ലഖിംപുർ കർഷക കൂട്ടക്കൊല: കേസന്വേഷണം തീരാക്കഥയാവരുതെന്ന് യുപി സർക്കാരിനോടു സുപ്രീംകോടതി
ലഖിംപുർ കർഷക കൂട്ടക്കൊല: കേസന്വേഷണം തീരാക്കഥയാവരുതെന്ന്  യുപി സർക്കാരിനോടു സുപ്രീംകോടതി
Thursday, October 21, 2021 1:37 AM IST
ന്യൂ​ഡ​ൽ​ഹി: ല​ഖിം​പുരി​ലെ ക​ർ​ഷ​ക​രു​ടെ കൂ​ട്ട​ക്കൊ​ല​യി​ൽ യു​പി പോ​ലീ​സി​ന്‍റെ അ​ന്വേ​ഷ​ണ​ത്തി​ൽ ക​ടു​ത്ത അ​തൃ​പ്തി പ്ര​ക​ടി​പ്പി​ച്ച് സു​പ്രീം​കോ​ട​തി. സം​സ്ഥാ​ന സ​ർ​ക്കാ​ർ സ്വ​യം കാ​ലു​വാ​രു​ക​യാ​ണെ​ന്നു വാ​ദം കേ​ൾ​ക്കു​ന്ന​തി​നി​ടെ ജ​സ്റ്റീ​സ് ഹി​മ കോ​ഹ്‌​ലി പ​റ​ഞ്ഞു.

എ​ട്ടു പേ​രു​ടെ മ​ര​ണ​ത്തി​നിട​യാ​ക്കി​യ സം​ഭ​വ​ത്തി​ൽ ത​ത്‌​സ്ഥി​തി റി​പ്പോ​ർ​ട്ട് ന​ൽ​കാ​ൻ വൈ​കി​യ​തി​ൽ യു​പി സ​ർ​ക്കാ​രി​നെ​തി​രേ രൂ​ക്ഷവി​മ​ർ​ശ​ന​ങ്ങ​ളാ​ണ് ചീ​ഫ് ജ​സ്റ്റീ​സ് എ​ൻ.​വി. ര​മ​ണ അ​ധ്യ​ക്ഷ​നാ​യ ബെ​ഞ്ച് ഉ​ന്ന​യി​ച്ച​ത്. ജ​സ്റ്റീ​സ് സൂ​ര്യ​കാ​ന്തും ബെ​ഞ്ചി​ന്‍റെ ഭാ​ഗ​മാ​യി​രു​ന്നു. കേ​സി​ൽ അ​ന്വേ​ഷ​ണം ഒ​രി​ക്ക​ലും അ​വ​സാ​നി​ക്കാ​ത്ത ഒ​രു ക​ഥ​യാ​യി മാ​റ​രു​തെ​ന്നും സു​പ്രീം​കോ​ട​തി താ​ക്കീ​ത് ന​ൽ​കി.

കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി അ​ജ​യ് മി​ശ്ര​യു​ടെ മ​ക​ൻ ആ​ശി​ഷ് മി​ശ്ര അ​റ​സ്റ്റി​ലാ​യ കേ​സി​ൽ ഇ​തു ര​ണ്ടാം ത​വ​ണ​യാ​ണ് ഉത്തർപ്രദേശ് സ​ർ​ക്കാ​രി​നെ സു​പ്രീം​കോ​ട​തി വി​മ​ർ​ശ​ന​ങ്ങ​ൾ കൊ​ണ്ടു മൂ​ടു​ന്ന​ത്.
ല​ഖിം​പുർ സം​ഭ​വ​ത്തി​ൽ റി​പ്പോ​ർ​ട്ട് മു​ദ്രവ​ച്ച ക​വ​റി​ലാ​ക്കി ന​ൽ​കി​യി​ട്ടു​ണ്ടെ​ന്ന് യു​പി സ​ർ​ക്കാ​രി​നു വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ ഹ​രീ​ഷ് സാ​ൽ​വേ അ​റി​യി​ച്ചു. എ​ന്നാ​ൽ, അ​ൽ​പം മു​ൻ​പ് മാ​ത്രം ല​ഭി​ച്ച റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ എ​ന്തു വാ​ദ​മാ​ണ് ന​ട​ത്തേ​ണ്ട​തെ​ന്ന് കോ​ട​തി ചോ​ദി​ച്ചു.

ത​ലേ​ദി​വ​സം പു​ല​ർ​ച്ചെ ഒ​രു മ​ണി വ​രെ റി​പ്പോ​ർ​ട്ട് ല​ഭി​ക്കു​മെ​ന്നു ക​രു​തി കാ​ത്തി​രു​ന്നെ​ന്നും കോ​ട​തി ചൂ​ണ്ടി​ക്കാ​ട്ടി. 44 സാ​ക്ഷി​ക​ളു​ള്ള കേ​സി​ൽ ഇ​തു​വ​രെ നാ​ലുപേ​രു​ടെ മൊ​ഴി മാ​ത്ര​മാ​ണ് മ​ജി​സ്ട്രേ​റ്റി​നു മു​ന്നി​ൽ രേ​ഖ​പ്പെ​ടു​ത്തി​യ​ത്. ഇ​തും കോ​ട​തി ചോ​ദ്യം ചെ​യ്തു. കേ​സി​ൽ ഇ​തു​വ​രെ അ​റ​സ്റ്റി​ലാ​യ​വ​ർ​ക്ക് പു​റ​മേ എ​ത്ര​പേ​ർ പോ​ലീ​സ്-​ജു​ഡീ​ഷൽ ക​സ്റ്റ​ഡി​ക​ളി​ൽ ഉ​ണ്ടെ​ന്നും കോ​ട​തി ചോ​ദി​ച്ചു.


ക​ർ​ഷ​ക​ർ​ക്കി​ട​യി​ലേ​ക്കു വാ​ഹ​നം ഓ​ടി​ച്ചുക​യ​റ്റി​യ​തി​നും കൊ​ല​പ്പെ​ടു​ത്തി​യ​തി​നു​മാ​യി ര​ണ്ട് കേ​സു​ക​ളാ​ണുള്ള​ത്. ഇ​തു​വ​രെ 10 പേ​ർ അ​റ​സ്റ്റി​ലാ​യി. നേ​രത്തേ അ​റ​സ്റ്റി​ലാ​യ​വ​ർ​ക്ക് പു​റ​മേ നാ​ലു പേ​രാ​ണ് പോ​ലീ​സ് ക​സ്റ്റ​ഡി​യി​ലുള്ള​ത്.
പൂ​ജാ അ​വ​ധി ആ​യ​തി​നാ​ലാ​ണ് മ​റ്റു ന​ട​പ​ടി​ക്ര​മ​ങ്ങ​ൾ വൈ​കി​യ​തെ​ന്നും സം​ഭ​വം പു​ന​രാ​വി​ഷ്ക​രി​ക്കേ​ണ്ട​തു​ണ്ടെ​ന്നും യു​പി സ​ർ​ക്കാ​രി​നുവേ​ണ്ടി ഹാ​ജ​രാ​യ മ​റ്റൊ​രു അ​ഭി​ഭാ​ഷ​ക​ൻ ഗ​രി​മ പ്ര​സാ​ദ് വ്യ​ക്ത​മാ​ക്കി.

എ​ന്നാ​ൽ, അ​പ​ക​ട സം​ഭ​വം പു​ന​രാ​വി​ഷ്ക​രി​ക്കു​ന്ന​തും മ​ജി​സ്ട്രേ​റ്റി​നു മു​ന്നി​ൽ മൊ​ഴി രേ​ഖ​പ്പെ​ടു​ത്തു​ന്ന​തും വ്യ​ത്യ​സ്ത കാ​ര്യ​ങ്ങ​ളാ​ണെ​ന്നു കോ​ട​തി ചൂ​ണ്ടി​ക്കാ​ട്ടി.

എ​ന്നാ​ൽ, ക്രി​മി​ന​ൽ കോ​ട​തി​ക​ൾ​ക്ക് അ​വ​ധി​യൊ​ന്നും ബാ​ധ​ക​മ​ല്ലെ​ന്നു ചൂ​ണ്ടി​ക്കാ​ട്ടി​യ കോ​ട​തി അ​ടു​ത്ത ആ​ഴ്ച​യ്ക്കു​ള്ളി​ൽ മു​ഴു​വ​ൻ സാ​ക്ഷി​ക​ളു​ടെ​യും മൊ​ഴി രേ​ഖ​പ്പെ​ടു​ത്ത​ണം എ​ന്ന് നി​ർ​ദേ​ശി​ച്ചു. സാ​ക്ഷി​ക​ൾ​ക്ക് മ​തി​യാ​യ സം​ര​ക്ഷ​ണം ഉ​റ​പ്പുവ​രു​ത്ത​ണ​മെ​ന്നും പ്ര​ത്യേ​ക അ​ന്വേ​ഷ​ണ സം​ഘ​ത്തി​നു നി​ർ​ദേ​ശം ന​ൽ​കി. മ​റ്റു പ്ര​തി​ക​ളു​ടെ പോ​ലീ​സ് ക​സ്റ്റ​ഡി ആ​വ​ശ്യ​പ്പെ​ടാ​ത്ത​തും സു​പ്രീം​കോ​ട​തി ചോ​ദ്യം ചെ​യ്തു.

മൂ​ന്നു ദി​വ​സ​ത്തെ പോ​ലീ​സ് ക​സ്റ്റ​ഡി​ക്കു ശേ​ഷം മ​ന്ത്രിപു​ത്ര​നാ​യ ആ​ശി​ഷ് മി​ശ്ര​യെ ജു​ഡീ​ഷൽ ക​സ്റ്റ​ഡി​യി​ൽ വി​ട്ടി​രി​ക്കു​ക​യാ​ണ്. ഇ​ക്കാ​ര്യ​ത്തി​ൽ പോ​ലീ​സ് ക​സ്റ്റ​ഡി നീ​ട്ടി ല​ഭി​ക്കു​ന്ന​തി​ന് അ​പേ​ക്ഷ ന​ൽ​കാ​തി​രു​ന്ന​തും സു​പ്രീം​കോ​ട​തി​യു​ടെ വി​മ​ർ​ശ​ന​ത്തി​നി​ട​യാ​ക്കി. കേ​സ് 26നു ​പ​രി​ഗ​ണി​ക്കും.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.