സ്വ​ത​ന്ത്ര ഇ​ന്ത്യ​യു​ടെ 73 വ​ർ​ഷ ച​രി​ത്ര​ത്തി​ൽ എ​ട്ടാം ത​വ​ണ​യാ​ണ് അ​മേ​രി​ക്ക​ൻ പ്ര​സി​ഡ​ന്‍റ് ഇ​ന്ത്യ സ​ന്ദ​ർ​ശി​ക്കു​ന്ന​ത്. ഇ​തി​നു മു​ന്പ് ആ​റു പ്ര​സി​ഡ​ന്‍റു​മാ​ർ മൊ​ത്തം ഏ​ഴു ത​വ​ണ ഇ​ന്ത്യ​യി​ലെ​ത്തി. ബ​രാ​ക് ഒ​ബാ​മ ര​ണ്ടു​ത​വ​ണ ഇ​വി​ടെ വ​ന്നി​രു​ന്നു.

സ്വാ​ത​ന്ത്ര്യ​ത്തി​ന്‍റെ ആ​ദ്യ​ത്തെ 52 വ​ർ​ഷ​ങ്ങ​ളി​ൽ മൊ​ത്തം മൂ​ന്ന് അ​മേ​രി​ക്ക​ൻ പ്ര​സി​ഡ​ന്‍റു​മാ​ർ മാ​ത്ര​മേ ഇ​ന്ത്യ​യി​ൽ വ​ന്നി​ട്ടു​ള്ളൂ. എ​ന്നാ​ൽ പി​ന്നീ​ടു​ള്ള 20 വ​ർ​ഷം നാ​ലു സ​ന്ദ​ർ​ശ​ന​ങ്ങ​ൾ ന​ട​ന്നു. അ​ഞ്ചാ​മ​ത്തേ​ത് നാ​ളെ ആ​രം​ഭി​ക്കു​ന്നു.

1. ​ഡ്വൈറ്റ് ഡി ​ഐ​സ​നോ​വ​ർ(1959 ഡി​സം​ബ​ർ 9-14)

ഇ​ന്ത്യ​യെ സോ​വ്യ​റ്റ് യൂ​ണി​യ​നോ​ടു​ള്ള ച​ങ്ങാ​ത്ത​ത്തി​ൽ​നി​ന്നു സാ​ന്പ​ത്തി​ക​സ​ഹാ​യ​ വാ​ഗ്ദാ​നം വ​ഴി മാ​റ്റാ​നാ​ണ് ഐ​സ​നോ​വ​ർ ശ്ര​മി​ച്ച​ത്. അ​തു വി​ജ​യി​ച്ചി​ല്ല. രാ​ഷ്‌​ട്ര​പ​തി രാ​ജേ​ന്ദ്ര​പ്ര​സാ​ദു​മാ​യും പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്റു​വു​മാ​യും ച​ർ​ച്ച ന​ട​ത്തി. പാ​ർ​ല​മെ​ന്‍റി​നെ അ​ഭി​സം​ബോ​ധ​ന ചെ​യ്തു.

2. റി​ച്ചാ​ർ​ഡ് നി​ക്സ​ൺ (1969 ജൂ​ലൈ 31, ഓ​ഗ​സ്റ്റ് 1)

ഐ​സ​നോ​വ​റു​ടെ വൈ​സ് പ്ര​സി​ഡ​ന്‍റ് ആ​യി​രു​ന്ന പ്രസിഡന്‍റ് നി​ക്സ​ൺ ഇ​ന്ത്യ​യി​ൽ 23 മ​ണി​ക്കൂ​റേ ചെ​ല​വ​ഴി​ച്ചു​ള്ളൂ. പാ​ക്കി​സ്ഥാ​നോ​ടു വ​ലി​യ മ​മ​ത​യു​ണ്ടാ​യി​രു​ന്ന നി​ക്സ​ന്‍റെ സ​ന്ദ​ർ​ശ​നം പ​രാ​ജ​യ​മാ​യി. പ്ര​ധാ​ന​മ​ന്ത്രി ഇ​ന്ദി​രാ​ഗാ​ന്ധി​യു​മാ​യ​ള്ള ച​ർ​ച്ച​യി​ൽ ഒ​രു ധാ​ര​ണ​യു​മു​ണ്ടാ​യി​ല്ല.

3. ജി​മ്മി കാ​ർ​ട്ട​ർ (1978 ജ​നു​വ​രി 1-3)

ആ​ദ്യ​ത്തെ കോ​ൺ​ഗ്ര​സി​ത​ര സ​ർ​ക്കാ​രു​മാ​യി ച​ർ​ച്ച​യ്ക്കു വ​ന്ന കാ​ർ​ട്ട​റും ഉ​ദ്ദേ​ശി​ച്ച കാ​ര്യം സാ​ധി​ച്ചി​ല്ല. ആ​ണ​വ നി​ർ​വ്യാ​പ​ന ഉ​ട​ന്പ​ടി (എ​ൻ​പി​ടി)​യി​ൽ ഇ​ന്ത്യ​യെ ചേ​ർ​ക്കാ​ൻ വ​ന്ന കാ​ർ​ട്ട​റോ​ട് അ​തു ന​ട​പ്പി​ല്ലെ​ന്നു പ്ര​ധാ​ന​മ​ന്ത്രി മൊ​റാ​ർ​ജി ദേ​ശാ​യി തു​റ​ന്നു​പ​റ​ഞ്ഞു. കാ​ർ​ട്ട​ർ പാ​ർ​ല​മെ​ന്‍റി​ൽ പ്ര​സം​ഗി​ച്ചു.


4. ബി​ൽ ക്ലി​ന്‍റ​ൺ (2000 മാ​ർ​ച്ച് 19-25)

ഏ​റ്റ​വും ദീ​ർ​ഘ​മാ​യ പ്ര​സി​ഡ​ൻ​ഷ്യ​ൽ സ​ന്ദ​ർ​ശ​നം. ശീ​ത​യു​ദ്ധാ​നന്തര ലോ​ക​ത്ത് ഇ​ന്ത്യ-​യു​എ​സ് ബ​ന്ധം അ​ടു​പ്പ​ത്തി​ലേ​ക്ക് മാ​റി​യ​തു സ്ഥി​രീ​ക​രി​ച്ച സ​ന്ദ​ർ​ശ​നം. കാ​ർ​ഗി​ൽ യു​ദ്ധ​ത്തി​നു​ശേ​ഷം ഇ​ന്ത്യ-​പാ​ക് സൗ​ഹൃ​ദ​ത്തി​നു ക്ലി​ന്‍റ​ൺ ചെ​റു​താ​യി ശ്ര​മി​ച്ചു; ഫ​ലി​ച്ചി​ല്ല. പാ​ർ​ല​മെ​ന്‍റി​ൽ പ്ര​സം​ഗി​ച്ചു. വാ​ജ്പേ​യ് സ​ർ​ക്കാ​രു​മാ​യി പ​രി​സ്ഥി​തി, ഊ​ർ​ജ​ മേ​ഖ​ല​ക​ളി​ൽ സ​ഹ​ക​ര​ണ ക​രാ​ർ ഉ​ണ്ടാ​ക്കി.

5. ജോ​ർ​ജ് ഡ​ബ്ള്യു ബു​ഷ് (2006 മാ​ർ​ച്ച് 1-3)

ഏ​റ്റ​വും വി​ജ​യ​ക​ര​മാ​യ സ​ന്ദ​ർ​ശ​നം. ഇ​ന്ത്യ-​യു​എ​സ് സി​വി​ൽ ആ​ണ​വക​രാ​ർ ഉ​ണ്ടാ​യി. ഇ​ന്ത്യ​ക്കു​ണ്ടാ​യി​രു​ന്ന “ആ​ണ​വ​വി​ല​ക്ക്’’ മാ​റ്റി​യെ​ടു​ക്കാ​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സിം​ഗി​നു സാ​ധി​ച്ചു. ചൈ​ന​യെ​പ്പ​റ്റി​യു​ള്ള ബു​ഷി​ന്‍റെ ആ​ശ​ങ്ക​ക​ളും സ​ഹാ​യ​ക​മാ​യി.

6. ബ​രാ​ക് ഒ​ബാ​മ (2010 ന​വം​ബ​ർ 6-9)

ഇ​ന്ത്യ-​യു​എ​സ് ബ​ന്ധം കൂ​ടു​ത​ൽ സ​ജീ​വ​മാ​ക്കി. പാ​ർ​ല​മെ​ന്‍റി​ൽ പ്ര​സം​ഗി​ച്ചു. യു​എ​സ്-​ഇ​ന്ത്യ ബി​സി​ന​സ് കൗ​ൺ​സി​ലി​ൽ സം​ബ​ന്ധി​ച്ചു. ര​ണ്ടു യു​എ​സ് പ്ര​സി​ഡ​ന്‍റു​മാ​രെ സ്വീ​ക​രി​ച്ച ആ​ദ്യ പ്ര​ധാ​ന​മ​ന്ത്രി​യാ​യി മ​ൻ​മോ​ഹ​ൻ.

7. ബ​രാ​ക് ഒ​ബാ​മ (2015 ജ​നു​വ​രി 24-27)

റി​പ്പ​ബ്ലി​ക് ദി​ന പ​രേ​ഡി​ൽ അ​തി​ഥി​യാ​കു​ന്ന ആ​ദ്യ യു​എ​സ് പ്ര​സി​ഡ​ന്‍റ്. ര​ണ്ടാം ത​വ​ണ​യും വ​ന്ന പ്ര​സി​ഡ​ന്‍റു​മാ​യി ഒ​ബാ​മ. സി​വി​ൽ ആ​ണ​വക​രാ​റി​ലെ ഇ​ൻ​ഷ്വ​റ​ൻ​സ് ബാ​ധ്യ​ത ​സം​ബ​ന്ധി​ച്ച വി​ഷ​യം പ​രി​ഹ​രി​ച്ചു. ഇ​തോ​ടെ യു​എ​സ് ക​ന്പ​നി​ക​ളു​ടെ ആ​ണ​വ റി​യാ​ക്ട​റു​ക​ൾ ഇ​ന്ത്യ​ക്കു വി​ൽ​ക്കാ​ൻ വ​ഴി​യൊ​രു​ങ്ങി.