കോബി ബ്രയന്‍റും മകളും ഹെലികോപ്റ്റർ അപകടത്തിൽ മരിച്ചു
Tuesday, January 28, 2020 12:15 AM IST
വാഷിഗ്ടൺ: ബ്ലാ​ക് മാം​ബ എ​ന്ന​റി​യ​പ്പെ​ടു​ന്ന അ​മേ​രി​ക്ക​ൻ ബാ​സ്ക​റ്റ്ബോ​ൾ ഇ​തി​ഹാ​സം കോ​ബി ബ്ര​യന്‍റും (41) 13 വ​യ​സു​കാ​രി​ മ​ക​ൾ ജി​യാ​ന​യും ഹെ​ലി​കോ​പ്റ്റ​ർ അ​പ​ക​ട​ത്തി​ൽ മ​രി​ച്ചു.ഹെ​ലി​കോ​പ്റ്റ​റി​ലു​ണ്ടാ​യി​രു​ന്ന ഒ​ൻ​പ​തു​പേ​രും മ​രി​ച്ച​താ​യാ​ണു വി​വ​രം.

മൂടൽമഞ്ഞുമൂലം ഹെ​ലി​കോ​പ്റ്റ​റിലെ നാവിഗേഷൻ സംവിധാനം തകരാറിലായി ക​ലി​ഫോ​ർ​ണി​യ​യി​ലെ ക​ല​ബ​സാ​സ് മലയിൽ ഇടിച്ചു തകരുകയായിരുന്നു. പ്രാ​ദേ​ശി​ക സ​മ​യം ഞാ​യ​റാ​ഴ്ച രാ​വി​ലെ10 നാ​യി​രു​ന്നു അ​പ​ക​ടം. ഇ​വ​രെ​ക്കൂ​ടാ​തെ മാം​ബ ഗേ​ൾ​സ് ബാ​സ്ക​റ്റ് ബോ​ൾ ടീം ​കോ​ച്ച് ക്രി​സ്റ്റീ​ന മൗ​സ​ർ, പൈ​ല​റ്റ് ആ​ര സോ​ബി​യാ​ൻ, ജോ​ണ്‍ ആ​ൽ​ടൊ​ബെ​ലി(56), കെ​റി ആ​ൽ​ടൊ​ബെ​ലി, അ​ലീ​സ ആ​ൽ​ടൊ​ബെ​ലി, സാ​റ ചെ​സ്റ്റ​ർ, പെ​യ്റ്റ​ണ്‍ ചെ​സ്റ്റ​ർ(13) എ​ന്നി​വ​രാ​ണു മ​രി​ച്ച മ​റ്റു​ള്ള​വ​ർ.


കോ​ബി​ന്‍റെ സ്വ​കാ​ര്യ ഹെ​ലി​കോ​പ്റ്റ​റി​ൽ മ​ക​ളെ ബാ​സ്ക​റ്റ് ബോ​ൾ പ​രി​ശീ​ല​ന​ത്തി​നു കൊ​ണ്ടു​പോ​കു​ക​യാ​യി​രു​ന്നു. എ​ൻ​ജി​ൻ ത​ക​രാ​റാ​ണ് അ​പ​ക​ട കാ​ര​ണ​മെ​ന്നാ​ണു പ്രാ​ഥ​മി​ക നി​ഗ​മ​നം. പ്രൊഫഷണൽ ബാസ്കറ്റ് ബോൾ ടീമായ എൻബിഎയിലെ ലോസ് അഞ്ചലസ് ലേക്കേഴ്സ് എന്ന ടീമിനൊപ്പം ഇരുപതുവർഷം കളിച്ച കോബി, അഞ്ചു തവണ എൻബിഎ ചാന്പ്യനായിരുന്നു.18 തവണ ഓൾ സ്റ്റാർ പുരസ്കാരത്തിന് അർഹനായി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.