പ്രശാന്ത് ഭൂഷണിനെതിരേ കോടതിയലക്ഷ്യം ആവശ്യപ്പെട്ട് അറ്റോർണി ജനറലിനു കത്ത്
Tuesday, October 27, 2020 12:37 AM IST
ന്യൂ​ഡ​ൽ​ഹി: മു​തി​ർ​ന്ന അ​ഭി​ഭാ​ഷ​ക​ൻ പ്ര​ശാ​ന്ത് ഭൂ​ഷ​ണി​നെ​തി​രേ കോ​ട​തി​യ​ല​ക്ഷ്യ ന​ട​പ​ടി ആ​വ​ശ്യ​പ്പെ​ട്ട് അ​റ്റോ​ർ​ണി ജ​ന​റ​ൽ കെ.​കെ. വേ​ണു​ഗോ​പാ​ലി​നു ക​ത്ത്. ചീ​ഫ് ജ​സ്റ്റീ​സ് എ​സ്.​എ. ബോ​ബ്ഡെ​യെ വി​മ​ർ​ശി​ച്ച് ട്വി​റ്റ​റി​ൽ കു​റി​പ്പി​ട്ട വി​ഷ​യ​ത്തി​ലാ​ണ് സു​പ്രീംകോ​ട​തി​യി​ലെ അ​ഭി​ഭാ​ഷ​ക​നാ​യ സു​നി​ൽ സിം​ഗ് ക​ത്ത​യ​ച്ച​ത്.

മ​ധ്യ​പ്ര​ദേ​ശി​ലെ എം​എ​ൽ​എ​മാ​രു​ടെ അ​യോ​ഗ്യ​താ കേ​സ് പ​രി​ഗ​ണ​ന​യി​ലി​രി​ക്കേ, സം​സ്ഥാ​ന സ​ർ​ക്കാ​രി​ന്‍റെ ഹെ​ലി​കോ​പ്റ്റ​റി​ൽ ചീ​ഫ് ജ​സ്റ്റീ​സ് ബോ​ബ്ഡെ ക​ൻ​ഹ ദേ​ശീ​യ പാ​ർ​ക്ക് സ​ന്ദ​ർ​ശി​ച്ചെ​ന്നും അ​തി​നു ശേ​ഷം സ്വ​ന്തം നാ​ടാ​യ നാ​ഗ്പൂ​രി​ലേ​ക്കു പോ​യെ​ന്നു​മാ​ണ് ഭൂ​ഷ​ണ്‍ ട്വീ​റ്റ് ചെ​യ്ത​ത്. മ​ധ്യ​പ്ര​ദേ​ശ് സ​ർ​ക്കാ​രി​ന്‍റെ നി​ല​നി​ൽ​പ്പ് ഈ ​കേ​സി​നെ ആ​ശ്ര​യി​ച്ചാ​ണ്. ഒ​ക്ടോ​ബ​ർ 17 മു​ത​ൽ 20 വ​രെ ചീ​ഫ് ജ​സ്റ്റീ​സി​നു വേ​ണ്ടി ഹെ​ലി​കോ​പ്റ്റ​ർ അ​നു​വ​ദി​ക്കു​ന്ന​തി​നാ​യി മ​ധ്യ​പ്ര​ദേ​ശി​ലെ പ്രോ​ട്ടോ​ക്കോ​ൾ ഓ​ഫീ​സ​റു​ടെ ഉ​ത്ത​ര​വി​ന്‍റെ പ​ക​ർ​പ്പും ഭൂ​ഷ​ണ്‍ ട്വീ​റ്റി​ൽ ഉ​ൾ​പ്പെ​ടു​ത്തി​യി​രു​ന്നു. അ​യോ​ഗ്യ​താ കേ​സ് അ​ദ്ദേ​ഹം പ​രി​ഗ​ണി​ക്കു​ന്ന​തി​നി​ടെ മ​ധ്യ​പ്ര​ദേ​ശ് സ​ർ​ക്കാ​രി​ന്‍റെ സ​ഹാ​യം സ്വീ​ക​രി​ക്കു​ന്ന​തി​ലെ അ​സ്വാ​ഭാ​വി​ക​ത​യും ഭൂ​ഷ​ണ്‍ ട്വീ​റ്റി​ൽ ചൂ​ണ്ടി​ക്കാ​ട്ടി​യി​രു​ന്നു.


എ​ന്നാ​ൽ, കോ​ട​തി പ​രി​ഗ​ണി​ച്ചുകൊ​ണ്ടി​രി​ക്കു​ന്ന കേ​സി​ൽ മു​ൻ​വി​ധി​യോ​ടെ ചീ​ഫ് ജ​സ്റ്റീ​സി​നെ​യും സു​പ്രീംകോ​ട​തി​യെ​യും അ​വ​ഹേ​ളി​ക്കു​ക​യാ​ണ് പ്ര​ശാ​ന്ത് ഭൂ​ഷ​ണ്‍ ചെ​യ്തി​രി​ക്കു​ന്ന​തെ​ന്നും ഇ​ത് കോ​ട​തി​യു​ടെ പ്ര​വ​ർ​ത്ത​ന​ങ്ങ​ളി​ലു​ള്ള ഇ​ട​പെ​ട​ലാ​ണെ​ന്നും പ​രാ​തി​ക്കാ​ര​ൻ ചൂ​ണ്ടി​ക്കാ​ട്ടി. ചീ​ഫ് ജ​സ്റ്റീ​സ് എ​സ്.​എ. ബോ​ബ്ഡെ ബി​ജെ​പി നേ​താ​വി​ന്‍റെ മ​ക​ന്‍റെ ഉ​ട​മ​സ്ഥ​ത​യി​ലു​ള്ള ഹാ​ർ​ഡ‌്‌ലി ഡേ​വി​ഡ്സ​ണ്‍ ബൈ​ക്കി​ലി​രി​ക്കു​ന്ന ഫോ​ട്ടോ ട്വി​റ്റ​റി​ലി​ട്ടു വി​മ​ർ​ശ​നം ഉ​ന്ന​യി​ക്കു​ക​യും നാ​ല് മു​ൻ ചീ​ഫ് ജ​സ്റ്റീ​സു​മാ​ർ​ക്കെ​തി​രേ ആ​രോ​പ​ണം ഉ​ന്ന​യി​ക്കു​ക​യും ചെ​യ്ത സം​ഭ​വ​ത്തി​ൽ കോ​ട​തി​യ​ല​ക്ഷ്യ​ത്തി​ൽ കു​റ്റ​ക്കാ​ര​നാ​യി ക​ണ്ടെ​ത്തി​യ സു​പ്രീം കോ​ട​തി ഒ​രു രൂ​പ പി​ഴ ഒ​ടു​ക്കാ​ൻ ശി​ക്ഷി​ച്ചി​രു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.