സ്ത്രീകളെ അപമാനിക്കുന്ന പരാമർശം : ചീഫ് ജസ്റ്റീസിന് വൃന്ദ കാരാട്ടിന്‍റെ കത്ത്
Wednesday, March 3, 2021 1:11 AM IST
ന്യൂ​ഡ​ൽ​ഹി: മാ​ന​ഭം​ഗ കേ​സു​ക​ളി​ൽ ഇ​ര​യാ​യ സ്ത്രീ​ക​ളെ അ​പ​മാ​നി​ക്കു​ന്ന ത​ര​ത്തി​ലു​ള്ള സു​പ്രീം​കോ​ട​തി ചീ​ഫ് ജ​സ്റ്റീ​സ് എ​സ്.​എ ബോ​ബ്ഡേ​യു​ടെ പ​രാ​മ​ർ​ശ​ങ്ങ​ൾ പിൻ​വ​ലി​ക്ക​ണം എ​ന്നാ​വ​ശ്യ​പ്പെ​ട്ട് സി​പി​എം പോ​ളി​റ്റ് ബ്യൂ​റോ അം​ഗം വൃ​ന്ദ കാ​രാ​ട്ടി​ന്‍റെ ക​ത്ത്. പോ​ക്സോ കേ​സി​ലെ പ്ര​തി​യോ​ട് പീ​ഡ​ന​ത്തി​നി​ര​യാ​യ പെ​ണ്‍കു​ട്ടി​യെ വി​വാ​ഹം ക​ഴി​ക്കാ​മോ എ​ന്ന് ചോ​ദി​ച്ച​ത് അം​ഗീ​ക​രി​ക്കാ​ൻ ക​ഴി​യാ​ത്ത തെ​റ്റാ​ണെ​ന്നും ചീ​ഫ് ജ​സ്റ്റീ​സി​ന് അ​യ​ച്ച ക​ത്തി​ൽ വൃ​ന്ദ കാ​രാ​ട്ട് ചൂ​ണ്ടി​ക്കാ​ട്ടി.

പീ​ഡി​പ്പി​ക്ക​പ്പെ​ടു​ന്ന സ്ത്രീ​ക​ൾ മ​റ്റു​ള്ള​വ​രു​ടെ ചി​ന്ത​ക​ൾ​ക്കോ അ​ഭി​രു​ചി​ക​ൾ​ക്കോ അ​നു​സ​രി​ച്ച് മാ​ത്രം പ്ര​വ​ർ​ത്തി​ക്കു​ന്ന റോ​ബോ​ട്ടു​ക​ള​ല്ല. പോ​ക്സോ കേ​സ് ചു​മ​ത്ത​പ്പെ​ട്ട സം​ഭ​വ​ത്തി​ൽ പ​തി​നാ​റ് വ​യ​സു മാ​ത്രം പ്രാ​യ​മു​ള്ള പെ​ണ്‍കു​ട്ടി വ​ർ​ഷ​ങ്ങ​ളോ​ളം പീ​ഡ​ന​ത്തി​നി​ര​യാ​യ​താ​ണ്. അ​ന്ന് അ​വ​ൾ അ​നു​ഭ​വി​ച്ച പീ​ഡ​ന​ങ്ങ​ളും മാ​ന​സി​ക​മാ​യേ​റ്റ മു​റി​വി​നും ഒ​രു വി​ല​യു​മി​ല്ലേ എ​ന്നും പീഡ​ന​ത്തി​നി​ര​യാ​ക്കി​യ പെ​ണ്‍കു​ട്ടി​യെ വി​വാ​ഹം ചെ​യ്താ​ൽ പീ​ഡ​ന​മെ​ന്ന കു​റ്റ​ത്തി​ൽ നി​ന്ന് നി​യ​മ​ര​ക്ഷ ല​ഭി​ക്കു​മെ​ന്ന സ​ന്ദേ​ശ​മാ​ണ് ചീ​ഫ് ജ​സ്റ്റീ​സ് ന​ൽ​കു​ന്ന​തെ​ന്നും ക​ത്തി​ൽ പ​റ​യു​ന്നു.


പൊ​തു​വെ പീ​ഡ​ന​ത്തി​നി​ര​യാ​യ പെ​ണ്‍കു​ട്ടി അ​ല്ലെ​ങ്കി​ൽ സ്ത്രീ​യെ മോ​ശ​മാ​യി ചി​ത്രീ​ക​രി​ക്കു​ന്ന പ്ര​വ​ണ​ത സ​മൂ​ഹ​ത്തി​നു​ണ്ട്. ആ ​ചീ​ത്തപ്പേ​ര് പ്ര​തി​യെ വി​വാ​ഹം ചെ​യ്യു​ന്ന​തി​ലൂ​ടെ ക​ഴു​കിക്ക​ള​യാ​മെ​ന്ന ചി​ല​രു​ടെ ധാ​ര​ണ​യ്ക്ക് കു​ട​പി​ടി​ക്കു​ന്ന​താ​ണ് ചീ​ഫ് ജ​സ്റ്റീ​സി​ന്‍റെ പ​രാ​മ​ർ​ശം. ഈ ​ര​ണ്ട് പ​രാ​മ​ർ​ശ​ങ്ങ​ളും പി​ൻ​വ​ലി​ക്ക​ണം.

പോ​ക്സോ കേ​സി​ലെ പ്ര​തി​ക്ക് അ​നു​വ​ദി​ച്ച മു​ൻ​കൂ​ർ ജാ​മ്യ​വും റ​ദ്ദ് ചെ​യ്യ​ണം. ഭ​ർ​ത്താ​വെ​ത്ര ക്രൂ​ര​നാ​ണെ​ങ്കി​ലും ഭാ​ര്യാ - ഭ​ർ​തൃ ബ​ന്ധ​ത്തി​ലെ ലൈം​ഗീ​ക​ത എ​ങ്ങ​നെ പീ​ഡ​ന​മാ​യി ക​ണ​ക്കാ​മെ​ന്ന ചീ​ഫ് ജ​സ്റ്റീസി​ന്‍റെ ചോ​ദ്യ​ത്തെ​യും വൃ​ന്ദ ക​ത്തി​ൽ വി​മ​ർ​ശി​ച്ചു. ദാ​ന്പ​ത്യ ബ​ന്ധ​ത്തി​ലും ഇ​ത്ത​രം സം​ഭ​വ​ങ്ങ​ളി​ൽ പീ​ഡ​നം ത​ന്നെ​യാ​ണെ​ന്ന് ന​ട​ക്കു​ന്ന​ത്. വി​വാ​ഹ സ​ർ​ട്ടി​ഫി​ക്ക​റ്റ് നോ​ക്കി​യ​ല്ല പീ​ഡ​ന​മാ​ണോ അ​ല്ല​യോ എ​ന്ന് നി​ശ്ച​യി​ക്കേ​ണ്ട​ത്. മ​റി​ച്ച് സ്ത്രീ​യു​ടെ അ​നു​മ​തി കൂ​ടി പ​രി​ഗ​ണി​ക്ക​ണ​മെ​ന്നും അ​വ​ർ ചൂ​ണ്ടി​ക്കാ​ട്ടി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.