ഇന്‍റർപോൾ എക്സിക്യൂട്ടീവ് കമ്മിറ്റി: ഇന്ത്യയുടെ പ്രവീൺ സിൻഹയ്ക്കു തിളങ്ങുന്ന വിജയം : Deepika.com National News |

Click here for detailed news of all items

ഇന്‍റർപോൾ എക്സിക്യൂട്ടീവ് കമ്മിറ്റി: ഇന്ത്യയുടെ പ്രവീൺ സിൻഹയ്ക്കു തിളങ്ങുന്ന വിജയം

Friday, November 26, 2021 12:50 AM IST

ന്യൂഡൽഹി: രാജ്യാന്തര പോലീസ് സംഘടനയായ ഇന്‍റർപോളിന്‍റെ എക്സിക്യൂട്ടീവ് കമ്മിറ്റിയിലെ ഏഷ്യൻ പ്രതിനിധി സ്ഥാനത്തേക്കുള്ള തെരഞ്ഞെടുപ്പിൽ ഇന്ത്യക്കു വിജയം.

ചൈനയുടെയും സിംഗപ്പൂരിന്‍റെയും ശക്തമായ വെല്ലുവിളി അതിജീവിച്ച് സിബിഐ സ്പെഷൽ ഡയറക്ടർ പ്രവീൺ സിൻഹ ഈ സ്ഥാനത്തേക്കു തെരഞ്ഞെടുക്കപ്പെടുകയായിരുന്നു. യുഎഇ പ്രതിനിധി മേജർ ജനറൽ അഹമ്മദ് നാസർ അൽ-റെയ്സി ഇന്‍റർ പോൾ പ്രസിഡന്‍റായി തെരഞ്ഞെടുക്കപ്പെട്ടു. നാലു വർഷമാണ് കാലാവധി. യുഎഇ ആഭ്യന്തര വകുപ്പിൽ ഐജിയാണ് ഇദ്ദേഹം.

രണ്ടു പ്രതിനിധികളുടെ ഒഴിവിലേക്ക് ചൈനയ്ക്കും സിംഗപ്പൂരിനും പുറമേ ദക്ഷിണകൊറിയയും മത്സരിച്ചിരുന്നു. ഈസ്താംബൂളിൽ ഇന്‍റർപോളിന്‍റെ 89- ാം പൊതുസമ്മേളനത്തിലായിരുന്നു തെരഞ്ഞെടുപ്പ്.

ലോകരാജ്യങ്ങൾക്കു മുന്പാകെ ഇന്ത്യ നടത്തിയ ശക്തമായ പ്രചാരണമാണു സിൻഹയുടെ വിജയത്തിന്‍റെ അടിത്തറയായത്. സുഹൃദ്‌രാജ്യങ്ങളുടെ അകമഴിഞ്ഞ പിന്തുണയും ലഭിച്ചുവെന്ന് ഉന്നത വൃത്തങ്ങൾ സൂചിപ്പിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.