സച്ചിൻ ഔട്ട്
Wednesday, July 15, 2020 12:50 AM IST
ന്യൂ​ഡ​ൽ​ഹി: രാ​ജ​സ്ഥാ​നി​ൽ കോ​ണ്‍ഗ്ര​സി​നു​ള്ളി​ലെ ആ​ഭ്യ​ന്ത​ര ക​ലാ​പ​ത്തി​നൊ​ടു​വി​ൽ ഉ​പ​മു​ഖ്യ​മ​ന്ത്രി സ​ച്ചി​ൻ പൈ​ല​റ്റി​നെ മ​ന്ത്രി​സ​ഭ​യി​ൽ നി​ന്നു മു​ഖ്യ​മ​ന്ത്രി അ​ശോ​ക് ഗെ​ഹ്‌​ലോ​ട്ട് പു​റ​ത്താ​ക്കി. പി​ന്നാ​ലെ കോ​ണ്‍ഗ്ര​സ് സം​സ്ഥാ​ന അ​ധ്യ​ക്ഷ പ​ദ​വി​യി​ൽനി​ന്നു സ​ച്ചി​ൻ പൈ​ല​റ്റി​നെ പാ​ർ​ട്ടി നീ​ക്കം ചെ​യ്തു. സ​ച്ചി​ന്‍റെ അ​ടു​ത്ത അ​നു​യാ​യി​ക​ളാ​യ വി​ശ്വേ​ന്ദ്ര സിം​ഗ്, ര​മേ​ഷ് മീ​ണ എ​ന്നി​വ​രെ​യും മ​ന്ത്രി​സ​ഭ​യി​ൽ നി​ന്നു പു​റ​ത്താ​ക്കി.

ഉ​പ​മു​ഖ്യ​മ​ന്ത്രിപ​ദ​വി​യി​ ൽ നി​ന്നും പാ​ർ​ട്ടി അ​ധ്യ​ക്ഷ സ്ഥാ​ന​ത്തുനി​ന്നും സ​ച്ചി​നെ മാ​റ്റി​യ വി​വ​രം എ​ഐ​സി​സി വ​ക്താ​വ് ര​ണ്‍ദീ​പ് സിം​ഗ് സു​ർ​ജേ​വാ​ല​യാ​ണ് അ​റി​യി​ച്ച​ത്.

സ​ത്യ​ം ത​ത്കാ​ലം മൂ​ടി​വ​യ്ക്കാ​നാ​വും, പ​രാ​ജ​യ​പ്പെ​ടു​ത്താ​നാ​വി​ല്ലെ​ന്നാ​യി​രു​ന്നു സ​ച്ചി​ൻ പൈ​ല​റ്റി​ന്‍റെ ആ​ദ്യ പ്ര​തി​ക​ര​ണം. കൂ​ടു​ത​ൽ വി​ശ​ദീ​ക​ര​ണ​ങ്ങ​ളു​മാ​യി സ​ച്ചി​ൻ പൈ​ല​റ്റ് ഇ​ന്നു രാ​വി​ലെ പ​ത്തി​നു പ​ത്ര​സ​മ്മേ​ള​നം ന​ട​ത്തു​ന്നു​ണ്ട്. സ​ച്ചി​ൻ പൈ​ല​റ്റ് ബി​ജ​പി​യു​ടെ കൈ​യി​ലെ ക​ളി​പ്പാ​വയാ​യി മാ​റി​യെ​ന്ന് പു​റ​ത്താ​ക്കലിനുശേ​ഷം അ​ശോ​ക് ഗെ​ഹ്‌​ലോ​ട്ട് പ്ര​തി​ക​രി​ച്ചു. ഇ​ന്ന​ലെ രാ​ത്രിത​ന്നെ മു​ഖ്യ​മ​ന്ത്രി​യു​ടെ വ​സ​തി​യി​ൽ സം​സ്ഥാ​ന മ​ന്ത്രിസ​ഭാ യോ​ഗ​വും വി​ളി​ച്ചുചേ​ർ​ത്തി​രു​ന്നു.


രാ​ജ​സ്ഥാ​നി​ൽ കോ​ണ്‍ഗ്ര​സ് സ​ർ​ക്കാ​രി​നെ അ​ട്ടി​മ​റി​ക്കാ​നു​ള്ള ബി​ജെ​പി നീ​ക്ക​ത്തി​ൽ സ​ച്ചി​ൻ പൈ​ല​റ്റും പെ​ട്ടു​പോ​യി. അ​ദ്ദേ​ഹ​ത്തി​നു തി​രി​ച്ചുവ​രാ​ൻ പ​ല അ​വ​സ​ര​ങ്ങ​ളും ന​ൽ​കി​യ​താ​ണ്. എം​പി​യും കേ​ന്ദ്ര​മ​ന്ത്രി​യും ആ​യിരുന്ന സ​ച്ചി​ൻ പൈ​ല​റ്റ് പാ​ർ​ട്ടി സം​സ്ഥാ​ന അ​ധ്യ​ക്ഷ​നു​മാ​യി​രു​ന്നു. സ​ച്ചി​നും അ​നു​യാ​യി​ക​ളും ബി​ജെ​പി​യു​ടെ വ​ല​യി​ൽ വീ​ണതു ദു​ഃഖ​കരമാണ്. അ​ത് അം​ഗീ​ക​രി​ക്കാ​ൻ ക​ഴി​യാ​ത്ത​തു​മാ​ണെ​ന്നും സു​ർ​ജേ​വാ​ല പ​റ​ഞ്ഞു.

വി​ദ്യാ​ഭ്യാ​സ മ​ന്ത്രി ഗോ​വി​ന്ദ് സിം​ഗ് ദൊ​ത്ത​സാ​ര​യാ​ണു പു​തി​യ കോ​ണ്‍​ഗ്ര​സ് അ​ധ്യ​ക്ഷ​ൻ. സ​ച്ചി​ൻ പൈ​ല​റ്റി​നെ പി​ന്തു​ണ​ച്ച എ​ല്ലാ എം​എ​ൽ​എ​മാ​രെ​യും അ​യോ​ഗ്യ​രാ​ക്കു​മെ​ന്നും വി​വ​ര​മു​ണ്ട്.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.