National News
അയോഗ്യനാക്കിയ നടപടി: മുഹമ്മദ് ഫൈസലിന്‍റെ ഹർജി ഇന്നു പരിഗണിക്കും
അയോഗ്യനാക്കിയ നടപടി: മുഹമ്മദ് ഫൈസലിന്‍റെ ഹർജി ഇന്നു പരിഗണിക്കും
Tuesday, March 28, 2023 1:15 AM IST
ന്യൂ​ഡ​ൽ​ഹി: ലോ​ക്സ​ഭ അം​ഗ​ത്വ​ത്തി​ൽ​നി​ന്നു അ​യോ​ഗ്യ​നാ​ക്കി​യ ന​ട​പ​ടി പി​ൻ​വ​ലി​ക്കാ​ത്ത​തി​നെ​തി​രേ ല​ക്ഷ​ദ്വീ​പ് മു​ൻ എം​പി മു​ഹ​മ്മ​ദ് ഫൈ​സ​ൽ ന​ൽ​കി​യ ഹ​ർ​ജി സു​പ്രീം​കോ​ട​തി ഇ​ന്നു പ​രി​ഗ​ണി​ക്കും.

ഹ​ർ​ജി അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്ന മു​ഹ​മ്മ​ദ് ഫൈ​സ​ലി​ന്‍റെ ആ​വ​ശ്യം ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് അം​ഗീ​ക​രി​ച്ചു. വ​ധ​ശ്ര​മ​ക്കേ​സി​ൽ ഫൈ​സ​ൽ കു​റ്റ​ക്കാ​ര​നാ​ണെ​ന്ന വി​ധി​യും ശി​ക്ഷ​യും കേ​ര​ള ഹൈ​ക്കോ​ട​തി നേ​ര​ത്തേ സ്റ്റേ ​ചെ​യ്തി​രു​ന്നു. ഇ​തി​നെ​തി​രേ ല​ക്ഷ​ദ്വീ​പ് ഭ​ര​ണ​കൂ​ടം സു​പ്രീം കോ​ട​തി​യെ സ​മീ​പി​ച്ചി​രു​ന്നു. ഈ ​ഹ​ർ​ജി ഇ​ന്നു ജ​സ്റ്റീ​സ് കെ.​എം. ജോ​സ​ഫ് അ​ധ്യ​ക്ഷ​നാ​യ ബെ​ഞ്ച് പ​രി​ഗ​ണി​ക്കാ​നി​രി​ക്കു​ക​യാ​ണ്. ഇ​തോ​ടൊ​പ്പം അ​യോ​ഗ്യ​നാ​ക്കി​യ ഉ​ത്ത​ര​വ് പി​ൻ​വ​ലി​ക്കാ​ത്ത​തി​നെ​തി​രേ മു​ഹ​മ്മ​ദ് ഫൈ​സ​ൽ ന​ൽ​കി​യ ഹ​ർ​ജി​യും പ​രി​ഗ​ണി​ക്കു​മെ​ന്നാ​ണ് സു​പ്രീം​കോ​ട​തി വ്യ​ക്ത​മാ​ക്കി​യ​ത്.


വ​ധ​ശ്ര​മ​ക്കേ​സി​ൽ പ​ത്തു വ​ർ​ഷം ശി​ക്ഷി​ക്ക​പ്പെ​ട്ട​തി​നെ തു​ട​ർ​ന്നാ​ണ് ല​ക്ഷ​ദ്വീ​പ് എം​പി​യാ​യി​രു​ന്ന മു​ഹ​മ്മ​ദ് ഫൈ​സ​ലി​നെ ക​ഴി​ഞ്ഞ ജ​നു​വ​രി 13ന് ​ലോ​ക്സ​ഭാ സെ​ക്ര​ട്ടേ​റി​യ​റ്റ് അ​യോ​ഗ്യ​നാ​ക്കി​യ​ത്.

ഫൈ​സ​ൽ കു​റ്റ​ക്കാ​ര​നാ​ണെ​ന്ന വി​ധി ജ​നു​വ​രി 25ന് ​കേ​ര​ള ഹൈ​ക്കോ​ട​തി സ്റ്റേ ​ചെ​യ്തി​രു​ന്നു. ഈ ​സാ​ഹ​ച​ര്യ​ത്തി​ൽ അ​യോ​ഗ്യ​ത സം​ബ​ന്ധി​ച്ച ഉ​ത്ത​ര​വ് പി​ൻ​വ​ലി​ക്ക​ണ​മെ​ന്നാ​വ​ശ്യ​പ്പെ​ട്ട് ഫൈ​സ​ൽ ലോ​ക്സ​ഭാ സെ​ക്ര​ട്ടേ​റി​യ​റ്റി​ന് ക​ത്തു ന​ൽ​കി​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.