ന്യൂ​ഡ​ൽ​ഹി: ദേ​ശീ​യപാ​ത​യി​ൽ കി​ട​ങ്ങു​ക​ൾ കു​ഴി​ച്ചും ലാ​ത്തി​ച്ചാ​ർ​ജും ക​ണ്ണീ​ർ​വാ​ത​ക​വും ജ​ല​പീ​ര​ങ്കി​യും ഉ​ൾ​പ്പെടെയുള്ള യു​ദ്ധസന്നാ​ഹ​ങ്ങളുമായി പോ​ലീ​സ് ചെറുക്കാൻ ശ്ര​മി​ച്ചി​ട്ടും മു​ട്ടു​മ​ട​ക്കാ​തെ മു​ന്നോ​ട്ടു നീ​ങ്ങി​യ ‘ഡ​ൽ​ഹി ച​ലോ’ ക​ർ​ഷ​ക പ്ര​ക്ഷോ​ഭം ത​ല​സ്ഥാ​ന​ത്തു പ്ര​വേ​ശി​ച്ചു. അ​തി​ർ​ത്തി​ക​ൾ അ​ട​ച്ചു ത​ട​ഞ്ഞുനി​ർ​ത്താ​ൻ ന​ട​ത്തി​യ ശ്ര​മ​ങ്ങ​ൾ പ​രാ​ജ​യ​പ്പെ​ട്ട​തോ​ടെ വി​വി​ധ സം​സ്ഥാ​ന​ങ്ങ​ളി​ൽനി​ന്ന് പ്ര​തി​ഷേ​ധ​വു​മാ​യി എ​ത്തി​യ ക​ർ​ഷ​ക​രെ ഡ​ൽ​ഹി​യി​ലേ​ക്ക് ക​ട​ക്കാ​ൻ അ​നു​വ​ദി​ക്കു​ക​യാ​യി​രു​ന്നു.

ക​ർ​ഷ​ക​രു​ടെ പ്ര​തി​ഷേ​ധ​ത്തി​ന് അ​നു​മ​തി ന​ൽ​കി​യ​താ​യി ഡ​ൽ​ഹി പോ​ലീ​സ് വ​ക്താ​വ് ഡോ. ​ഈ​ഷ് സിം​ഗാ​ളും വ്യ​ക്ത​മാ​ക്കി. ഹ​രി​യാ​ന​യി​ലും പ​ഞ്ചാ​ബി​ലും നി​ന്നു​ള്ള അ​യ്യാ​യി​ര​ത്തോ​ളം ക​ർ​ഷ​ക​ർ ഇ​ന്ന​ലെ ഉ​ച്ച​യോ​ടെത​ന്നെ ഡ​ൽ​ഹി​യി​ലേ​ക്കു പ്ര​വേ​ശി​ച്ച​താ​യി കി​സാ​ൻ സം​ഘ​ർ​ഷ് സ​മി​തി ക​ണ്‍വീ​ന​ർ മ​ൻ​ദീ​പ് ന​ത്വാ​ൻ പ​റ​ഞ്ഞു. ഉ​ത്ത​ർ​പ്ര​ദേ​ശി​ൽനി​ന്നു​ള്ള ക​ർ​ഷ​ക​ർ ഇ​ന്നു രാ​വി​ലെ ഡ​ൽ​ഹി​യി​ലേ​ക്കെ​ത്തും.

പ്ര​തി​ഷേ​ധമാ​ർ​ച്ചി​ന് അ​നു​മ​തി ന​ൽ​കു​ന്ന​തി​നു മു​ൻ​പ് ക​ർ​ഷ​ക​രെ ത​ട​ഞ്ഞുവ​യ്ക്കു​ന്ന​തി​നാ​യി ഡ​ൽ​ഹി​യി​ലെ ഒ​ൻ​പ​ത് സ്റ്റേ​ഡി​യ​ങ്ങ​ൾ താ​ത്കാ​ലി​ക ജ​യി​ലു​ക​ളാ​ക്കാ​ൻ വി​ട്ടുന​ൽ​ക​ണ​മെ​ന്ന പോ​ലീ​സി​ന്‍റെ ആ​വ​ശ്യം ഡ​ൽ​ഹി സ​ർ​ക്കാ​ർ നി​രാ​ക​രി​ച്ചു. അ​ഹിം​സ​ാപ​ര​മാ​യ സ​മ​ര​ങ്ങ​ൾ ഭ​ര​ണ​ഘ​ട​ന ന​ൽ​കു​ന്ന അ​വ​കാ​ശ​മാ​ണെ​ന്നും അ​തി​നാ​ൽ പ്ര​തി​ഷേ​ധി​ക്കു​ന്ന ക​ർ​ഷ​ക​രെ ത​ട​വി​ൽ പാ​ർ​പ്പി​ക്കാ​നു​ള്ള ജ​യി​ലു​ക​ളാ​ക്കി മാ​റ്റാ​ൻ സ്റ്റേ​ഡി​യ​ങ്ങ​ൾ വി​ട്ടുന​ൽ​കാ​ൻ ക​ഴി​യി​ല്ലെ​ന്നും പോ​ലീ​സി​നു ന​ൽ​കി​യ മ​റു​പ​ടി​യി​ൽ ഡ​ൽ​ഹി ആ​ഭ്യ​ന്ത​ര​മ​ന്ത്രി സ​ത്യേ​ന്ദ​ർ ജ​യി​ൻ അ​റി​യി​ച്ചു.

വ​ട​ക്കുപ​ടി​ഞ്ഞാ​റ​ൻ ഡ​ൽ​ഹി​യി​ലെ ബു​റാ​ഡി​യി​ൽ നി​ര​ങ്കാ​രി സ​മാ​ഗം ഗ്രൗ​ണ്ടി​ൽ സ​മാ​ധാ​ന​പ​ര​മാ​യി പ്ര​തി​ഷേ​ധി​ക്ക​ണം എ​ന്ന നി​ർ​ദേ​ശ​മാ​ണ് ഡ​ൽ​ഹി പോ​ലീ​സ് ക​മ്മീ​ഷ​ണ​ർ എ​സ്.​എ​ൻ. ശ്രീ​വാ​സ്ത​വ ന​ൽ​കി​യ​ത്. എ​ന്നാ​ൽ, സിം​ഗു അ​തി​ർ​ത്തി​യി​ൽ ക​ർ​ഷ​ക​രും പോ​ലീ​സും ത​മ്മി​ലു​ണ്ടാ​യ ഏ​റ്റു​മു​ട്ട​ലി​നൊ​ടു​വി​ലാ​ണ് പ്ര​വേ​ശ​നം അ​നു​വ​ദി​ച്ച​ത്. ക​ർ​ഷ​കപ്ര​ക്ഷോ​ഭ​ത്തി​ന് ഡ​ൽ​ഹി​യി​ലെ ആം ​ആ​ദ്മി പാ​ർ​ട്ടി എം​എ​ൽ​എ​മാ​ർ എ​ല്ലാ പി​ന്തു​ണ​യും പ്ര​ഖ്യാ​പി​ച്ചു. ഡ​ൽ​ഹി ജ​ന്ത​ർ​മ​ന്തറി​ലും ഇ​ന്ന​ലെ ക​ർ​ഷ​കപ്ര​ക്ഷോ​ഭം അ​ര​ങ്ങേ​റി.


ഹ​രി​യാ​ന​യു​മാ​യി അ​തി​ർ​ത്തി പ​ങ്കി​ടു​ന്ന ഡ​ൽ​ഹി​യി​ലെ വി​വി​ധ സ്ഥ​ല​ങ്ങ​ളി​ൽ അ​ഞ്ചു മ​ണി​ക്കൂ​റോ​ള​മാ​ണ് ക​ർ​ഷ​ക​രെ പോ​ലീ​സ് ത​ട​ഞ്ഞുനി​ർ​ത്തി​യ​ത്. കോ​ണ്‍ക്രീ​റ്റ് ബാ​രി​ക്കേ​ഡു​ക​ളും മു​ള്ളു​വേ​ലി​ക​ളും മ​ണ​ൽ നി​റ​ച്ച ട്ര​ക്കുക​ളും ക്രെ​യി​നു​ക​ളി​ൽ കൂ​റ്റ​ൻ കോ​ണ്‍ക്രീ​റ്റ് ക​ട്ട​ക​ളെ​ത്തി​ച്ചു നി​ര​ത്തി​യു​മാ​യി​രു​ന്നു പോ​ലീ​സി​ന്‍റെ പ്ര​തി​രോ​ധം.​എ​ന്നാ​ൽ, ഈ ​ത​ട​സ​ങ്ങ​ളെ​യെ​ല്ലാം ത​ങ്ങ​ളു​ടെ ട്രാ​ക്ട​റു​ക​ളി​ൽ ക​യ​ർ​കെ​ട്ടി വ​ലി​ച്ചുനീ​ക്കി ക​ർ​ഷ​ക​ർ മു​ന്നോ​ട്ടു നീ​ങ്ങി.

ക​രി​നി​യ​മ​ങ്ങ​ൾ പി​ൻ​വ​ലി​ച്ച് ക​ർ​ഷ​ക​രു​ടെ ആ​വ​ശ്യ​ങ്ങ​ൾ മോ​ദി സ​ർ​ക്കാ​ർ അം​ഗീ​ക​രി​ക്ക​ണ​മെ​ന്ന് രാ​ഹു​ൽ ഗാ​ന്ധി ആ​വ​ശ്യ​പ്പെ​ട്ടു. ക​ർ​ഷ​കപ്ര​ക്ഷോ​ഭ​ത്തി​ന് അ​നു​മ​തി ന​ൽ​കി​യ ന​ട​പ​ടി​യെ പ​ഞ്ചാ​ബ് മു​ഖ്യ​മ​ന്ത്രി ക്യാ​പ്റ്റ​ൻ അ​മ​രീ​ന്ദ​ർ സിം​ഗ് സ്വാ​ഗ​തം ചെ​യ്തു. എ​ന്നാ​ൽ, ഇ​ട​നി​ല​ക്കാ​രി​ല്ലാ​തെ കേ​ന്ദ്രസ​ർ​ക്കാ​രു​മാ​യി നേ​രി​ട്ടു ച​ർ​ച്ച ന​ട​ത്താ​നാ​ണ് ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ​ലാ​ൽ ഖ​ട്ട​ർ ക​ർ​ഷ​ക​രോ​ട് ആ​വ​ശ്യ​പ്പെ​ട്ട​ത്. ക​ർ​ഷ​ക​രു​മാ​യി ഡി​സം​ബ​ർ മൂ​ന്നി​ന് ച​ർ​ച്ച ന​ട​ത്താ​മെ​ന്ന് കേ​ന്ദ്ര കൃ​ഷി​മ​ന്ത്രി ന​രേ​ന്ദ്ര സിം​ഗ് തോ​മ​ർ വ്യ​ക്ത​മാ​ക്കി​യി​ട്ടു​ണ്ട്.

കേ​ന്ദ്ര സ​ർ​ക്കാ​ർ പാ​സാ​ക്കി​യ കാ​ർ​ഷി​കനി​യ​മ​ങ്ങ​ൾ​ക്കെ​തി​രേ വി​വി​ധ സം​സ്ഥാ​ന​ങ്ങ​ളി​ൽനി​ന്ന് അ​ഞ്ഞൂ​റോ​ളം സം​ഘ​ട​ന​ക​ളു​ടെ നേ​തൃ​ത്വ​ത്തി​ലാ​ണ് ‘ഡ​ൽ​ഹി ച​ലോ’ മാ​ർ​ച്ച് സം​ഘ​ടി​പ്പി​ച്ചി​രി​ക്കു​ന്ന​ത്. ദി​വ​സ​ങ്ങ​ളോ​ളം ത​ല​സ്ഥാ​ന​ത്ത് ത​ങ്ങാ​നു​ള്ള ഭ​ക്ഷ്യ​വ​സ്തു​ക്ക​ൾ ഉ​ൾ​പ്പെ​ടെ ക​രു​ത​ലു​മാ​യാ​ണ് ക​ർ​ഷ​ക​ർ എ​ത്തി​യി​രി​ക്കു​ന്ന​ത്.

സെ​ബി മാ​ത്യു