മിസോറമിലേക്കു പലായനം ചെയ്തത് 7,500 കുക്കികൾ
Tuesday, May 23, 2023 12:17 AM IST
ഐസ്വാൾ: മണിപ്പുരിലെ കലാപത്തെത്തുടർന്ന് ഗോത്ര വർഗ കുക്കി വിഭാഗത്തിൽപ്പെട്ട 7527 പേർ മിസോറമിലേക്കു പലായനം ചെയ്തു.
മിസോറമിലെ എട്ടു ജില്ലകളിലാണ് ഇവരെ പാർപ്പിച്ചിരിക്കുന്നത്. കോലാസിബ്, ഐസ്വാൾ, സായ്തുൽ എന്നീ ജില്ലകളിലാണ് കുക്കി അഭയാർഥികൾ ഏറെയുള്ളത്.
താത്കാലിക ക്യാന്പുകളിലാണ് കുക്കി വിഭാഗക്കാർ കഴിയുന്നത്. സോ എന്നും കുക്കികൾ അറിയപ്പെടുന്നുണ്ട്. മണിപ്പുരുമായി 95 കിലോമീറ്റർ അതിർത്തി പങ്കിടുന്ന സംസ്ഥാനമാണു മിസോറം.