പ്രവാസികളുടെ മടക്ക യാത്ര: ടിക്കറ്റ് നിരക്ക് പുനഃപരിശോധിക്കണം
Wednesday, October 21, 2020 12:28 AM IST
ന്യൂ​ഡ​ൽ​ഹി: പ്ര​വാ​സി​ക​ളു​ടെ മ​ട​ക്ക​യാ​ത്ര​യ്ക്ക് ഏ​ർ​പ്പെ​ടു​ത്തി​യി​ട്ടു​ള​ള അ​മി​ത​മാ​യ വി​മാ​ന ടി​ക്ക​റ്റ് നി​ര​ക്ക് പു​നഃപ​രി​ശോ​ധി​ക്ക​ണ​മെ​ന്ന് എ​ൻ.​കെ. പ്രേ​മ​ച​ന്ദ്ര​ൻ എം​പി. പാ​ർ​ലി​മെ​ന്‍റ​റി​കാ​ര്യ, വി​ദേ​ശ​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി യോ​ഗ​ത്തി​ലാ​ണ് വി​ഷ​യം ഉ​ന്ന​യി​ച്ച​ത്.

ലോ​ക്ക്ഡൗ​ണ്‍ കാ​ല​യ​ള​വി​ൽ നാ​ട്ടി​ലെ​ത്തു​ന്ന​തി​ന് ചാ​ർ​ട്ടേ​ർ​ഡ് ഫ്ളൈ​റ്റു​ക​ൾ ഈ​ടാ​ക്കി​യ​തി​നെ​ക്കാ​ൾ ഉ​യ​ർ​ന്ന നി​ര​ക്കി​ലാ​ണ് വ​ന്ദേ​ഭാ​ര​ത് മി​ഷ​ൻ വി​മാ​ന​ങ്ങ​ളുടെ നി​ര​ക്ക്. ഇ​പ്പോ​ൾ ഗ​ൾ​ഫ് നാ​ടു​ക​ളി​ലേ​ക്കു മ​ട​ങ്ങു​ന്ന​തി​ന് വി​വി​ധ വി​മാ​ന ക​ന്പ​നി​ക​ൾ സാ​ധാ​ര​ണ സീ​സ​ണു​ക​ളി​ൽ ഏ​ർ​പ്പെ​ടു​ത്തു​ന്ന​തി​ന്‍റെ ആ​റ് മ​ട​ങ്ങു വ​രെ നി​ര​ക്ക് ഏ​ർ​പ്പെ​ടു​ത്തു​ന്ന​തു നീ​തീ​ക​രി​ക്കാ​വു​ന്ന​ത​ല്ല. തൊ​ഴി​ലും വ​രു​മാ​നം ന​ഷ്ട​പ്പെ​ട്ട പ്ര​വാ​സി​ക​ളോ​ടു​ള​ള കോ​വി​ഡ് കാ​ല​ത്തെ തീ​വെ​ട്ടി​കൊ​ള്ള​യാ​ണി​തെ​ന്നും പ്രേ​മ​ച​ന്ദ്ര​ൻ യോ​ഗ​ത്തി​ൽ രൂ​ക്ഷ​മാ​യി വി​മ​ർ​ശി​ച്ചു.


വി​വി​ധ വി​മാ​ന​ക​ന്പ​നി​ക​ൾ ഏ​ർ​പ്പെ​ടു​ത്തി​യി​ട്ടു​ള​ള അ​മി​ത​മാ​യ യാ​ത്രാ നി​ര​ക്ക് ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്നും കേ​ന്ദ്രസ​ർ​ക്കാ​ർ ഇ​ക്കാ​ര്യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ടാ​മെ​ന്നും യോ​ഗ​ത്തി​ൽ പ​ങ്കെ​ടു​ത്ത കേ​ന്ദ്ര വ്യോ​മ​യാ​ന സെ​ക്ര​ട്ട​റി പ്ര​ദീ​പ് സിം​ഗ് ക​രോ​ള ഉ​റ​പ്പ് ന​ൽ​കി. 17 രാ​ജ്യ​ങ്ങ​ളു​മാ​യി ഉ​ണ്ടാ​ക്കി​യി​ട്ടു​ള​ള എ​യ​ർ ട്രാ​വ​ൽ എ​ഗ്രി​മെ​ന്‍റ് പ്ര​കാ​ര​മാ​ണ് ഇ​പ്പോ​ൾ സ​ർ​വ്വീ​സ് ന​ട​ത്തു​ന്ന​ത്. കൂ​ടു​ത​ൽ രാ​ജ്യ​ങ്ങ​ളു​മാ​യി ഈ ​ധാ​ര​ണ ഉ​ണ്ടാ​ക്കി കൂടു​ത​ൽ വി​മാ​ന സ​ർ​വീ​സ് ആ​രം​ഭി​ക്കാ​മെ​ന്നും സി​വി​ൽ ഏ​വി​യേ​ഷ​ൻ സെ​ക്ര​ട്ട​റി പ​റ​ഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.