National News
നോ​ണ്‍ കോ​ർ മേ​ഖ​ല​യി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്കു​മെ​ന്ന് കേ​ന്ദ്രം;അ​ധി​കാ​രം സം​സ്ഥാ​ന​ത്തി​നു വേ​ണ​മെ​ന്നു കേ​ര​ളം
നോ​ണ്‍ കോ​ർ മേ​ഖ​ല​യി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്കു​മെ​ന്ന് കേ​ന്ദ്രം;അ​ധി​കാ​രം സം​സ്ഥാ​ന​ത്തി​നു വേ​ണ​മെ​ന്നു കേ​ര​ളം
Sunday, December 5, 2021 12:42 AM IST
ന്യൂ​ഡ​ൽ​ഹി: പ​ശ്ചി​മ​ഘ​ട്ട​ത്തി​ലെ പ​രി​സ്ഥി​തി ലോ​ല പ്ര​ദേ​ശ​ങ്ങ​ളു​ടെ നോ​ണ്‍ കോ​ർ മേ​ഖ​ല​യി​ൽ വീ​ടു​ക​ൾ, ആ​ശു​പ​ത്രി​ക​ൾ, സ്കൂ​ളു​ക​ൾ അ​ട​ക്ക​മു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്കു​മെ​ന്ന് കേ​ന്ദ്ര​മ​ന്ത്രി യാ​ദ​വ് പ​റ​ഞ്ഞു. കേ​ന്ദ്ര വ​നം പ​രി​സ്ഥി​തി സെ​ക്ര​ട്ട​റി, ഉ​പ​ദേ​ശ​ക​ൻ അ​ട​ക്ക​മു​ള്ള ഉ​ന്ന​ത ഉ​ദ്യോ​ഗ​സ്ഥ​രും ഇ​ന്ന​ലെ ന​ട​ന്ന യോ​ഗ​ത്തി​ൽ പ​ങ്കെ​ടു​ത്തു.

നോ​ണ്‍ കോ​ർ മേ​ഖ​ല​യി​ലും രാ​സ ഫാ​ക്ട​റി​ക​ൾ, വ​ൻ​കി​ട വ്യ​വ​സാ​യ​ങ്ങ​ൾ, താ​പ​വൈ​ദ്യു​തി നി​ല​യ​ങ്ങ​ൾ തു​ട​ങ്ങി​യ​വ അ​നു​വ​ദി​ക്കി​ല്ല. മ​റ്റു നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കും കൃ​ഷി​ക​ൾ​ക്കും പൊ​തു​ജീ​വി​ത​ത്തി​നും ത​ട​സ​മി​ല്ല. വാ​ക്കാ​ൽ പ​റ​യു​ന്ന​തി​ന​പ്പു​റ​ത്തു കേ​ന്ദ്രം നി​യ​മ​പ​ര​മാ​യ നി​ർ​വ​ച​നം അ​റി​യി​ച്ച ശേ​ഷം ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​ർ അ​ന്തി​മ നി​ല​പാ​ടു സ്വീ​ക​രി​ക്കു​മെ​ന്നു ധ​ന​മ​ന്ത്രി ബാ​ല​ഗോ​പാ​ൽ പ​റ​ഞ്ഞു.

മ​ല​ക​ളി​ൽ താ​മ​സി​ക്കു​ന്നു​വെ​ന്ന അ​ർ​ഥ​ത്തി​ൽകൂ​ടി​യാ​ണു മ​ല​യാ​ളി​യെ​ന്ന പ​ദം രൂ​പ​പ്പെ​ട്ട​തെ​ന്നു ബാ​ല​ഗോ​പാ​ൽ ഇ​ന്ന​ല​ത്തെ യോ​ഗ​ത്തി​ൽ ചൂ​ണ്ടി​ക്കാ​ട്ടി. മ​ല​യോ​ര ജ​ന​ത​യു​ടെ​യും മ​ല​ക​ളു​ടെ​യും സം​ര​ക്ഷ​ണം സം​സ്ഥാ​ന​ത്തി​ന്‍റെ കൂ​ടി ഉ​ത്ത​ര​വാ​ദി​ത്വ​വും ല​ക്ഷ്യ​വു​മാ​ണ്. പ്ര​കൃ​തി​ദു​ര​ന്ത​ങ്ങ​ളു​ടെ അ​ടി​സ്ഥാ​ന​ത്തി​ൽ ഇ​എ​ഫ്എ​ൽ മേ​ഖ​ല​ക​ളെ ക​ണ്ടെ​ത്തി മാ​സ്റ്റ​ർ പ്ലാ​ൻ ത​യാ​റാ​ക്കി​യി​ട്ടു​ണ്ട്.

ഈ ​മേ​ഖ​ല​യി​ലെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് ഇ​പ്പോ​ൾ ത​ന്നെ സം​സ്ഥാ​ന സ​ർ​ക്കാ​ർ നി​യ​ന്ത്ര​ണ​ങ്ങ​ളും ഏ​ർ​പ്പെ​ടു​ത്തി​യി​ട്ടു​ണ്ട്. അ​തി​നാ​ൽ ഇ​എ​സ്എ​യു​ടെ കോ​ർ മേ​ഖ​ല​യ്ക്കു പു​റ​ത്തു​ള്ള നി​യ​ന്ത്ര​ണ​ങ്ങ​ൾ ഫ​ല​പ്ര​ദ​മാ​ക്കാ​ൻ അ​തി​നു​ള്ള അ​ധി​കാ​രം സം​സ്ഥാ​ന​ത്തി​നു വേ​ണ​മെ​ന്നും മ​ന്ത്രി പ​റ​ഞ്ഞു.

അ​ന്തി​മ വി​ജ്ഞാ​പ​ന​ത്തി​ന് പ​രി​ശ്ര​മം

പ​ശ്ചി​മ​ഘ​ട്ട പ​രി​സ്ഥി​തി ലോ​ല പ്ര​ദേ​ശ​ങ്ങ​ൾ സം​ബ​ന്ധി​ച്ച നി​ല​വി​ലെ ക​ര​ടു വി​ജ്ഞാ​പ​ന​ത്തി​ന്‍റെ കാ​ലാ​വ​ധി 31ന് ​അ​വ​സാ​നി​ക്കും. അ​തി​നു മു​ന്പാ​യി അ​ന്തി​മ വി​ജ്ഞാ​പ​നം ഇ​റ​ക്കാ​നു​ള്ള ശ്ര​മ​ത്തി​ലാ​ണ് കേ​ന്ദ്ര​സ​ർ​ക്കാ​ർ. സു​പ്രീം​കോ​ട​തി​യി​ലും ഹ​രി​ത ട്രൈ​ബൂ​ണ​ൽ എ​ന്നി​വ​യി​ലും കേ​സു​ള്ള​തി​നാ​ൽ വി​ജ്ഞാ​പ​നം ഇ​റ​ക്കേ​ണ്ട​തു​ണ്ട്.

നേ​ര​ത്തേ 123 വി​ല്ലേ​ജു​ക​ളി​ലാ​യി 9993.7 ച​തു​ര​ശ്ര കി​ലോ​മീ​റ്റ​റാ​ണു ഇ​എ​സ്എ​യാ​യി നി​ശ്ച​യി​ച്ചി​രു​ന്ന​ത്. ഇ​തി​ൽ നി​ന്നു 31 വി​ല്ലേ​ജു​ക​ളെ ഒ​ഴി​വാ​ക്കു​ന്പോ​ൾ 92 വി​ല്ലേ​ജു​ക​ളി​ലെ 8656.4 ച​തു​ര​ശ്ര കി​ലോ​മീ​റ്റ​റാ​കും പു​തി​യ ഇ​എ​സ്എ​യി​ലെ കോ​ർ മേ​ഖ​ല. ഇ​തു സം​ര​ക്ഷി​ത വ​നം പോ​ലെ സം​ര​ക്ഷി​ക്കും. കോ​ർ മേ​ഖ​ല​യി​ൽനി​ന്ന് ഒ​ഴി​വാ​ക്കു​ന്ന 1337.24 ച​തു​ര​ശ്ര കി​ലോ​മീ​റ്റ​റി​നെ സം​ബ​ന്ധി​ച്ചു കേ​ന്ദ്ര​ത്തി​നു വ്യ​ക്ത​ത​യും കൃ​ത്യ​മാ​യ നി​ർ​വ​ച​ന​വു​മി​ല്ല.

മു​ൻ യു​ഡി​എ​ഫ് സ​ർ​ക്കാ​ർ നി​യോ​ഗി​ച്ച ഉ​മ്മ​ൻ വി. ​ഉ​മ്മ​ൻ സ​മി​തി​യു​ടെ റി​പ്പോ​ർ​ട്ടി​നു ശേ​ഷം എ​ൽ​ഡി​എ​ഫ് സ​ർ​ക്കാ​ർ നി​യോ​ഗി​ച്ച വി​ദ​ഗ്ധ സം​ഘം ന​ട​ത്തി​യ ശാ​സ്ത്രീ​യ​മാ​യ പ​ഠ​ന​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് 1337.24 ച​തു​ര​ശ്ര കി​ലോ​മീ​റ്റ​ർ പ​രി​സ്ഥി​തി ലോ​ല മേ​ഖ​ല​യി​ൽനി​ന്ന് ഒ​ഴി​വാ​ക്ക​ണ​മെ​ന്ന് 2018ൽ ​കേ​ര​ളം കേ​ന്ദ്ര​ത്തെ അ​റി​യി​ച്ച​ത്.


കേ​ര​ളം ഒ​റ്റ​ക്കെ​ട്ട്: ബാ​ല​ഗോ​പാ​ൽ

പ​രി​സ്ഥി​തി ലോ​ല മേ​ഖ​ല​ക​ളെ സം​ബ​ന്ധി​ച്ച കാ​ര്യ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ​യും എ​ൽ​ഡി​എ​ഫി​ന്‍റെ​യും നി​ല​പാ​ടി​നോ​ടു വൈ​കി​യെ​ങ്കി​ലും യു​ഡി​എ​ഫ് എം​പി​മാ​ർ യോ​ജി​ച്ച​തു സ്വാ​ഗ​തം ചെ​യ്യു​ന്നു​വെ​ന്ന് ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ. തു​ട​ക്ക​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ തീ​രു​മാ​ന​ങ്ങ​ൾ​ക്കു വി​രു​ദ്ധ​മാ​യി പാ​ർ​ല​മെ​ന്‍റി​ൽവ​രെ സ​ബ്മി​ഷ​ൻ ന​ൽ​കി​യ എം​പി​മാ​ർ പോ​ലും ഇ​പ്പോ​ൾ യോ​ജി​ച്ച നി​ല​പാ​ടി​ലേ​ക്കു വ​ന്ന​തി​നാ​ൽ കൂ​ടു​ത​ൽ പ​റ​യു​ന്നി​ല്ല. ഇ​ക്കാ​ര്യ​ത്തി​ൽ രാ​ഷ്‌​ട്രീ​യം ഇ​ല്ലെ​ന്നും മ​ന്ത്രി പ​റ​ഞ്ഞു.

പ​രി​സ്ഥി​തി സം​ര​ക്ഷി​ക്ക​ണ​മെ​ന്നും എ​ന്നാ​ൽ ജ​ന​വാ​സ കേ​ന്ദ്ര​ങ്ങ​ൾ, തോ​ട്ട​ങ്ങ​ൾ, കൃ​ഷി​യി​ട​ങ്ങ​ൾ, ഇ​ടു​ക്കി- മു​ല്ല​പ്പെ​രി​യാ​ർ അ​ട​ക്ക​മു​ള്ള ജ​ലാ​ശ​യ​ങ്ങ​ൾ എ​ന്നീ പ്ര​ദേ​ശ​ങ്ങ​ളെ ഇ​എ​സ്എ​യി​ൽ നി​ന്ന് ഒ​ഴി​വാ​ക്ക​ണ​മെ​ന്ന നി​ല​പാ​ടി​ൽ മാ​റ്റ​മി​ല്ലെ​ന്നും ബാ​ല​ഗോ​പാ​ൽ പ​റ​ഞ്ഞു. കേ​ര​ള​ത്തി​ലെ ജ​ന​ത ഇ​ക്കാ​ര്യ​ത്തി​ൽ ഒ​റ്റ​ക്കെ​ട്ടാ​ണ്.

കർണാടക, ഗോവ ഖനി ലോബിയുടെ സമ്മർദം വ്യക്തം

ന്യൂ​ഡ​ൽ​ഹി: പ​ശ്ചി​മ​ഘ​ട്ട മേ​ഖ​ല​യി​ലെ ക​സ്തൂ​രി​രം​ഗ​ൻ നി​ർ​ദേ​ശി​ച്ച പ​രി​സ്ഥി​തി ലോ​ല പ്ര​ദേ​ശ​ങ്ങ​ളി​ൽ​നി​ന്നു ജ​ന​വാ​സ മേ​ഖ​ല​ക​ൾ അ​ട​ക്ക​മു​ള്ള​വ​യെ ഒ​ഴി​വാ​ക്ക​ണ​മെ​ന്ന നി​ല​പാ​ടി​നോ​ട് കേ​ന്ദ്ര​സ​ർ​ക്കാ​ർ വ​ഴ​ങ്ങു​ന്ന​തി​നു മു​ഖ്യ കാ​ര​ണ​മാ​യ​ത് ക​ർ​ണാ​ട​ക, ഗോ​വ സം​സ്ഥാ​ന​ങ്ങ​ളി​ലെ ബി​ജെ​പി സ​ർ​ക്കാ​രു​ക​ളു​ടെ ക​ർ​ക്ക​ശ നി​ല​പാ​ട്. ക​ർ​ണാ​ട​ക​യി​ലെ​യും ഗോ​വ​യി​ലെ​യും ഖ​നി ലോ​ബി​യു​ടെ ശ​ക്ത​മാ​യ സ​മ്മ​ർ​ദ​മാ​ണു കേ​ര​ള​ത്തി​ലെ ക​ർ​ഷ​ക​ർ​ക്കും സാ​ധാ​ര​ണ​ക്കാ​ർ​ക്കും പ​രോ​ക്ഷ സ​ഹാ​യ​മാ​കു​ന്ന​ത്.

ക​ർ​ണാ​ട​ക​യി​ൽ മു​ൻ മു​ഖ്യ​മ​ന്ത്രി ബി.​എ​സ്. യെ​ദി​യൂ​ര​പ്പ​യു​ടെ​യും ബ​ന്ധു​ക്ക​ളു​ടെ​യും ഗോ​വ​യി​ലെ ബി​ജെ​പി അ​നു​കൂ​ല വ​ന്പ​ന്മാ​രു​ടെ​യും ഖ​നി​ക​ളെ ബാ​ധി​ക്കാ​ൻ അ​നു​വ​ദി​ക്കി​ല്ലെ​ന്ന നി​ല​പാ​ടി​നു വ​ഴ​ങ്ങാ​തെ കേ​ന്ദ്ര​ത്തി​നു മാ​ർ​ഗ​മി​ല്ലാ​യി​രു​ന്നു. യാ​തൊ​രു കാ​ര​ണ​വ​ശാ​ലും ക​ര​ടു വി​ജ്ഞാ​പ​ന​ത്തി​ലു​ള്ള അ​ത്ര​യും പ്ര​ദേ​ശം ഇ​എ​സ്എ​യാ​ക്കാ​ൻ പ​റ്റി​ല്ലെ​ന്ന് ക​ർ​ണാ​ട​ക മു​ഖ്യ​മ​ന്ത്രി ബാ​സ​വ​രാ​ജ് ബൊ​മ്മൈ ഇ​ന്ന​ലെ ന​ട​ന്ന ഉ​ന്ന​ത​ത​ല യോ​ഗ​ത്തി​ൽ ത​റ​പ്പി​ച്ചു പ​റ​ഞ്ഞു. എം​എ​ൽ​എ​യാ​യ യെ​ദി​യൂ​ര​പ്പ​യു​ടെ മ​ക​ൻ യോ​ഗ​ത്തി​ൽ പ​ങ്കെ​ടു​ത്ത​തും താ​ത്പ​ര്യം വ്യ​ക്ത​മാ​ക്കു​ന്ന​താ​യി.

ക​സ്തൂ​രി​രം​ഗ​ൻ റി​പ്പോ​ർ​ട്ടി​ലെ ഇ​എ​സ്എ​യി​ലെ 82 ശ​ത​മാ​ന​വും സം​ര​ക്ഷി​ത മേ​ഖ​ല​യാ​യി സം​ര​ക്ഷി​ക്കു​ന്ന​തിനാണു കേ​ര​ള​ത്തി​ന്‍റെ തീ​രു​മാ​നം. ഇ​ത​നു​സ​രി​ച്ച് 8656.4 ച​തു​ര​ശ്ര കി​ലോ​മീ​റ്റ​ർ ഇ​എ​സ്എ​യാ​കും. 1337.24 ച​തു​ര​ശ്ര കി​ലോ​മീ​റ്റ​റാ​ണ് ഒ​ഴി​വാ​ക്ക​ണ​മെ​ന്ന് ആ​വ​ശ്യ​പ്പെ​ട്ട​ത്. എ​ന്നാ​ൽ ക​ർ​ണാ​ട​ക​യി​ൽ 6500 ച​തു​ര​ശ്ര കി​ലോ​മീ​റ്റ​ർ പ്ര​ദേ​ശ​മാ​ണ് ഇ​എ​സ്എ​യി​ൽ നി​ന്നൊ​ഴി​വാ​ക്കു​ന്ന​ത്.

ത​മി​ഴ്നാ​ട്, ഗോ​വ, മ​ഹാ​രാ​ഷ്‌​ട്ര, ഗു​ജ​റാ​ത്ത് സം​സ്ഥാ​ന​ങ്ങ​ളും താ​ര​ത​മ്യേ​ന കേ​ര​ള​ത്തെ​ക്കാ​ൾ കൂ​ടു​ത​ൽ ഒ​ഴി​വാ​ണു ചോ​ദി​ച്ച​ത്. നി​ല​വി​ൽത​ന്നെ ഏ​റ്റ​വു​മ​ധി​കം വ​ന​പ്ര​ദേ​ശ​മു​ള്ള സം​സ്ഥാ​ന​മാ​ണു കേ​ര​ളം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2021 , Rashtra Deepika Ltd.