കാഷ്മീർ പ്രശ്നം മോദിയുമായി ചർച്ച ചെയ്യുമെന്നു ട്രംപ് : Deepika.com International News |

Click here for detailed news of all items

കാഷ്മീർ പ്രശ്നം മോദിയുമായി ചർച്ച ചെയ്യുമെന്നു ട്രംപ്

Thursday, August 22, 2019 1:15 AM IST

വാഷിംഗ്ടൺ: കാഷ്മീർ പ്രശ്നം പ്രധാനമന്ത്രി നരേന്ദ്ര മോദിയുമായി ചർച്ച ചെയ്യുമെന്നു യുഎസ് പ്രസിഡന്‍റ് ഡോണൾഡ് ട്രംപ്. ഫ്രാൻസിൽ ഈയാഴ്ച നടക്കുന്ന ജി -7 ഉച്ചകോടിക്കിടെ മോദിയുമായി കൂടിക്കാഴ്ച നടത്തുമെന്നാണു യുഎസ് പ്രസിഡന്‍റ് പറഞ്ഞത്. റുമേനിയൻ പ്രസിഡന്‍റ് ക്ലോസ് ലൊഹാനിസുമായുള്ള ചർച്ചയ്ക്കുശേഷം വൈറ്റ്ഹൗസിനു പുറത്തു മാധ്യമപ്രവർത്തകരോടു സംസാരിക്കവേയാണ് കാഷ്മീരിലെ സ്ഥിതിഗതികളെക്കുറിച്ച് ട്രംപിന്‍റെ അഭിപ്രായപ്രകടനങ്ങൾ.

ജമ്മു കാഷ്മീരിനു പ്രത്യേക അധികാരം ഉറപ്പാക്കുന്ന 370- ാം വകുപ്പ് റദ്ദാക്കിയ പശ്ചാത്തല ത്തിൽ ഇടപെടുന്നതിൽ സന്തോഷമേയുള്ളൂ. കാഷ്മീരിലെ സ്ഥിതിഗതികൾ ദുഷ്കരമാണ്. ഇന്ത്യാ-പാക് ബന്ധത്തിൽ സങ്കീർണമായ പലതുമുണ്ട്.

മധ്യസ്ഥത വഹിക്കാനോ, മറ്റെങ്കിലും ചെയ്യാനോ സാധ്യമായതെല്ലാം ചെയ്യും. ഇരുരാജ്യങ്ങളും തമ്മിൽ ശക്തമായ ബന്ധമാണുള്ളതെങ്കിലും ഇപ്പോൾ ബന്ധം സുദൃഢമല്ല- ട്രംപ് അഭിപ്രായപ്പെട്ടു.

മധ്യസ്ഥത വഹിക്കാൻ ട്രംപ് സന്നദ്ധത പ്രകടിപ്പിച്ചിട്ടുണ്ടെങ്കിലും മൂന്നാംകക്ഷിയുടെ ഇടപെടൽ അനുവദിക്കാനാവില്ല എന്നാണ് ഇന്ത്യയുടെ നിലപാട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.