കടൽക്കൊല കേസ് അവസാനിപ്പിച്ചു
കടൽക്കൊല കേസ് അവസാനിപ്പിച്ചു
Wednesday, June 16, 2021 2:04 AM IST
ന്യൂ​ഡ​ൽ​ഹി: ക​ട​ൽ​ക്കൊ​ല കേ​സി​ൽ ഇ​റ്റാ​ലി​യ​ൻ നാ​വി​ക​ർ​ക്കെ​തി​രാ​യ ക്രി​മി​ന​ൽ കേ​സു​ക​ളി​ലെ എ​ല്ലാ ന​ട​പ​ടി​ക​ളും സു​പ്രീംകോ​ട​തി അ​വ​സാ​നി​പ്പി​ച്ചു. ഇ​റ്റ​ലി ന​ഷ്ട​പ​രി​ഹാ​ര​മാ​യി കെ​ട്ടി​വ​ച്ച പ​ത്തുകോ​ടി രൂ​പ മ​ത്സ്യ​ത്തൊ​ഴി​ലാ​ളി​ക​ളു​ടെ കു​ടും​ബ​ത്തി​നും ബോ​ട്ട് ഉ​ട​മ​യ്ക്കും വി​ത​ര​ണം ചെ​യ്യു​ന്ന​തി​നു കേ​ര​ള ഹൈ​ക്കോ​ട​തി​യെ ചു​മ​ത​ല​പ്പെ​ടു​ത്തി. ഇ​തി​നാ​യി ഹൈ​ക്കോ​ട​തി​യി​ലെ ഒ​രു ജ​ഡ്ജി​യെ ചു​മ​ത​ല​പ്പെ​ടു​ത്താ​നും ജ​സ്റ്റീ​സു​മാ​രാ​യ ഇ​ന്ദി​ര ബാ​ന​ർ​ജി, എം.​ആ​ർ. ഷാ ​എ​ന്നി​വ​രു​ടെ ബെ​ഞ്ച് ഉ​ത്ത​ര​വി​ട്ടു.

മ​​​ത്സ്യ​​​ബ​​​ന്ധ​​​ന ബോ​​​ട്ടി​​​ലു​​​ണ്ടാ​​​യി​​​രു​​​ന്ന ര​​​ണ്ടു തൊ​​​ഴി​​​ലാ​​​ളി​​​ക​​​ളെ കേ​​​ര​​​ള തീ​​​ര​​​ത്തു​​​വ​​​ച്ച് ഇ​​​റ്റാ​​​ലി​​​യ​​​ൻ നാ​​​വി​​​ക​​​ർ വെ​​​ടി​​​വ​​​ച്ചു കൊ​​​ല​​​പ്പെ​​​ടു​​​ത്തി​​​യ കേ​​​സി​​​ൽ അ​ന്താ​രാ​ഷ്‌​ട്ര ട്രൈ​ബ്യൂ​ണ​ലി​ന്‍റെ ഉ​ത്ത​ര​വ് പ്ര​കാ​ര​മാ​ണ് ഇ​ന്ത്യ​യി​ലെ ക്രി​മി​ന​ൽ ന​ട​പ​ടി​ക​ൾ അ​വ​സാ​നി​പ്പി​ച്ച​ത്. നാ​വി​ക​ർ​ക്കെ​തി​രേ ഇ​റ്റാ​ലി​യ​ൻ നി​യ​മന​ട​പ​ടി​ക​ൾ തു​ട​രു​മെ​ന്ന് ഇ​റ്റ​ലി കോ​ട​തി​യി​ൽ ഉ​റ​പ്പ് ന​ൽ​കി. നാ​വി​ക​ർ​ക്കെ​തി​രേ ഇ​റ്റ​ലി​യി​ൽ ന​ട​ക്കു​ന്ന വി​ചാ​ര​ണ ന​ട​പ​ടി​ക​ൾ ഉ​ട​ൻ ആ​രം​ഭി​ക്ക​ണ​മെ​ന്നു സു​പ്രീംകോ​ട​തി നി​ർ​ദേ​ശി​ച്ചു. ഈ ​ന​ട​പ​ടി​ക​ളു​മാ​യി കേ​ന്ദ്രസ​ർ​ക്കാ​രും കേ​ര​ള സ​ർ​ക്കാ​രും സ​ഹ​ക​രി​ക്ക​ണം.


കൊ​ല്ല​പ്പെ​ട്ട അ​ജേ​ഷ് പി​ങ്കി, ജ​ല​സ്റ്റി​ൻ എ​ന്നി​വ​രു​ടെ കു​ടും​ബ​ങ്ങ​ൾ​ക്ക് നാ​ലുകോ​ടി രൂ​പ വീ​ത​വും സെ​ന്‍റ് ആ​ന്‍റ​ണീ​സ് ബോ​ട്ടു​ട​മ ഫ്ര​ഡി​ക്കു ര​ണ്ടു കോ​ടി രൂ​പ​യു​മാ​ണ് ന​ഷ്ട​പ​രി​ഹാ​ര​മാ​യി ല​ഭി​ക്കു​ക. ഇ​ക്കാ​ര്യ​ത്തി​ൽ ഇ​റ്റ​ലി കൈ​മാ​റി​യ പ​ത്തുകോ​ടി രൂ​പ ന്യാ​യ​മാ​ണെ​ന്നു കോ​ട​തി നി​രീ​ക്ഷി​ച്ചു. ഈ ​തു​ക അ​ടി​യ​ന്ത​ര​മാ​യി കേ​ര​ള ഹൈ​ക്കോ​ട​തി​ക്കു കൈ​മാ​റും. കേ​ര​ള ഹൈ​ക്കോ​ട​തി ചീ​ഫ് ജ​സ്റ്റീ​സ് ഈ ​തു​ക വി​ത​ര​ണം ചെ​യ്യു​ന്ന​തി​നാ​യി ഹൈ​ക്കോ​ട​തി​യി​ലെ ഒ​രു ജ​ഡ്ജി​യെ ചു​മ​ത​ല​പ്പെ​ടു​ത്ത​ണ​മെ​ന്നും സു​പ്രീംകോ​ട​തി നി​ർ​ദേ​ശി​ച്ചു.

2012 ഫെ​ബ്രു​വ​രി 15നു ര​ണ്ടു മ​ത്സ്യ​ത്തൊ​ഴി​ലാ​ളി​ക​ളെ ഇ​റ്റാ​ലി​യ​ൻ നാ​വി​ക​ർ വെ​ടി​വ​ച്ചു കൊ​ല​പ്പെ​ടു​ത്തി​യെന്നതാ​ണ് കേ​സ്. എ​ൻ​റി​ക്ക ല​ക്സി എ​ന്ന ച​ര​ക്കുക​പ്പ​ലി​ലെ സു​ര​ക്ഷാ ഉ​ദ്യോ​ഗ​സ്ഥ​രാ​യ മാ​സി​മി​ലി​യാ​നോ ലാ​ത്തോ​റെ, സാ​ൽ​വ​ത്തോ​റെ ജി​റോ​ണെഎ​ന്നി​വ​രെ അ​റ​സ്റ്റ് ചെ​യ്തെ​ങ്കി​ലും സു​പ്രീംകോ​ട​തി ജാ​മ്യ​ത്തി​ൽ വി​ട്ട​യ​ച്ചു. പി​ന്നീ​ട് ഇ​റ്റ​ലി ന​ൽ​കി​യ ഹ​ർ​ജി​യി​ൽ കേ​സി​ന്‍റെ വി​ചാ​ര​ണ ന​ട​പ​ടി​ക​ൾ ഇ​റ്റ​ലി​യി​ൽ ന​ട​ത്താ​ൻ ഉ​ത്ത​ര​വി​ട്ട അ​ന്താ​രാ​ഷ്‌ട്ര ട്രൈ​ബ്യൂ​ണ​ൽ, ന​ഷ്ട​പ​രി​ഹാ​രം ന​ൽ​കാ​ൻ നി​ർ​ദേ​ശി​ച്ചി​രു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.