National News
കോൺവന്‍റുകൾക്കു കെട്ടിടനികുതി ഇളവുണ്ടെന്നു സുപ്രീംകോടതി
കോൺവന്‍റുകൾക്കു കെട്ടിടനികുതി ഇളവുണ്ടെന്നു സുപ്രീംകോടതി
Wednesday, March 3, 2021 1:11 AM IST
ന്യൂ​ഡ​ൽ​ഹി: കോ​ണ്‍വന്‍റു​ക​ൾ ഉ​ൾ​പ്പെടെ​യു​ള്ള ക​ന്യാ​സ്ത്രീക​ളു​ടെ താ​മ​സ സ്ഥ​ല​ങ്ങ​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളോ​ടു ചേ​ർ​ന്നു​ള്ള ഹോ​സ്റ്റ​ലു​ക​ളും കെ​ട്ടി​ട നി​കു​തി ഒ​ഴി​വി​ന് അ​ർ​ഹ​മാ​ണെ​ന്നു സു​പ്രീം​കോ​ട​തി. ഇ​തു സം​ബ​ന്ധി​ച്ച ഹൈ​ക്കോ​ട​തി വി​ധി​ക്കെ​തി​രേ കേ​ര​ള സ​ർ​ക്കാ​ർ ന​ൽ​കി​യ ഹ​ർ​ജി​ക​ളി​ലാ​ണു വി​ധി.

1975ലെ ​കേ​ര​ള കെ​ട്ടി​ടനി​കു​തി ച​ട്ട​ത്തി​ന്‍റെ എ​ല്ലാ വ്യ​വ​സ്ഥ​ക​ളു​ടെ​യും പ​രി​ധി​ക്കു​ള്ളി​ൽ വ​രു​ന്ന​താ​ണ് ക​ന്യാ​സ്ത്രീമ​ഠ​ങ്ങ​ളും ഹോ​സ്റ്റ​ലു​ക​ളു​മെ​ന്ന് ജ​സ്റ്റീ​സു​മാ​രാ​യ രോഹിം​ഗ്ട​ണ്‍ ന​രി​മാ​ൻ, ബി.​ആ​ർ. ഗ​വാ​യ് എ​ന്നി​വ​ർ ഉ​ൾ​പ്പെ​ട്ട സു​പ്രീം​കോ​ട​തി ബെ​ഞ്ച് വി​ധി​ച്ചു. കേ​ര​ള കെ​ട്ടി​ട നി​കു​തി നി​യ​മ​ത്തി​ലെ മൂ​ന്ന്്(​ഒ​ന്ന്)(​ബി) വ​കു​പ്പ് അ​നു​സ​രി​ച്ച് മ​ഠ​ങ്ങ​ളെ​യും ഹോ​സ്റ്റ​ലു​ക​ളെ​യും കെ​ട്ടി​ടനി​കു​തി​യി​ൽനി​ന്നൊ​ഴി​വാ​ക്കാ​മെ​ന്നു സു​പ്രീം​കോ​ട​തി വ്യ​ക്ത​മാ​ക്കി.

തൊ​ടു​പു​ഴ​യി​ലെ വി​ജ്ഞാ​ന​മാ​താ പ​ള്ളി​യു​ടെ സ​മീ​പ​ത്തു​ള്ള​തും ന്യൂ​മാ​ൻ കോ​ള​ജി​ൽ പ​ഠി​ക്കു​ന്ന ക​ന്യാ​സ്ത്രീ​ക​ൾ താ​മ​സി​ക്കു​ന്ന​തു​മാ​യ കെ​ട്ടി​ട​ത്തി​ന് നി​കു​തി ഒ​ഴി​വാ​ക്ക​ണമെ​ന്നാ​വ​ശ്യ​പ്പെ​ട്ടാ​ണ് ആ​രാ​ധ​നാ മ​ഠ​ത്തി​ൽപ്പെ​ട്ട സ​ന്യ​സ്ത സ​മൂ​ഹം ഹൈ​ക്കോ​ട​തി​യെ സ​മീ​പി​ച്ച​ത്. ലാ​ഭേ​ച്ഛ​യോ​ടെ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ൾ അ​ല്ലാ​ത്ത​തുകൊ​ണ്ടു കെ​ട്ടിടനി​കു​തി​യി​ൽനി​ന്നൊ​ഴി​വാ​ക്കാ​മെ​ന്നാ​യി​രു​ന്നു കോ​ട​തി​യു​ടെ നി​ർ​ദേ​ശം. കേ​ര​ള ഹൈ​ക്കോ​ട​തി ഫു​ൾ ബെ​ഞ്ചി​ന്‍റെ ഉ​ത്ത​ര​വ് സു​പ്രീംകോ​ട​തി​യും ശ​രിവ​യ്ക്കു​ക​യാ​യി​രു​ന്നു.


മ​ത​വും വി​ദ്യാ​ഭ്യാ​സ​വു​മാ​യി നേ​രി​ട്ടു ബ​ന്ധ​മു​ള്ള പ്ര​വ​ർ​ത്ത​ന​ങ്ങ​ൾ​ക്ക് ഉ​പ​യോ​ഗി​ക്കു​ന്ന കെ​ട്ടി​ട​ങ്ങ​ൾ​ക്ക് മാ​ത്ര​മേ നി​കു​തി​യി​ള​വ് ന​ൽ​കാ​നാ​വൂ എ​ന്നാ​ണു സം​സ്ഥാ​ന സ​ർ​ക്കാ​ർ വാ​ദി​ച്ച​ത്.
ക​ന്യാ​സ്ത്രീ​ക​ൾ, പു​രോ​ഹി​ത​ർ എ​ന്നി​വ​രു​ടെ ക്വാ​ർ​ട്ടേ​ഴ്സു​ക​ൾ, വി​ദ്യാ​ർ​ഥീ ഹോ​സ്റ്റ​ലു​ക​ൾ എ​ന്നി​വ​യ്ക്ക് മ​തം, വി​ദ്യാ​ഭ്യാ​സം എ​ന്നി​വ​യു​മാ​യി നേ​രി​ട്ടു ബ​ന്ധ​മില്ലെന്നും ഇ​ത്ത​രം കെ​ട്ടി​ട​ങ്ങ​ളി​ൽ മ​ത​വും വി​ദ്യാ​ഭ്യാ​സ​വു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നി​ല്ലെ​ന്നു​മാ​യി​രു​ന്നു സ​ർ​ക്കാ​രി​ന്‍റെ വാ​ദം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.