National News
ഇന്ത്യൻ സന്പദ്‌വ്യവസ്ഥ കടുത്ത പ്രതിസന്ധിയിൽ: ചിദംബരം
ഇന്ത്യൻ സന്പദ്‌വ്യവസ്ഥ കടുത്ത പ്രതിസന്ധിയിൽ: ചിദംബരം
Sunday, May 15, 2022 1:25 AM IST
സ്വ​ന്തം ലേ​ഖ​ക​ൻ
ഉ​ദ​യ്പുർ: ഇ​ന്ത്യ​ൻ സ​ന്പ​ദ്‌​വ്യ​വ​സ്ഥ ക​ടു​ത്ത പ്ര​തി​സ​ന്ധി​യി​ലെ​ന്ന് മു​ൻ കേ​ന്ദ്ര ധ​ന​കാ​ര്യ മ​ന്ത്രി​യും കോ​ണ്‍ഗ്ര​സി​ലെ മു​തി​ർ​ന്ന നേ​താ​വു​മാ​യ പി. ​ചി​ദം​ബ​രം. രാ​ജ​സ്ഥാ​നി​ലെ ഉ​ദ​യ്പുരി​ൽ ന​ട​ക്കു​ന്ന ചി​ന്ത​ൻ ശി​ബി​രത്തിലെ ച​ർ​ച്ച​ക​ൾ​ക്കു നേ​തൃ​ത്വം ന​ൽ​കാ​ൻ രൂ​പീ​ക​രി​ച്ച സാ​ന്പ​ത്തി​കകാ​ര്യ പാ​ന​ലി​ന്‍റെ അ​ധ്യ​ക്ഷ​നാ​ണ് ചി​ദം​ബ​രം. കേ​ന്ദ്ര​വും സം​സ്ഥാ​ന​ങ്ങ​ളും ത​മ്മി​ലു​ള്ള സാ​ന്പ​ത്തി​ക ബ​ന്ധ​ങ്ങ​ളു​ടെ സ​മ​ഗ്ര​മാ​യ പു​ന​ര​വ​ലോ​ക​ന​ത്തി​ന് സ​മ​യ​മാ​യി. രാ​ജ്യ​ത്തി​ന്‍റെ സാ​ന്പ​ത്തി​ക രം​ഗ​ത്തു​ള്ള വ​ള​ർ​ച്ചാനി​ര​ക്ക് ഇ​ഴ​ഞ്ഞുനീ​ങ്ങു​ക​യാ​ണെ​ന്നും ചി​ദം​ബ​രം പ​റ​ഞ്ഞു.

കോ​വി​ഡ് വ്യാ​പ​ന​ത്തി​നു ശേ​ഷം സാ​ന്പ​ത്തി​ക​രം​ഗം പൂ​ർ​ണ​തോ​തി​ൽ പ്ര​വ​ർ​ത്ത​ന​സ​ജ്ജ​മാ​യി​ട്ടി​ല്ല. വ്യ​ക്ത​മാ​യ രൂ​പ​രേ​ഖ​യി​ല്ലാ​തെ മോ​ദി സ​ർ​ക്കാ​ർ 2017ൽ ​ന​ട​പ്പി​ലാ​ക്കി​യ ജി​എ​സ്ടി നി​യ​മ​ങ്ങ​ളു​ടെ അ​ന​ന്ത​ര​ഫ​ല​ങ്ങ​ളാ​ണ് രാ​ജ്യ​ത്തി​ന്‍റെ സാ​ന്പ​ത്തി​ക​രം​ഗം നേ​രി​ടു​ന്ന​ത്. സം​സ്ഥാ​ന​ങ്ങ​ളു​ടെ സാ​ന്പ​ത്തി​ക​സ്ഥി​തി തി​ക​ച്ചും ദു​ർ​ബ​ല​മാ​ണ്. കേ​ന്ദ്രം ജി​എ​സ്ടി ന​ഷ്ട​പ​രി​ഹാ​ര കാ​ല​യ​ള​വ് കു​റ​ഞ്ഞ​ത് മൂ​ന്നു​വ​ർ​ഷ​മെ​ങ്കി​ലും നീ​ട്ട​ണം.


ആ​ഗോ​ള​വും ആ​ഭ്യ​ന്ത​ര​വു​മാ​യ കാ​ര്യ​ങ്ങ​ൾ ക​ണ​ക്കി​ലെ​ടു​ത്ത് സാ​ന്പ​ത്തി​കരം​ഗം പു​നഃ​ക്ര​മീ​ക​രി​ക്കേ​ണ്ട​തു​ണ്ട്. വ​ർ​ധി​ച്ചു​വ​രു​ന്ന അ​നീ​തി​യും അ​സ​മ​ത്വ​വും, രാ​ജ്യ​ത്തെ ജ​ന​സം​ഖ്യ​യു​ടെ താ​ഴേ​ത്ത​ട്ടി​ലു​ള്ള ജ​ന​ങ്ങ​ൾ​ക്കി​ട​യി​ലു​ള്ള ക​ടു​ത്ത ദാ​രി​ദ്ര്യം, ആ​ഗോ​ള പ​ട്ടി​ണിസൂ​ചി​ക​യി​ലെ ഇ​ന്ത്യ​യു​ടെ സ്ഥാ​നം, സ്ത്രീ​ക​ളും കു​ട്ടി​ക​ളും നേ​രി​ടു​ന്ന പോ​ഷ​കാ​ഹാ​ര​ക്കു​റ​വ് തു​ട​ങ്ങി​യ നി​ര​വ​ധി വി​ഷ​യ​ങ്ങ​ൾ പ​രി​ഗ​ണി​ച്ചാ​ക​ണം സാ​ന്പ​ത്തി​ക​രം​ഗം ന​വീ​ക​രി​ക്കേ​ണ്ട​ത്.

വാ​ർ​ഷി​ക വി​ദ്യാ​ഭ്യാ​സ റി​പ്പോ​ർ​ട്ട്, ദേ​ശീ​യ കു​ടും​ബാ​രോ​ഗ്യ സ​ർ​വേ എ​ന്നി​വ​യു​ടെ ക​ണ്ടെ​ത്ത​ൽ ആ​രോ​ഗ്യ, വി​ദ്യാ​ഭ്യാ​സ രം​ഗ​ത്തെ അ​ഴി​ച്ചു​പ​ണി​ക​ൾ ആ​വ​ശ്യ​പ്പെ​ടു​ന്ന​താ​യും ചി​ദം​ബ​രം പ​റ​ഞ്ഞു. രാ​ജ്യ​ത്തെ തൊ​ഴി​ൽ സാ​ഹ​ച​ര്യ​വും തൊ​ഴി​ൽ ന​ഷ്ട​വും ച​രി​ത്ര​ത്തി​ലെ ഏ​റ്റ​വും മോ​ശം നി​ല​യി​ലെ​ന്നെന്നും സ​ന്പ​ദ്‌​വ്യ​വ​സ്ഥ അ​ങ്ങേ​യ​റ്റം ആ​ശ​ങ്കാ​ജ​ന​ക​മാ​യ​തി​നാ​ൽ മോ​ശ​മാ​യ തൊ​ഴി​ൽ സാ​ഹ​ച​ര്യം കൂ​ടു​ത​ൽ പ്ര​തി​സ​ന്ധി സൃ​ഷ്ടി​ക്കു​ക​യാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.