National News
അദാനി വിഷയത്തിൽ പാർലമെന്‍റ് സ്തംഭിച്ചു
അദാനി വിഷയത്തിൽ പാർലമെന്‍റ് സ്തംഭിച്ചു
Saturday, February 4, 2023 5:08 AM IST
രാ​ഹു​ൽ ഗോ​പി​നാ​ഥ്
ന്യൂ​ഡ​ൽ​ഹി: അ​ദാ​നി ഗ്രൂ​പ്പി​ന്‍റെ ഓ​ഹ​രിസ​മാ​ഹ​ര​ണ​ത്തി​നു കേ​ന്ദ്ര​സ​ർ​ക്കാ​ർ വ​ഴി​വി​ട്ട സ​ഹാ​യ​ങ്ങ​ൾ ന​ൽ​കു​ന്നു​വെ​ന്നാ​രോ​പി​ച്ച് പ്ര​തി​പ​ക്ഷ എം​പി​മാ​ർ ന​ട​ത്തി​യ പ്ര​തി​ഷേ​ധ​ത്തി​ൽ തു​ട​ർ​ച്ച​യാ​യ ര​ണ്ടാം ദി​വ​സ​വും പാ​ർ​ല​മെ​ന്‍റ് സ​ഭാ​ ന​ട​പ​ടി​ക​ൾ ത​ട​സ​പ്പെ​ട്ടു.

അ​ദാ​നി​ക്കെതി​രാ​യ അ​ന്വേ​ഷ​ണ​ത്തി​നു സ​ർ​ക്കാ​ർ ഉ​ത്ത​ര​വി​ടു​ന്ന​തുവ​രെ പ്ര​തി​ഷേ​ധം തു​ട​രു​മെ​ന്നാ​ണ് പ്ര​തി​പ​ക്ഷ​ത്തി​ന്‍റെ നി​ല​പാ​ട്. എ​ന്നാ​ൽ ബ​ജ​റ്റ് ഉ​ൾ​പ്പെ​ടെ​യു​ള്ള വി​ഷ​യം ച​ർ​ച്ച ചെ​യ്യേ​ണ്ട സ​മ​യം അ​നാ​വ​ശ്യ​ വി​വാ​ദ​ങ്ങ​ൾ ഉ​യ​ർ​ത്തി പ്ര​തി​പ​ക്ഷം പാ​ഴാ​ക്കു​ക​യാ​ണെ​ന്നു ലോ​ക്സ​ഭാ സ്പീ​ക്ക​ർ കു​റ്റ​പ്പെ​ടു​ത്തി.

അ​ദാ​നി​ക്കെ​തി​രാ​യ വെ​ളി​പ്പെ​ടു​ത്ത​ലു​ക​ളി​ൽ ച​ർ​ച്ച വേ​ണ​മെ​ന്ന് ആ​വ​ശ്യ​പ്പെ​ട്ട് കോ​ണ്‍ഗ്ര​സ്, സി​പി​എം, ശി​വ​സേ​ന ഉ​ൾ​പ്പെടെ​യു​ള്ള പ്ര​തി​പ​ക്ഷ പാ​ർ​ട്ടി​ക​ൾ പാ​ർ​ല​മെ​ന്‍റി​ൽ നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ അ​ദാ​നി വി​ഷ​യ​ത്തി​ൽ ലോ​ക്സ​ഭാ സ്പീ​ക്ക​ർ ഓം ​ബി​ർ​ള​യും രാ​ജ്യ​സ​ഭാ​ധ്യ​ക്ഷ​ൻ ജ​യ്ദീ​പ് ധ​ൻ​ക​റും ച​ർ​ച്ച അ​നു​വ​ദി​ക്കാ​ത്ത​തി​നു പി​ന്നാ​ലെ​യാ​ണ് പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും സ്തം​ഭി​ച്ച​ത്.

അ​ദാ​നി വി​ഷ​യ​ത്തി​ൽ ച​ർ​ച്ച അ​നു​വ​ദി​ക്കാ​ത്ത​തി​ൽ പ്ര​തി​ഷേ​ധി​ച്ച് പ്ര​തി​പ​ക്ഷ പാ​ർ​ട്ടി​ക​ളി​ലെ എം​പി​മാ​ർ ലോ​ക​സ​ഭ​യു​ടെ ന​ടു​ത്ത​ള​ത്തി​ലി​റ​ങ്ങി പ്ര​തി​ഷേ​ധ മു​ദ്രാ​വാ​ക്യ​ങ്ങ​ൾ ഉ​യ​ർ​ത്തി. ബ​ജ​റ്റ്, ജി-20 ​വി​ഷ​യ​ങ്ങ​ളി​ൽ ച​ർ​ച്ച ന​ട​ക്കേ​ണ്ട സ​മ​യ​ത്തു മ​റ്റു വി​ഷ​യ​ങ്ങ​ളി​ൽ ച​ർ​ച്ച അ​നു​വ​ദി​ക്കാ​നാ​കി​ല്ലെ​ന്ന് ലോ​ക്സ​ഭാ സ്പീ​ക്ക​ർ ഓം ​ബി​ർ​ള വ്യ​ക്ത​മാ​ക്കി.


പാ​ർ​ല​മെ​ന്‍റ് ജ​നാ​ധി​പ​ത്യ​ത്തി​ന്‍റെ ധ്രു​വന​ക്ഷ​ത്ര​മാ​ണെ​ന്നും പാ​ർ​ല​മെ​ന്‍റ് ന​ട​പ​ടി​ക​ൾ അ​കാ​ര​ണ​മാ​യി ത​ട​സ​പ്പെ​ടു​ത്തു​ന്ന​ത് അ​നു​വ​ദി​ക്കാ​നാ​കി​ല്ലെ​ന്നും രാ​ജ്യ​സ​ഭാ​ധ്യ​ക്ഷ​ൻ പ​റ​ഞ്ഞു. എം​പി​മാ​ർ വ​ഴ​ങ്ങാ​ത്ത​തി​നെ തു​ട​ർ​ന്ന് ലോ​ക്സ​ഭ ഉ​ച്ച​യ്ക്കു ര​ണ്ടുമ​ണി വ​രെ​യും രാ​ജ്യ​സ​ഭ ഉ​ച്ച​യ്ക്കു ര​ണ്ട​ര വ​രെ​യു​മാ​ണ് ഇ​ന്ന​ലെ പി​രി​ഞ്ഞ​ത്. തു​ട​ർ​ന്നും അ​ദാ​നി വി​ഷ​യം ഉ​യ​ർ​ത്തി പ്ര​തി​പ​ക്ഷ എം​പി​മാ​ർ പ്ര​തി​ഷേ​ധി​ച്ച സാ​ഹ​ച​ര്യ​ത്തി​ലാ​ണ് പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും ര​ണ്ടു ദി​വ​സ​ത്തേ​ക്ക് പി​രി​ഞ്ഞ​ത്. സ​ഭ സ​മ്മേ​ളി​ക്കു​ന്ന​തി​നു മു​ന്നോ​ടി​യാ​യി കോ​ണ്‍ഗ്ര​സ് രാ​ജ്യ​സ​ഭ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖ​ർ​ഗെ​യു​ടെ നേ​തൃ​ത്വ​ത്തി​ൽ പ്ര​തി​പ​ക്ഷ പാ​ർ​ട്ടി​ക​ൾ യോ​ഗം ചേ​ർ​ന്നി​രു​ന്നു.

പ​തി​നാ​റു പാ​ർ​ട്ടി​ക​ളാ​ണ് യോ​ഗ​ത്തി​ൽ പ​ങ്കെ​ടു​ത്ത​ത്. അ​ദാ​നി​ക്കെ​തി​രേ സം​യു​ക്ത പാ​ർ​ല​മെ​ന്‍റ​റി സ​മി​തി അ​ന്വേ​ഷ​ണ​മോ സു​പ്രീം​കോ​ട​തി​യു​ടെ മേ​ൽ​നോ​ട്ട​ത്തി​ൽ അ​ന്വേ​ഷ​ണമോ ന​ട​ത്തു​ന്ന​തുവ​രെ പ്ര​തി​ഷേ​ധം തു​ട​രാ​നാ​ണ് യോ​ഗ​ത്തി​ലെ തീ​രു​മാ​നം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.