കെഎസ്ആർടിസി പെൻഷൻ പദ്ധതി സുപ്രീംകോടതിക്കു സമർപ്പിച്ചു
കെഎസ്ആർടിസി പെൻഷൻ പദ്ധതി സുപ്രീംകോടതിക്കു സമർപ്പിച്ചു
Wednesday, October 27, 2021 1:57 AM IST
ന്യൂ​ഡ​ൽ​ഹി: കെ​എ​സ്ആ​ർ​ടി​സി​യി​ൽ സ്ഥി​ര​പ്പെ​ടു​ത്തി​യ ജീ​വ​ന​ക്കാ​രു​ടെ പെ​ൻ​ഷ​ൻ നി​ശ്ച​യി​ക്കാ​നു​ള്ള പു​തി​യ പ​ദ്ധ​തി സു​പ്രീം​കോ​ട​തി​ക്കു ന​ൽ​കി. സ്ഥി​ര​പ്പെ​ടും മു​ൻ​പ് ജോ​ലി ചെ​യ്ത കാ​ല​വും പെ​ൻ​ഷ​ൻ നി​ശ്ച​യി​ക്കാ​ൻ പ​രി​ഗ​ണി​ക്ക​ണ​മെ​ന്ന കേ​സി​ലാ​ണ് ന​ട​പ​ടി.

പു​തി​യ പ​ദ്ധ​തി അ​നു​സ​രി​ച്ച് ഡ്രൈ​വ​ർ​മാ​ർ, ക​ണ്ട​ക്ട​ർ​മാ​ർ, മെ​ക്കാ​നി​ക്ക​ൽ ജീ​വ​ന​ക്കാ​ർ എ​ന്നി​വ​ർ ദി​വ​സവേ​ത​ന​ത്തി​ന് ജോ​ലി ചെ​യ്തി​രു​ന്ന കാ​ല​ഘ​ട്ടം കൂ​ടി ക​ണ​ക്കാ​ക്കി ജൂ​ലൈ 2021 മു​ത​ലു​ള്ള പെ​ൻ​ഷ​ൻ മാ​ത്ര​മേ ന​ൽ​കു​ക​യു​ള്ളൂ എ​ന്നാ​ണു വ്യ​വ​സ്ഥ.

മാ​സം ചു​രു​ങ്ങി​യ​ത് പ​ത്തു​ദി​വ​സമെ​ങ്കി​ലും ജോ​ലി ചെ​യ്തി​ട്ടു​ള്ള​വ​രെ മാ​ത്ര​മേ പെ​ൻ​ഷ​ൻ ക​ണ​ക്കാ​ക്കാ​ൻ പ​രി​ഗ​ണി​ക്കു​ക​യു​ള്ളൂ. എ​ന്നാ​ൽ പ​ത്തു​ദി​വ​സം പോ​ലും ജോ​ലി ഇ​ല്ലാ​തി​രു​ന്ന മാ​സ​ങ്ങ​ളു​ടെ അ​ൻ​പ​ത് ശ​ത​മാ​ന​വും ആ​കെ പെ​ൻ​ഷ​ന്‍റെ ക​ണ​ക്കെ​ടു​പ്പി​നാ​യി കൂ​ട്ടു​മെ​ന്നും അ​ഭി​ഭാ​ഷ​ക​ൻ ദീ​പ​ക് പ്ര​കാ​ശ് മു​ഖേ​നെ സു​പ്രീംകോ​ട​തി​ക്ക് കൈ​മാ​റി​യ പ​ദ്ധ​തി​യി​ൽ കെഎസ്ആ​ർ​ടി​സി വ്യ​ക്ത​മാ​ക്കി​യി​ട്ടു​ണ്ട്.


2000, 2001, 2007 വ​ർ​ഷ​ങ്ങ​ളി​ൽ സ്ഥി​ര​പ്പെ​ട്ട 2,939 ജീ​വ​ന​ക്കാ​ർ​ക്കാ​ണ് പ​ദ്ധ​തി​യു​ടെ ആ​നു​കൂ​ല്യം ല​ഭി​ക്കു​ക പെ​ൻ​ഷ​ൻ ഒ​ഴി​കെ​യു​ള്ള മ​റ്റ് ആ​നു​കൂ​ല്യ​ങ്ങ​ൾ ഒ​ന്നും ന​ൽ​കി​ല്ല. പ​ദ്ധ​തി​ക്കു സു​പ്രീം​കോ​ട​തി അം​ഗീ​കാ​രം ന​ൽ​കു​ന്ന അ​ന്നു മു​ത​ൽ മൂ​ന്നു മാ​സ​ത്തി​നു​ള്ളി​ൽ അ​പേ​ക്ഷ ന​ൽ​ക​ണം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.