National News
കർഷകവിരുദ്ധ നിയമങ്ങളിൽ പ്രതിഷേധിച്ച് കേന്ദ്രമന്ത്രി രാജിവച്ചു
കർഷകവിരുദ്ധ നിയമങ്ങളിൽ പ്രതിഷേധിച്ച് കേന്ദ്രമന്ത്രി രാജിവച്ചു
Friday, September 18, 2020 12:49 AM IST
ന്യൂ​ഡ​ൽ​ഹി: കേ​ന്ദ്ര​സ​ർ​ക്കാ​രി​ന്‍റെ ക​ർ​ഷകവി​രു​ദ്ധ നി​യ​മ​ങ്ങ​ളി​ൽ പ്ര​തി​ഷേ​ധി​ച്ച് എ​ൻ​ഡി​എ​യി​ലെ സ​ഖ്യ​ക​ക്ഷി​യാ​യ അ​കാ​ലി​ദ​ൾ പ്രതിനിധി ഹ​ർ​സി​മ്ര​ത് കൗ​ർ ബാ​ദ​ൽ കേ​ന്ദ്ര​മ​ന്ത്രി​സ​ഭ​യി​ൽ നി​ന്നു രാ​ജി​വ​ച്ചു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ 70-ാം ജ​ന്മ​ദി​ന​ത്തി​ൽ രാ​ഷ്‌​ട്രീ​യ​വും ന​യ​പ​ര​വു​മാ​യ ഭി​ന്ന​ത​യു​ടെ പേ​രി​ൽ ഒ​രു മ​ന്ത്രി രാ​ജി​വ​ച്ച​ത് മോ​ദി സ​ർ​ക്കാ​രി​നും ബി​ജെ​പി​ക്കും തി​രി​ച്ച​ടി​യാ​യി.

കാ​ർ​ഷി​കോ​ത്പാ​ദ​ന വ്യാ​പാ​ര വാ​ണി​ജ്യ (പ്ര​മോ​ഷ​ൻ, ഫെസി​ലി​റ്റേ​ഷ​ൻ) ബി​ൽ, ക​ർ​ഷ​ക (ശ​ക്തീ​ക​ര​ണ, സം​ര​ക്ഷ​ണ) ക​രാ​ർ ബി​ൽ, അ​വ​ശ്യ​സാ​ധ​ന ഭേ​ദ​ഗ​തി എ​ന്നീ ബി​ല്ലു​ക​ൾ ലോ​ക്സ​ഭ​യി​ൽ ഇ​ന്ന​ലെ രാ​ത്രി ശ​ബ്ദ​വോ​ട്ടോ​ടെ പാ​സാ​ക്കി. വി​വാ​ദ ബി​ല്ലു​ക​ളെ​ക്കു​റി​ച്ചു ലോ​ക്സ​ഭ​യി​ൽ ഇ​ന്ന​ലെ ന​ട​ന്ന ച​ർ​ച്ച​യ്ക്കി​ടെ ഇ​റ​ങ്ങി​പ്പോ​ക്കു ന​ട​ത്തി​യ ശേ​ഷ​മാ​യി​രു​ന്നു കേ​ന്ദ്ര ഭ​ക്ഷ്യ സം​സ്ക​ര​ണമ​ന്ത്രി ഹ​ർ​സി​മ്ര​ത് കൗ​ർ ബാ​ദ​ലി​ന്‍റെ രാ​ജി. ക​ർ​ഷ​ക​വി​രു​ദ്ധ ന​യ​ങ്ങ​ളെ തു​ട​ർ​ന്നും എ​തി​ർ​ക്കു​മെ​ങ്കി​ലും ത​ത്കാ​ലം ബി​ജെ​പി നേ​തൃ​ത്വ​ത്തി​ലു​ള്ള കേ​ന്ദ്ര​മ​ന്ത്രി​സ​ഭ​യ്ക്കു പി​ന്തു​ണ തു​ട​രു​മെ​ന്ന് ശി​രോ​മ​ണി അ​കാ​ലി​ദ​ൾ ത​ല​വ​നും ഹ​ർ​സി​മ്ര​ത് കൗ​റി​ന്‍റെ ഭ​ർ​ത്താ​വു​മാ​യ സു​ഖ്ബി​ർ സിം​ഗ് ബാ​ദ​ൽ പ​റ​ഞ്ഞു.


കേ​ന്ദ്രം നേ​ര​ത്തെ കൊ​ണ്ടു​വ​ന്ന ഓ​ർ​ഡി​ന​ൻ​സു​ക​ൾ​ക്കു പ​ക​ര​മാ​യു​ള്ള, ക​ർ​ഷ​ക​രെ ബാ​ധി​ക്കു​ന്ന മൂ​ന്നു ബി​ല്ലു​ക​ൾ പാ​സാ​ക്കി​യ​തി​ന്‍റെ പേ​രി​ലാ​ണ് അ​കാ​ലി​ദ​ളി​ന്‍റെ ഏ​ക മ​ന്ത്രി​യു​ടെ രാ​ജി. ഇ​തേ​പ്ര​ശ്ന​ത്തി​ൽ ഹ​രി​യാ​ന​യി​ലെ ബി​ജെ​പി- ജെ​ജെ​പി (ജ​ന​നാ​യ​ക് ജ​ന​താ പാ​ർ​ട്ടി) സ​ഖ്യ സ​ർ​ക്കാ​ർ ഭീ​ഷ​ണി നേ​രി​ടു​ന്ന​തി​നി​ടെ​യാ​ണു രാ​ജി. ഹ​രി​യാ​ന​യി​ലെ 90 അം​ഗ നി​യ​മ​സ​ഭ​യി​ൽ മ​നോ​ഹ​ർ ലാ​ൽ ഖ​ട്ട​റി​ന്‍റെ നേ​തൃ​ത്വ​ത്തി​ലു​ള്ള ബി​ജെ​പി​ക്ക് 40, ദു​ഷ്യ​ന്ത് ചൗ​ട്ടാ​ല​യു​ടെ നേ​തൃ​ത്വ​ത്തി​ലു​ള്ള ജെ​ജെ​പി​ക്ക് 10 എം​എ​ൽ​എ​മാ​ർ വീ​ത​മാ​ണു​ള്ള​ത്.

കോ​ർ​പ​റേ​റ്റ് ക​ന്പ​നി​ക​ളു​ടെ ഇ​ഷ്ട​പ്ര​കാ​രം കാ​ർ​ഷി​കോ​ത്പ​ന്ന​ങ്ങ​ൾ സം​ഭ​രി​ക്കാ​ൻ സ​ഹാ​യി​ക്കു​ന്ന​തും ക​ർ​ഷ​ക​ർ​ക്കു ദോ​ഷ​ക​ര​വു​മാ​ണ് ലോ​ക്സ​ഭ​യി​ൽ പാ​സാ​ക്കി​യ ബി​ല്ലു​ക​ളെ​ന്നു കോ​ണ്‍ഗ്ര​സ് ആ​രോ​പി​ച്ചി​രു​ന്നു. കോ​ർ​പ​റേ​റ്റ് ഭീ​മ​ന്മാ​രു​ടെ ദ​യാ​ദാ​ക്ഷി​ണ്യ​ത്തി​നു ക​ർ​ഷ​ക​രെ വി​ട്ടു​കൊ​ടു​ക്കു​ന്ന നി​യ​മ​ങ്ങ​ൾ​ക്കെ​തി​രേ പോ​രാ​ട്ടം തു​ട​രു​മെ​ന്ന് ഇ​ന്ന​ലെ ബി​ല്ലി​ന്‍റെ ച​ർ​ച്ച​യ്ക്കി​ടെ കോ​ണ്‍ഗ്ര​സും ഇ​ത​ര പ്ര​തി​പ​ക്ഷ പാ​ർ​ട്ടി​ക​ളും വ്യ​ക്ത​മാ​ക്കി.


ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.