ഇവിഎമ്മുകളുടെ സ്വതന്ത്ര ഓഡിറ്റിംഗ് നടത്തണം: ഹർജി തള്ളി
സ്വന്തം ലേഖകൻ
Saturday, September 23, 2023 2:03 AM IST
ന്യൂഡൽഹി: ഇലക്ട്രോണിക് വോട്ടിംഗ് മെഷീനുകളുടെ (ഇവിഎം) സ്വതന്ത്ര ഓഡിറ്റിംഗ് ആവശ്യപ്പെട്ടു സമർപ്പിച്ച പൊതുതാത്പര്യ ഹർജി സുപ്രീംകോടതി തള്ളി .
വിഷയം നയപരമായ പ്രശ്നങ്ങളുമായി ബന്ധപ്പെട്ടതായതിനാൽ ഇടപെടാൻ കോടതിക്കു കഴിയില്ലെന്ന് ചീഫ് ജസ്റ്റീസ് ഡി.വൈ. ചന്ദ്രചൂഡ്, ജസ്റ്റീസ് ജെ.ബി. പർദിവാല, ജസ്റ്റീസ് മനോജ് മിശ്ര എന്നിവരടങ്ങിയ ബെഞ്ച് ചൂണ്ടിക്കാട്ടി. ഇലക്ട്രോണിക് വോട്ടിംഗ് മെഷീനുകളുടെ (ഇവിഎം) സോഴ്സ് കോഡുകളുടെ സ്വതന്ത്ര ഓഡിറ്റിംഗ് നടത്തണമെന്നാണു ഹർജിക്കാരനായ സുനിൽ അഹ്യ ആവശ്യപ്പെട്ടത്.