ജനസംഖ്യാ നിയന്ത്രണം: ബിജെപിക്ക് ഇരട്ടത്താപ്പ്
ജനസംഖ്യാ നിയന്ത്രണം: ബിജെപിക്ക് ഇരട്ടത്താപ്പ്
Wednesday, July 28, 2021 2:02 AM IST
ന്യൂ​ഡ​ൽ​ഹി: ജ​ന​സം​ഖ്യാ നി​യ​ന്ത്ര​ണ നി​ല​പാ​ടി​ൽ ബി​ജെ​പി​ക്ക് ഇ​ര​ട്ട​ത്താ​പ്പ്. ബി​ജെ​പി ഭ​രി​ക്കു​ന്ന ആ​സാം, യു​പി സ​ർ​ക്കാ​രു​ക​ൾ ര​ണ്ടു കു​ട്ടി ന​യം നി​യ​മം രൂ​പീ​ക​രി​ച്ചു ന​ട​പ്പാ​ക്കാ​നൊ​രു​ങ്ങു​ക​യാ​ണ്.

മ​ധ്യ​പ്ര​ദേ​ശി​ലും ഇ​തു ന​ട​പ്പാ​ക്കി​യേ തീ​രൂ എ​ന്നാ​വ​ശ്യ​പ്പെ​ട്ട് സം​സ്ഥാ​ന ബി​ജെ​പി നേ​തൃ​ത്വം മു​റ​വി​ളി കൂ​ട്ടു​ക​യാ​ണ്. പാ​ർ​ല​മെ​ന്‍റി​ന്‍റെ വ​ർ​ഷ​കാ​ല സ​മ്മേ​ള​ന​ത്തി​ൽ ബി​ജെ​പി എം​പി​മാ​ർ ഇ​ക്കാ​ര്യം ആ​വ​ശ്യ​പ്പെ​ട്ടു സ്വ​കാ​ര്യ ബി​ല്ലും അ​വ​ത​രി​പ്പി​ച്ചു. ഇ​തി​നെ​ല്ലാ​മി​ടെ, കു​ട്ടി​ക​ളു​ടെ എ​ണ്ണ​ത്തി​ൽ നി​യ​ന്ത്ര​ണ പ​രി​ധി വ​യ്ക്കാ​നാ​കി​ല്ലെ​ന്നാ​ണ് കേ​ന്ദ്ര ആ​രോ​ഗ്യ​മ​ന്ത്രാ​ല​യം പാ​ർ​ല​മെ​ന്‍റി​ൽ രേ​ഖാ​മൂ​ലം വ്യ​ക്ത​മാ​ക്കി​യി​രി​ക്കു​ന്ന​ത്.

ജ​ന​സം​ഖ്യാ നി​യ​ന്ത്ര​ണ​ത്തി​നാ​യി കു​ട്ടി​ക​ളു​ടെ എ​ണ്ണ​ത്തി​ൽ പ​രി​ധി നി​ശ്ച​യി​ക്കു​ന്ന​ത് ലിം​ഗ നി​ർ​ണ​യ​ത്തി​ലൂ​ടെ ഗ​ർ​ഭഛി​ദ്രം ന​ട​ത്തു​ന്ന ഉ​ൾ​പ്പ​ടെ​യു​ള്ള ദു​ഷ്പ്ര​വ​ണ​ത​ക​ൾ വ​ർ​ധി​ക്കാ​ൻ ഇ​ട​യാ​ക്കു​മെ​ന്നാ​ണ് കേ​ന്ദ്ര ആ​രോ​ഗ്യ സ​ഹ​മ​ന്ത്രി ഭാ​ര​തി പ്ര​വീ​ണ്‍ പ​വാ​ർ ലോ​ക്സ​ഭ​യി​ൽ ന​ൽ​കി​യ മ​റു​പ​ടി​യി​ൽ ക​ഴി​ഞ്ഞ ദി​വ​സം വ്യ​ക്ത​മാ​ക്കി​യ​ത്.

ജ​ന​സം​ഖ്യാ നി​യ​ന്ത്ര​ണം ആ​വ​ശ്യ​പ്പെ​ട്ട് ലോ​ക്സ​ഭ​യി​ൽ ബി​ജെ​പി എം​പി ര​വി കി​ഷ​നും രാ​ജ്യ​സ​ഭ​യി​ൽ ബി​ജെ​പി എം​പി പ്ര​ഫ. രാ​കേ​ഷ് സി​ൻ​ഹ​യും സ്വ​കാ​ര്യ ബി​ല്ലു​ക​ൾ അ​വ​ത​രി​പ്പി​ച്ചി​രു​ന്നു.

നാ​ലു മ​ക്ക​ളു​ള്ള ര​വി​കി​ഷ​ൻ അ​വ​ത​രി​പ്പി​ച്ച സ്വ​കാ​ര്യ ബി​ല്ലി​ൽ ര​ണ്ടു കു​ട്ടി ന​യം ത​ന്നെ​യാ​ണ് ചൂ​ണ്ടി​ക്കാ​ട്ടു​ന്ന​ത്. ജ​ന​സം​ഖ്യാ നി​യ​ന്ത്ര​ണം ആ​സാ​മി​ൽ ന​ട​പ്പാ​ക്കു​ന്ന മു​ഖ്യ​മ​ന്ത്രി ഹി​മാ​ന്ത ബി​ശ്വ ശ​ർ​മ ത​ന്‍റെ കു​ടും​ബ​ത്തി​ലെ ആ​റു മ​ക്ക​ളി​ൽ ഒ​രാ​ളാ​ണ്. ഉ​ത്ത​ർ​പ്ര​ദേ​ശി​ൽ നി​യ​മം ന​ട​പ്പാ​ക്കാ​നൊ​രു​ങ്ങു​ന്ന മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് സ​ന്യാ​സി ആ​ണെ​ങ്കി​ലും ത​ന്‍റെ കു​ടും​ബ​ത്തി​ലെ എ​ട്ടു മ​ക്ക​ളി​ൽ ഒ​രാ​ളാ​ണ്.


രാ​ജ്യ​വ്യാ​പ​മാ​യി ര​ണ്ടു കു​ട്ടി​ക​ൾ എ​ന്ന ന​യം ന​ട​പ്പാ​ക്കാ​ൻ ശ്ര​മി​ക്കു​ന്നു​ണ്ടോ എ​ന്ന ചോ​ദ്യം ബി​ജെ​പി എം​പി ഉ​ദ​യ് പ്ര​താ​പ് സിം​ഗ് ആ​ണ് ക​ഴി​ഞ്ഞ ദി​വ​സം ലോ​ക്സ​ഭ​യി​ൽ ഉ​ന്ന​യി​ച്ച​ത്. ഇ​ത്ത​ര​ത്തി​ൽ ഒ​രു ത​ര​ത്തി​ലു​ള്ള നി​ർ​ദേ​ശ​ങ്ങ​ളോ ശി​പാ​ർ​ശ​ക​ളോ കേ​ന്ദ്രസ​ർ​ക്കാ​രി​ന്‍റെ പ​രി​ഗ​ണ​യി​ൽ ഇ​ല്ലെ​ന്നാ​ണ് ആ​രോ​ഗ്യ സ​ഹ​മ​ന്ത്രി ഭാ​ര​തി പ്ര​വീ​ണ്‍ പ​വാ​ർ അ​റി​യി​ച്ച​ത്.

കു​ട്ടി​ക​ളു​ടെ എ​ണ്ണ​ത്തി​ൽ നി​യ​ന്ത്ര​ണം ഏ​ർ​പ്പെ​ടു​ത്തു​ന്ന​ത് അ​ന്താ​രാഷ്‌ട്രത​ല​ത്തി​ൽത്ത​ന്നെ​യു​ള്ള അ​നു​ഭ​വ​ങ്ങ​ളു​ടെ അ​ടി​സ്ഥാ​ന​ത്തി​ൽ അ​സ​ന്തു​ലി​ത​മാ​യി ലിം​ഗ അ​നു​പാ​ത​ത്തി​ന് ഇ​ട​യാ​ക്കു​മെ​ന്നാ​ണ്. മാ​ത്ര​മ​ല്ല നി​യ​ന്ത്ര​ണ​ങ്ങ​ൾ ന​ട​പ്പാ​ക്കി​യാ​ൽ കു​ട്ടി​യു​ടെ ലിം​ഗ നി​ർ​ണ​യം ന​ട​ത്താ​നും അ​തു​വ​ഴി ഗ​ർ​ഭഛി​ദ്ര​വും പെ​ണ്‍ ഭ്രൂ​ണ​ഹ​ത്യ​യും വ​ർ​ധി​പ്പി​ക്കാ​നും ഇ​ട​യാ​ക്കു​മെ​ന്നും മ​ന്ത്രി ന​ൽ​കി​യ മ​റു​പ​ടി​യി​ൽ ചൂ​ണ്ടി​ക്കാ​ട്ടു​ന്നു.

ജ​ന​സം​ഖ്യാ നി​യ​ന്ത്ര​ണ ബി​ൽ ദേ​ശ​വി​രു​ദ്ധ​മാ​ണെ​ന്നും പ്ര​ത്യേ​ക ജ​ന​വി​ഭാ​ഗ​ത്തെ ന​ശി​പ്പി​ക്കു​മെ​ന്നും നേ​ര​ത്തെ കോ​ണ്‍ഗ്ര​സ് എം​പി ശ​ശി ത​രൂ​ർ കു​റ്റ​പ്പെ​ടു​ത്തി​യി​രു​ന്നു. ബി​ൽ ജ​നാ​ധി​പ​ത്യ​ത്തിന്‍റെ കൊ​ല​പാ​ത​ക​മാ​ണെ​ന്ന് സ​മാ​ജ് വാ​ദി പാ​ർ​ട്ടി​യും, രാ​ഷ്‌ട്രീയ അ​ജ​ണ്ട​യാ​ണ് ബി​ല്ലി​നു പി​ന്നി​ലെ​ന്ന് കോ​ണ്‍ഗ്ര​സും ചൂ​ണ്ടി​ക്കാ​ട്ടു​ന്നു.

ഉ​ത്ത​ർ​പ്ര​ദേ​ശി​ൽ ര​ണ്ടു കു​ട്ടി​ക​ളി​ൽ കൂ​ടു​ത​ൽ ഉ​ള്ള​വ​ർ​ക്ക് സ​ർ​ക്കാ​ർ ജോ​ലി​ക്ക് അ​പേ​ക്ഷി​ക്കാ​നോ ത​ദ്ദേ​ശ തെ​ര​ഞ്ഞെ​ടു​പ്പു​ക​ളി​ൽ മ​ത്സ​രി​ക്കാ​നോ സാ​ധി​ക്കി​ല്ലെ​ന്നാ​ണ് ക​ര​ട് നി​യ​മ​ത്തി​ൽ പ​റ​യു​ന്ന​ത്.​ആ​സ​ാമി​ലും പു​തി​യ നി​യ​മ​പ്ര​കാ​രം ര​ണ്ടി​ൽ കൂ​ടു​ത​ൽ കു​ട്ടി​ക​ളു​ള്ള​വ​ർ​ക്ക് ത​ദ്ദേ​ശ​സ്ഥാ​പ​ന​ങ്ങ​ളി​ൽ അം​ഗ​ങ്ങ​ളാ​വാ​ൻ ക​ഴി​യി​ല്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.