കോവിഡ്: ഫെലൂഡ ടെസ്റ്റിന് മാർഗനിർദേശങ്ങളായി : Deepika.com National News |

Click here for detailed news of all items

കോവിഡ്: ഫെലൂഡ ടെസ്റ്റിന് മാർഗനിർദേശങ്ങളായി

Saturday, October 24, 2020 1:03 AM IST

ന്യൂഡൽഹി: കോവിഡ് സ്ഥിരീകരിക്കാൻ ഫെലൂഡ ടെസ്റ്റ് നടത്തുന്പോൾ പാലിക്കേണ്ട മാർഗനിർദേശങ്ങൾ പുറത്തിറക്കി ഐസിഎംആർ. സാന്പിൾ എടുക്കുന്നതും കൈമാറ്റം ചെയ്യുന്നതുമെല്ലാം പിപിഇ കിറ്റ് ധരിച്ചായിരിക്കണമെന്ന് നിർദേശത്തിൽ പറയുന്നു. ബയോസേഫ്റ്റി ഉറപ്പുവരുത്തി മാത്രമേ ടെസ്റ്റ് നടത്താവൂ എന്നും ആർടിപിസിആർ പരിശോധനയുടെ മാർഗനിർദേശങ്ങൾ പാലിക്കണമെന്നും ഐസിഎംആർ ആവശ്യപ്പെട്ടിട്ടുണ്ട്.

ആർടിപിസിആർ ടെസ്റ്റ് നടത്താൻ അനുമതി നൽകിയിട്ടുള്ള ലാബുകളിൽ സിആർഐഎസ്പിആർ ടെസ്റ്റും നടത്താം. ഇതിനായി പ്രത്യേക അനുവാദം വാങ്ങേണ്ടതില്ല. ആർടിപിസിആർ, സിആർഐഎസ്പിആർ, ടിആർയൂഇഎൻഎടി, സിബിഎൻഎഎടി പരിശോധനകൾക്കുള്ള ഏതു കുറിപ്പടിയും തുല്യമായി പരിഗണിക്കാമെന്നും നിർദേശത്തിൽ പറഞ്ഞിട്ടുണ്ട്.

തദ്ദേശീയമായി വികസിപ്പിച്ച സിആർഐഎസ്പിആർ (ക്ലസ്റ്റേർഡ് റെഗുലേറ്ററി ഇന്‍റർസ്പേസ്ഡ് ഷോർട്ട് പലിൻഡ്രോമിക് റിപ്പീറ്റ്സ്) എന്ന സാങ്കേതിക വിദ്യയിൽ അധിഷ്ഠിതമായ ടെസ്റ്റ് ആണ് ഫെലൂഡ. രോഗങ്ങൾ നിർണയിക്കാൻ ഉപയോഗിക്കുന്ന ജീനോം എഡിറ്റിംഗ് സാങ്കേതികവിദ്യയാണ് സിആർഐഎസ്പിആർ. ആന്‍റിജൻ പരിശോധനയുടെ സമയംകൊണ്ട് ആർടി-പിസിആർ പരിശോധനയുടെ കൃത്യത നൽകുന്നതാണ് സിആർഐഎസ്പിആർ പരിശോധന.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.