താ​നാ​കി​ല്ല എ​ന്നു മാ​ത്ര​മാ​ണ് ര​ണ്ടു ദി​വ​സ​ത്തെ ക​രു​നീ​ക്ക​ങ്ങ​ൾ​ക്കി​ടെ സ​ച്ചി​ൻ പൈ​ല​റ്റ് ആ​കെ പ്ര​തി​ക​രി​ച്ച​ത്. അ​തും ട്വി​റ്റ​റി​ൽ മാ​ത്രം. ഇ​ന്നു രാ​വി​ലെ പ​ത്തി​നു ന​ട​ത്തു​ന്ന പ​ത്ര​സ​മ്മേ​ള​ന​ത്തി​ൽ കൂ​ടു​ത​ൽ വി​ശ​ദീ​ക​ര​ണ​ങ്ങ​ളും അ​ടു​ത്ത നീ​ക്ക​വും പൈ​ല​റ്റ് വ്യ​ക്ത​മാ​ക്കും എ​ന്നാ​ണ് പ്ര​തീ​ക്ഷ. ആ​രും സ്വ​ന്തം വീ​ടുവി​ട്ടു പോ​കാ​ൻ ആ​ഗ്ര​ഹി​ക്കു​ന്നി​ല്ല. എ​ന്നാ​ൽ, എ​ത്ര​കാ​ലം അ​പ​മാ​നം സ​ഹി​ച്ചു ഒ​തു​ങ്ങി ക​ഴി​യാ​നാ​കും എ​ന്നും സ​ച്ചി​ൻ ചോ​ദി​ക്കു​ന്നു.

അ​തി​നി​ടെ ര​ണ്‍ദീ​പ് സിം​ഗ് സു​ർ​ജേ​വാ​ല ഉ​ൾപ്പെടെ കോ​ണ്‍ഗ്ര​സ് നേ​താ​ക്ക​ൾ പ്ര​ശ്ന​പ​രി​ഹാ​ര​ത്തി​നാ​യി പ​ല​ത​വ​ണ ജ​യ്പൂ​രി​ലേ​ക്കു വി​ളി​ച്ചെ​ങ്കി​ലും സ​ച്ചി​ൻ പൈ​ല​റ്റ് എം​എ​ൽ​എ​മാ​രു​മാ​യി വി​ട്ടു നി​ന്നു. സ​ർ​ക്കാ​രി​നെ ത​ക​ർ​ക്കാ​ൻ നീ​ക്കം ന​ട​ത്തു​ന്നു എ​ന്ന പ​രാ​തി​യി​ൽ ചോ​ദ്യം ചെ​യ്യാ​നാ​യി രാ​ജ​സ്ഥാ​ൻ സ്പെ​ഷ​ൽ ഓ​പ്പ​റേ​ഷ​ൻ​സ് സം​ഘം വി​ളി​ച്ച​ത് മു​ഖ്യ​മ​ന്ത്രി അ​ശോ​ക് ഗെ​ഹ്‌​ലോ​ട്ട് ത​ന്നെ ഒ​തു​ക്കാ​ൻ ന​ട​ത്തി​യ നീ​ക്കം ത​ന്നെ​യാ​ണ് എ​ന്ന നി​ല​പാ​ടി​ൽ ഉ​റ​ച്ചു നി​ൽ​ക്കു​ക​യാ​ണ് പൈ​ല​റ്റ്. അ​തി​നി​ടെ, ബി​ജെ​പി​യി​ലേ​ക്കു പോ​കു​ന്നി​ല്ലെ​ന്ന് ഒ​രു തി​ങ്ക​ളാ​ഴ്ച പൈ​ല​റ്റ് വ്യ​ക്ത​മാ​ക്കി​യി​രു​ന്നു. പൈ​ല​റ്റ് രാ​ജ​സ്ഥാ​നി​ൽ പ്രാ​ദേ​ശി​ക പാ​ർ​ട്ടി രൂ​പീക​രി​ക്കു​മെ​ന്നും വി​വ​ര​മു​ണ്ട്. നി​ല​വി​ൽ കോ​ണ്‍ഗ്ര​സും സ​ച്ചി​ൻ പൈ​ല​റ്റു​മാ​യു​ള്ള ബ​ന്ധം ഏ​താ​ണ്ട് വി​ച്ഛേ​ദി​ക്ക​പ്പെ​ട്ട നി​ല​യി​ലാ​ണ്.


മു​ഖ്യ​മ​ന്ത്രി പ​ദ​ത്തി​ൽ ക​വി​ഞ്ഞ് ഒ​രു വി​ട്ടു​വീ​ഴ്ച​യ്ക്കു​മി​ല്ല എ​ന്ന​താ​യി​രു​ന്നു പൈ​ല​റ്റി​ന്‍റെ നി​ല​പാ​ട്. എ​ന്നാ​ൽ, അ​തു മാ​ത്രം സാ​ധ്യ​മ​ല്ലെ​ന്ന് കോ​ണ്‍ഗ്ര​സ് നേ​തൃ​ത്വം തു​റ​ന്നു പ​റ​യു​ക​യും ചെ​യ്തു. സ​ർ​ക്കാ​രി​ന്‍റെ അ​വ​സാ​ന വ​ർ​ഷ​മെ​ങ്കി​ലും ത​ന്നെ മു​ഖ്യ​മ​ന്ത്രി​യാ​യി പാ​ർ​ട്ടി പ്ര​ഖ്യാ​പി​ക്ക​ണ​മെ​ന്നും പൈ​ല​റ്റ് ആ​വ​ശ്യ​പ്പെ​ട്ടു. അ​തും കോ​ണ്‍ഗ്ര​സ് ത​ള്ളി.

മു​ഖ്യ​മ​ന്ത്രി പ​ദ​ത്തി​നാ​യി ഇ​തി​ന് മു​ൻ​പ് പോ​ര​ടി​ച്ച​പ്പോ​ഴൊ​ക്കെ നേ​രി​ട്ടു വി​ളി​ച്ചു ച​ർ​ച്ച ന​ട​ത്തി​യ രാ​ഹു​ൽ ഗാ​ന്ധി​യും സോ​ണി​യ ഗാ​ന്ധി​യും പ്രി​യ​ങ്ക ഗാ​ന്ധി​യും ഇ​ത്ത​വ​ണ പൈ​ല​റ്റു​മാ​യി കു​ടി​ക്കാ​ഴ്ച ന​ട​ത്തി​യി​ല്ല. എ​ന്നാ​ൽ രാ​ഹു​ലും പ്രി​യ​ങ്ക​യും പ​ല​ത​വ​ണ ഫോ​ണി​ൽ ബ​ന്ധ​പ്പെ​ടു​ക​യും ചെ​യ്തു. മു​ന്പ് ഈ ​വി​ഷ​യ​ത്തി​ൽ ച​ർ​ച്ച ന​ട​ന്ന​പ്പോ​ൾ ഇ​പ്പോ​ൾ 42 വ​യ​സ​ല്ലേ ഉ​ള്ളൂ. രാ​ഷ്‌ട്രീ​യ​ത്തി​ൽ ഇ​നി​യും സ​മ​യം ഏ​റെ​യു​ണ്ട​ല്ലോ. അ​ടു​ത്ത ത​വ​ണ എ​ന്താ​യാ​ലും രാ​ജ​സ്ഥാ​നി​ൽ പൈ​ല​റ്റ് ത​ന്നെ​യാ​യി​രി​ക്കും മു​ഖ്യ​മ​ന്ത്രി​യെ​ന്ന് രാ​ഹു​ൽ ഗാ​ന്ധി അ​ട​ക്കം ഉ​റ​പ്പു ന​ൽ​കി​യ​താ​ണ്.

തി​ങ്ക​ളാ​ഴ്ച വി​ളി​ച്ചു ചേ​ർ​ത്ത എം​എ​ൽ​എ​മാ​രു​ടെ യോ​ഗ​ത്തി​ലും പൈ​ല​റ്റ് പ​ങ്കെ​ടു​ത്തി​ല്ല. ഇ​ന്ന​ലെ വീ​ണ്ടും വി​ളി​ച്ച യോ​ഗ​ത്തി​ൽ പ​ങ്കെ​ടു​ക്കാ​തി​രു​ന്ന​തി​നെ​ത്തു​ട​ർ​ന്ന് പൈ​ല​റ്റി​നെ​തി​രേ ന​ട​പ​ടി​യാ​വ​ശ്യ​പ്പെ​ട്ട് പ്ര​മേ​യം പാ​സാ​ക്കി​. തു​ട​ർ​ന്നാ​ണ് മ​ന്ത്രി​സ​ഭ​യി​ൽനി​ന്നു പു​റ​ത്താ​ക്ക​ൽ ഉ​ൾ​പ്പെടെ​യു​ള്ള ന​ട​പ​ടി​ക​ളു​ണ്ടാ​യ​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.