National News
മരട് ഫ്ലാറ്റ്: നഷ്ടപരിഹാരത്തുകയുടെ പകുതി ആറാഴ്ചയ്ക്കകം നൽകണം
മരട് ഫ്ലാറ്റ്: നഷ്ടപരിഹാരത്തുകയുടെ പകുതി ആറാഴ്ചയ്ക്കകം നൽകണം
Thursday, February 25, 2021 2:14 AM IST
ന്യൂ​ഡ​ൽ​ഹി: മ​ര​ടി​ലെ ഫ്ളാ​റ്റ് ഉ​ട​മ​ക​ൾ​ക്കു​ള്ള ന​ഷ്ട​പ​രി​ഹാ​ര​ത്തു​ക​യു​ടെ പ​കു​തി ആറാ​ഴ്ച​യ്ക്ക​കം കെ​ട്ടി​വ​യ്ക്കാ​ൻ സു​പ്രീം​കോ​ട​തി ഉ​ത്ത​ര​വ്. ഫ്ളാ​റ്റ് നി​ർ​മാ​താ​ക്ക​ളാ​യ ജെ​യി​ൻ ഹൗ​സിം​ഗ്, കാ​യ​ലോ​രം ഗ്രൂ​പ്പു​ക​ളോ​ടാ​ണ് 18.5 കോ​ടി രൂ​പ കെ​ട്ടി​വ​യ്ക്കാ​ൻ ജ​സ്റ്റീ​സ് ന​വീ​ൻ സി​ൻ​ഹ അ​ധ്യക്ഷ​നാ​യ സു​പ്രീം​കോ​ട​തി ബെ​ഞ്ച് ഉ​ത്ത​ര​വി​ട്ട​ത്.

ജെ​യി​ൻ ഫ്ളാ​റ്റ് 12.24 കോ​ടി രൂ​പ​യും കാ​യ​ലോ​രം ആ​റു കോ​ടി രൂ​പ​യും കെ​ട്ടി​വ​യ്ക്ക​ണം. പ​ണം കെ​ട്ടി​വ​ച്ചാ​ൽ ക​ണ്ടു​കെ​ട്ടി​യ ആ​സ്തി​ക​ൾ വി​ൽ​ക്കു​ന്ന​തി​ന് അ​നു​മ​തി ന​ൽ​കു​മെ​ന്ന് കോ​ട​തി വ്യ​ക്ത​മാ​ക്കി. അ​തേസ​മ​യം, ഹോ​ളി​ ഫെ​യ്ത്ത് ന​ൽ​കേ​ണ്ട ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട വി​ഷ​യം ര​ണ്ടാ​ഴ്ച ക​ഴി​ഞ്ഞ് സു​പ്രീം​കോ​ട​തി പ​രി​ഗ​ണി​ക്കും.

സു​പ്രീം​കോ​ട​തി നി​യോ​ഗി​ച്ച അ​മി​ക്ക​സ് ക്യൂ​റി ഗൗ​ര​വ് അ​ഗ​ർ​വാ​ൾ സ​മ​ർ​പ്പി​ച്ച റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് ഫ്ളാ​റ്റ് നി​ർമാ​താ​ക്ക​ൾ കെ​ട്ടി​വ​യ്ക്കേ​ണ്ട തു​ക കോ​ട​തി ക​ണ​ക്കാ​ക്കി​യ​ത്. ജെ​യി​ൻ ഹൗ​സിം​ഗ് ഫ്ളാ​റ്റു​ക​ളു​ടെ നി​ർ​മാ​ണ​ത്തി​നാ​യി 28 കോ​ടി രൂ​പ​യാ​ണ് കൈപ്പ​റ്റി​യ​ത്. ഇ​തി​ൽ ര​ണ്ടു കോ​ടി രൂ​പ ന​ഷ്ട​പ​രി​ഹാ​ര വി​ത​ര​ണ​ത്തി​നാ​യി ജ​സ്റ്റീ​സ് ബാ​ല​കൃ​ഷ്ണ​ൻ നാ​യ​ർ സ​മി​തി​ക്ക് നി​ർ​മാ​താ​ക്ക​ൾ കൈ​മാ​റി​യി​രു​ന്നു. ബാ​ക്കി തു​ക​യു​ടെ പ​കു​തി​യാ​യ 12.24 കോ​ടി രൂ​പ​യാ​ണ് കെ​ട്ടി​വ​യ്ക്കേ​ണ്ടത്.

​ഈ തു​ക കെ​ട്ടി​വ​ച്ചാ​ൽ കോ​ട​തി ക​ണ്ടു​കെ​ട്ടി​യ ചെ​ല​വ​ന്നൂ​രി​ലെ അ​ട​ക്കം ഗ്രൂ​പ്പി​ന്‍റെ പേ​രി​ലു​ള്ള ആ​സ്തി വി​ൽ​ക്കാ​ൻ അ​നു​വാ​ദം ല​ഭി​ക്കും. ഗോ​ൾ​ഡ​ൻ കാ​യ​ലോ​രം 13.57 കോ​ടി രൂ​പ​യാ​ണ് ഫ്ളാ​റ്റു​ട​മ​ക​ളി​ൽ നി​ന്നു വാ​ങ്ങി​യ​ത്. ഇ​തി​ൽ 2.89 കോ​ടി രൂ​പ നേ​രത്തേ സ​മി​തി​ക്കു കൈ​മാ​റി. ബാ​ക്കി​യു​ള്ള 3.79 കോ​ടി രൂ​പ​യാ​ണ് കോ​ട​തി​യി​ൽ ന​ൽ​കേ​ണ്ടത്.

പ​ണം കൈ​മാ​റു​ന്ന​തോ​ടെ വി​ജി​ല​ൻ​സ് അ​ന്വേ​ഷ​ണം ഉ​ൾ​പ്പെടെയു​ള്ള ന​ട​പ​ടി​ക​ൾ സ്റ്റേ ​ചെ​യ്യ​ണ​മെ​ന്ന് നി​ർ​മാ​താ​ക്ക​ൾ കോ​ട​തി​യി​ൽ ആ​വ​ശ്യ​പ്പെ​ട്ടെ​ങ്കി​ലും ഇ​ക്കാ​ര്യ​ത്തി​ൽ അ​മി​ക്ക​സ് ക്യു​റി​യോ​ട് റി​പ്പോ​ർ​ട്ട് സ​മ​ർ​പ്പി​ക്കാ​ൻ കോ​ട​തി ആ​വ​ശ്യ​പ്പെ​ട്ടു.

ച​ല​ച്ചി​ത്ര സം​വി​ധാ​യ​ക​ൻ മേ​ജ​ർ ര​വി ചീ​ഫ് സെ​ക്ര​ട്ട​റി​ക്കെ​തി​രെ സ​മ​ർ​പ്പി​ച്ച കോ​ട​തി അ​ല​ക്ഷ്യ ഹ​ർ​ജി ഹൈ​ക്കോ​ട​തി​യു​ടെ പ​രി​ഗ​ണ​ന​യ്ക്കു വി​ട​ണ​മെ​ന്ന് സം​സ്ഥാ​ന സ​ർ​ക്കാ​രി​ന്‍റെ ആ​വ​ശ്യ​ത്തി​ലും അ​മി​ക്ക​സ് ക്യു​റി​യു​ടെ റി​പ്പോ​ർ​ട്ട് തേ​ടി​യി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.