കണ്ണുകൾ നിറച്ച് മാർപാപ്പയുടെ അപ്രതീക്ഷിത സന്ദേശം
Sunday, April 5, 2020 12:56 AM IST
അ​പ്ര​തീ​ക്ഷി​ത​മാ​യി ഇ​റ്റാ​ലി​യ​ൻ​ ന്യൂ​സ് ചാ​ന​ലു​ക​ളി​ൽ പ്ര​ത്യ​ക്ഷ​പ്പെ​ട്ട ഫ്രാ​ൻ​സി​സ് മാ​ർ​പാ​പ്പ​യു​ടെ സ​ന്ദേ​ശം ഇ​പ്പോ​ൾ ലോ​ക​മെ​ങ്ങും വൈ​റ​ൽ ആ​യി​ക്ക​ഴി​ഞ്ഞു. വീ​ടു​ക​ളി​ൽ അ​ത്താ​ഴം ക​ഴി​ച്ചി​രു​ന്ന​വ​ർപോ​ലും അ​തു നി​ർ​ത്തി ടി​വി​യി​ലേ​ക്കു ക​ണ്ണു​ന​ട്ടു. വേ​ദ​ന​ക​ളു​ടെ​യും ആ​ശ​ങ്ക​ക​ളു​ടെ​യും അ​ന്ത​രീ​ക്ഷ​ത്തി​ൽ വ​ലി​യ സാ​ന്ത്വ​നം പോ​ലെ​യാ​ണ് ഈ ​സ​ന്ദേ​ശം പ​ല​ർ​ക്കും അ​നു​ഭ​വ​പ്പെ​ട്ട​ത്. നി​റ​ക​ണ്ണു​ക​ളോ​ടെ​യാ​ണ് ഈ ​സ​ന്ദേ​ശം പ​ല​രും ശ്ര​വി​ച്ച​തെ​ന്ന് ഇ​റ്റ​ലി​യി​ൽ​നി​ന്നു​ള്ള റി​പ്പോ​ർ​ട്ടു​ക​ൾ പ​റ​യു​ന്നു. ലോ​കം മു​ഴു​വ​നു​മാ​യി ന​ൽ​കി​യ ഈ ​സ​ന്ദേ​ശ​ത്തി​ന്‍റെ മ​ല​യാ​ളം പ​രി​ഭാ​ഷ
മാ​ർ​പാ​പ്പ: ‘ന​മ്മ​ൾ ഒ​റ്റ​പ്പെ​ട്ടു​പോ​യെ​ങ്കി​ലും വി​ശാ​ല​മാ​യ സ്നേ​ഹ​ത്താ​ൽ പ​ര​സ്പ​രം സ​ഹാ​യി​ക്കാം.’

പ്രി​യ സു​ഹൃ​ത്തു​ക്ക​ളേ ‘ബോ​ന സേ​ര’ (ഗു​ഡ് ഈ​വ​നിം​ഗ്). പ​തി​വി​ൽനിന്നു വി​പ​രീ​ത​മാ​യി ഈ ​സാ​യാ​ഹ്ന​ത്തി​ൽ എ​നി​ക്ക് നി​ങ്ങ​ളു​ടെ ഭ​വ​ന​ങ്ങ​ളി​ലേ​ക്കു ക​ട​ന്നു​വ​രു​വാ​നു​ള്ള ഒ​രു അ​വ​സ​ര​മാ​യി ഞാ​ൻ ഇ​തി​നെ കാ​ണു​ന്നു. നി​ങ്ങ​ൾ അ​നു​വ​ദി​ക്കു​ക​യാ​ണെ​ങ്കി​ൽ അ​ല്പ​നേ​രം സം​സാ​രി​ക്കാ​ൻ ആ​ഗ്ര​ഹ​മു​ണ്ട്. കൊ​റോ​ണ​യെ അ​തി​ജീ​വി​ക്കാ​നാ​യി സ​ഹ​ന​ത്തി​ന്‍റെ​യും ക​ഷ്ട​പ്പാ​ടി​ന്‍റെ​യും ഏ​കാ​ന്ത​ത​യി​ൽ​കൂ​ടി ക​ട​ന്നുപോ​കു​ന്ന ഈ ​ദി​ന​ങ്ങ​ളി​ൽ നി​ങ്ങ​ളു​ടെ ഭ​വ​ന​ങ്ങ​ളി​ൽ സ്കൂ​ളി​ൽ പോ​കാ​ൻ സാ​ധി​ക്കാ​ത്ത കു​ട്ടി​ക​ളു​ടെ​യും ജീ​വി​ത​ശൈ​ലി​ക​ളി​ലേ​ക്കു തി​രി​ച്ചുപോ​കാ​നാ​വാ​തെ വി​ഷ​മി​ക്കു​ന്ന കൗ​മാ​ര​പ്രാ​യ​ക്കാ​രു​ടെ​യും ബ​ഹ​ള​ങ്ങ​ൾ എ​നി​ക്ക് സ​ങ്ക​ല്പി​ക്കാ​നാ​കു​ന്നു​ണ്ട്. എ​ല്ലാ കു​ടും​ബ​ങ്ങ​ളെ​യും പ്ര​ത്യേ​കി​ച്ച് കൊ​റോ​ണ ബാ​ധി​ച്ചു രോ​ഗ​ശ​യ്യ​യി​ൽ ആ​യി​രി​ക്കു​ന്ന​വ​രെ​യും ഈ ​പ​ക​ർ​ച്ച​വ്യാ​ധി ബാ​ധി​ച്ച് മ​രി​ച്ച നി​ര​വ​ധി വ്യ​ക്തി​ക​ളെ​യും അ​വ​രു​ടെ പ്രി​യ​പ്പെ​ട്ട​വ​രെ​യും എ​ന്‍റെ ഹൃ​ദ​യ​ത്തോ​ടു ചേ​ർ​ത്തു​വ​യ്ക്കു​ന്നു...

ഹീ​റോ​ക​ൾ

ഈ ​ദി​വ​സ​ങ്ങ​ളി​ൽ എ​പ്പോ​ഴും ഓ​ർ​മ​യി​ൽ ക​ട​ന്നു​വ​രു​ന്ന​ത് ആ​രും തു​ണ​യി​ല്ലാ​തെ വി​ഷ​മി​ക്കു​ന്ന​വ​രാ​ണ്. വ​ള​രെ ബു​ദ്ധി​മു​ട്ടു​ള്ള ഒ​രു യാ​ഥാ​ർ​ഥ്യ​ത്തി​ലൂ​ടെ​യാ​ണ് അ​വ​ർ ക​ട​ന്നു​പോ​കു​ന്ന​ത്. പ്ര​ത്യേ​കി​ച്ച് എ​നി​ക്ക് ഏ​റ്റ​വും പ്രി​യ​പ്പെ​ട്ട വ​യോ​ജ​ന​ങ്ങ​ൾ... അ​തു​പോ​ലെ എ​നി​ക്ക് മ​റ​ക്കാ​നാ​കാ​ത്ത​വ​രാ​ണ് കൊ​റോ​ണ ബാ​ധി​ത​രെ ശു​ശ്രൂ​ഷി​ക്കാ​ൻ രാ​വും പ​ക​ലും ക​ഠി​നാ​ധ്വാ​നം ചെ​യ്യു​ന്ന ഡോ​ക്ട​ർ​മാ​രും ന​ഴ്സു​മാ​രും മ​റ്റു വ്യ​ക്തി​ക​ളും... യ​ഥാ​ർ​ഥ​ത്തി​ൽ ഇ​വ​രാ​ണ് ഈ ​കാ​ല​ഘ​ട്ട​ത്തി​ന്‍റെ ഹീ​റോ​ക​ൾ.

ആ​ശ്വ​സി​പ്പി​ക്കാം

ജോ​ലി ചെ​യ്യാ​നാ​കാ​തെ സാ​മ്പ​ത്തി​ക ബു​ദ്ധി​മു​ട്ട് നേ​രി​ടു​ന്ന​വ​രെ ഓ​ർ​ത്തും ഞാ​ൻ പ്രാ​ർ​ഥി​ക്കു​ന്നു. ജ​യി​ലു​ക​ളി​ൽ ക​ഴി​യു​ന്ന സ​ഹോ​ദ​ര​ങ്ങ​ളെ ഓ​ർ​ത്തു ഞാ​ൻ പ്രാ​ർ​ഥി​ക്കു​ന്നു... പ്രി​യ​പ്പെ​ട്ട​വ​രെ ഓ​ർ​ത്ത് അ​വ​ർ വ​ലി​യ വേ​ദ​ന അ​നു​ഭ​വി​ക്കു​ന്നു​ണ്ടെ​ന്ന​റി​യാം. ന​മ്മ​ൾ ഓ​രോ​രു​ത്ത​ർ​ക്കും ഈ ​ദി​ന​ങ്ങ​ൾ ഏ​റെ ബു​ദ്ധി​മു​ട്ട് നി​റ​ഞ്ഞ​താ​ണ്. ചി​ല​ർ​ക്ക് അ​തി​ക​ഠി​ന​മാ​ണ് ഈ ​ദി​ന​ങ്ങ​ളെ​ന്നു പാ​പ്പ​യ്ക്ക് അ​റി​യാം. നി​ങ്ങ​ളോ​ട് എ​നി​ക്കു പ​റ​യാ​നു​ള്ള​ത്, ഞാ​ൻ നി​ങ്ങ​ളോ​ടൊ​പ്പ​മു​ണ്ട്... എ​ന്‍റെ പ്രാ​ർ​ഥ​ന​യും സ്നേ​ഹ​വും നി​ങ്ങ​ളെ സം​ര​ക്ഷി​ക്ക​ട്ടെ. ക​ഷ്ട​ത​യു​ടെ ഈ ​കാ​ല​ഘ​ട്ടം വ​ള​രെ ന​ന്നാ​യി വി​നി​യോ​ഗം ചെ​യ്യാ​ൻ ന​മു​ക്കു പ​രി​ശ്ര​മി​ക്കാം. ന​മ്മ​ൾ ഉ​ദാ​രമ​ന​സു​ള്ള​വ​ർ ആ​യി​രി​ക്ക​ണം, പ​ര​സ്പ​രം സ​ഹാ​യി​ക്കാ​ൻ ശ്ര​മി​ക്കാം. ഫോ​ൺ കോ​ളു​ക​ൾ വ​ഴി​യും സ​മൂ​ഹ മാ​ധ്യ​മ​ങ്ങ​ൾ ഉ​പ​യോ​ഗി​ച്ചും ഏ​കാ​ന്ത​ത​യി​ൽ ക​ഴി​യു​ന്ന​വ​രോ​ടു സം​സാ​രി​ക്കാ​നും ആ​ശ്വ​സി​പ്പി​ക്കാ​നും ധൈ​ര്യ​പ്പെ​ടു​ത്താ​നും പ​രി​ശ്ര​മി​ക്കാം.


ഇ​റ്റ​ലി​യി​ലും ലോ​കം മു​ഴു​വ​നി​ലും ക​ഷ്ട​ത​യി​ൽകൂ​ടി ക​ട​ന്നുപോ​കു​ന്ന​വ​ർ​ക്കു​വേ​ണ്ടി ഒ​ന്നു​ചേ​ർ​ന്നു പ്രാ​ർ​ഥി​ക്കാം. ഒ​റ്റ​പ്പെ​ട്ടി​രി​ക്കു​ക​യാ​ണെ​ങ്കി​ലും വി​ശാ​ല​മാ​യ സ്നേ​ഹ​ത്തി​ന്‍റെ ക​ഴി​വു​ക​ൾ ഉ​പ​യോ​ഗി​ച്ചു ചി​ന്ത​ക​ൾ​കൊ​ണ്ടും ആ​ത്മീ​യസാ​ന്നി​ധ്യം​കൊ​ണ്ടും ന​മു​ക്ക് എ​ത്ര ദൂ​രം വേ​ണ​മെ​ങ്കി​ലും സ​ഞ്ച​രി​ക്കാം. അ​ത് ഇ​ന്നി​ന്‍റെ ആ​വ​ശ്യ​മാ​ണ്.

വി​ശു​ദ്ധ​വാ​രം തു​ട​ങ്ങു​ന്നു, സു​വി​ശേ​ഷം ന​മു​ക്കു കാ​ണി​ച്ചു​ത​രു​ന്ന​തു മ​നു​ഷ്യ​വം​ശ​ത്തോ​ടു​ള്ള ദൈ​വ​ത്തി​ന്‍റെ അ​തി​രു​ക​ളി​ല്ലാ​ത്ത സ്നേ​ഹ​മാ​ണ്. ന​മ്മു​ടെ ന​ഗ​ര​ങ്ങ​ളി​ൽ ത​ളം​കെ​ട്ടി​നി​ൽ​ക്കു​ന്ന മൗ​ന​ത്തി​ൽ ഉ​യ​ർ​പ്പി​ന്‍റെ സ​ന്ദേ​ശം വീ​ണ്ടും മു​ഴ​ങ്ങിക്കേൾ​ക്കും. വി​ശു​ദ്ധ പൗ​ലോ​സ് ശ്ലീ​ഹ പ​റ​യു​ന്ന​ത് ക്രി​സ്തു മ​രി​ച്ച​തു നാം ​എ​ല്ലാ​വ​ർ​ക്കും വേ​ണ്ടി​യാ​ണ്. കാ​ര​ണം ക്രി​സ്തു​വി​ൽ ജീ​വി​ക്കു​ന്ന ഏ​തൊ​രു​വ​നും അ​വ​ർ​ക്കുവേ​ണ്ടി​യ​ല്ല ജീ​വി​ക്കു​ന്ന​ത്...

ക്രി​സ്തു ഉ​യി​ർ​ത്തെ​ഴു​ന്നേ​റ്റു. ജീ​വ​ൻ മ​ര​ണ​ത്തെ തോ​ൽ​പ്പി​ച്ചു... ക്രി​സ്തു​വി​ന്‍റെ ഉ​ത്ഥാ​ന​ത്തി​ലു​ള്ള വി​ശ്വാ​സം ന​മ്മു​ടെ പ്ര​ത്യാ​ശ​യെ വ​ള​ർ​ത്തു​ന്നു. ഒ​രു ന​ല്ല കാ​ലം എ​ത്ര​യും വേ​ഗം ദൈ​വം ന​മു​ക്കു​ ന​ൽ​ക​ട്ടെ, എ​ത്ര​യും വേ​ഗം ഈ ​പ​ക​ർ​ച്ചവ്യാ​ധി​യി​ൽ​നി​ന്നു ന​മ്മ​ൾ മു​ക്ത​രാ​ക​ട്ടെ എ​ന്നു പ്രാ​ർ​ഥി​ക്കു​ന്നു.

സ്നേ​ഹ​ത്തോ​ടെ

സ​ഹ​ന​ത്തി​ൽ​ക്കൂ​ടി ക​ട​ന്നുപോ​കു​ന്ന വ്യ​ക്തി​ക​ളോ​ടു സ്നേ​ഹ​ത്തോ​ടെ പെ​രു​മാ​റു​ക. പ്ര​ത്യേ​കി​ച്ചു കു​ട്ടി​ക​ളോ​ടും പ്രാ​യ​മാ​യ​വ​രോ​ടും പ​റ​യു​ക, ഫ്രാ​ൻ​സി​സ് പ​ാപ്പാ നി​ങ്ങ​ളോ​ടൊ​പ്പ​മു​ണ്ട്, നി​ങ്ങ​ൾ​ക്കാ​യി പ്രാ​ർ​ഥി​ക്കു​ന്നു എ​ന്ന്... എ​നി​ക്കു​വേ​ണ്ടി പ്രാ​ർ​ഥി​ക്കാ​ൻ മ​റ​ക്ക​രു​ത്. ഒ​രു ന​ല്ല അ​ത്താ​ഴം നി​ങ്ങ​ൾ​ക്ക് ആ​ശം​സി​ച്ചു​കൊ​ണ്ടു ഞാ​ൻ നി​ർ​ത്തു​ന്നു... വീ​ണ്ടും കാ​ണാം... ദൈ​വം നി​ങ്ങ​ളെ അ​നു​ഗ്ര​ഹി​ക്ക​ട്ടെ.

വി​വ​ർ​ത്ത​നം: സി​സ്റ്റ​ർ സോ​ണി​യ തെ​രേ​സ് ഡി​എ​സ്ജെ, ഇറ്റലി

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.