International News
യൂറോപ്യൻ യൂണിയൻ നേരിടുന്നതു ചരിത്രത്തിലെ വലിയ വെല്ലുവിളി: മെർക്കൽ
യൂറോപ്യൻ യൂണിയൻ നേരിടുന്നതു ചരിത്രത്തിലെ വലിയ വെല്ലുവിളി: മെർക്കൽ
Wednesday, April 8, 2020 12:00 AM IST
കൊ​റോ​ണ വൈ​റ​സ് വ്യാ​പ​നം യൂ​റോ​പ്യ​ൻ യൂ​ണി​യ​ൻ ച​രി​ത്ര​ത്തി​ലെ ഏ​റ്റ​വും വ​ലി​യ പ​രീ​ക്ഷ​ണം എ​ന്ന് ജ​ർ​മ​ൻ ചാ​ൻ​സ​ല​ർ ആം​ഗ​ല മെ​ർ​ക്ക​ൽ. ഏ​പ്രി​ൽ 19 വ​രെ നീ​ണ്ടു​നി​ൽ​ക്കു​ന്ന പൊ​തു​ജീ​വി​ത​ത്തി​ലെ നി​യ​ന്ത്ര​ണ​ങ്ങ​ൾ​ക്ക് ക​ട്ട് ഓ​ഫ് തീ​യ​തി​ക​ൾ ഇ​തു​വ​രെ നി​ശ്ച​യി​ച്ചി​ട്ടി​ല്ലെ​ന്ന് മെ​ർ​ക്ക​ൽ അ​റി​യി​ച്ചു. നി​ല​വി​ലെ നി​യ​മ​ങ്ങ​ളി​ൽ ഇ​ള​വ് വ​രു​ത്തു​ന്ന​ത് അ​നി​വാ​ര്യ​മ​ല്ലാ​ത്ത ബി​സി​ന​സു​ക​ൾ അ​ട​ച്ചു​പൂ​ട്ടാ​നും പൊ​തു​ജീ​വി​ത​ത്തെ ക​ർ​ശ​ന​മാ​യി പ​രി​മി​ത​പ്പെ​ടു​ത്താ​നും ക​ഴി​യു​ന്ന​താ​ണെ​ന്നും അ​വ​ർ പ​റ​ഞ്ഞു.

രോ​ഗ​നി​ർ​ണ​യം ന​ട​ത്തി 24 മ​ണി​ക്കൂ​റി​നു​ള്ളി​ൽ രോ​ഗ​ബാ​ധി​ത​നാ​യ വ്യ​ക്തി​യു​മാ​യി സ​ന്പ​ർ​ക്കം പു​ല​ർ​ത്തു​ന്ന 80 ശ​ത​മാ​ന​ത്തി​ല​ധി​കം ആ​ളു​ക​ളെ ക​ണ്ടെത്താ​ൻ ആ​രോ​ഗ്യ​വ​കു​പ്പി​നു ക​ഴി​യു​ന്നു​ണ്ടെ​ന്നും ഇ​തു രോ​ഗ​ബാ​ധ ത​ട​യാ​ൻ ഏ​റെ സ​ഹാ​യി​ക്കു​ന്നു​ണ്ടെ​ന്നും മെ​ർ​ക്ക​ൽ പ​റ​ഞ്ഞു. കൂ​ടാ​തെ, മ​തി​യാ​യ സ്റ്റോ​ക്ക് ല​ഭ്യ​മാ​കു​ന്പോ​ൾ രാ​ജ്യ​ത്ത് ഫെ​യ്സ് മാ​സ്കു​ക​ൾ നി​ർ​ബ​ന്ധ​മാ​ക്കു​മെ​ന്നും മെ​ർ​ക്ക​ൽ പ​റ​ഞ്ഞു.

ഇ​ന്‍റ​ൻ​സീ​വ് കെ​യ​ർ യൂ​ണി​റ്റി​ൽ ക​ഴി​യു​ന്ന ബ്രി​ട്ടീ​ഷ് പ്ര​ധാ​ന​മ​ന്ത്രി ബോ​റി​സ് ജോ​ണ്‍സ​ണ്‍ എ​ത്ര​യും വേ​ഗം രോ​ഗ​വി​മു​ക്തി നേ​ടി സാ​ധാ​ര​ണ ജീ​വി​ത​ത്തി​ലേ​ക്കു തി​രി​ച്ചു വര​ട്ടെ​യെ​ന്നും മെ​ർ​ക്ക​ൽ ആ​ശം​സി​ച്ചു.

പു​റ​ത്തുനി​ന്ന് ജ​ർ​മ​നി​യി​ലേ​ക്ക് ആ​രു വ​ന്നാ​ലും വ​രു​ന്ന ദി​വ​സം മു​ത​ൽ അ​ടു​ത്ത 14 ദി​വ​സ​ത്തേ​ക്ക് അ​വ​രെ​ല്ലാം​ത​ന്നെ നി​ർ​ബ​ന്ധ​മാ​യും ക്വാ​റ​ന്‍റൈ​നി​ൽ ആ​യി​രി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു. കോ​വി​ഡ് മൂ​ല​മു​ള്ള മ​ര​ണ​ങ്ങ​ൾ വീ​ണ്ടും വ​ർ​ധി​ക്കു​മെ​ന്ന് ബ​ർ​ലി​നി​ലെ റോ​ബ​ർ​ട്ട് കോ​ഹ് ഇ​ൻ​സ്റ്റി​റ്റ്യൂ​ട്ട് മേ​ധാ​വി പ്ര​ഫ. ഡോ. ​ലോ​ത​ർ വൈ​ല​ർ പ​റ​ഞ്ഞു. പു​തി​യ അ​ണു​ബാ​ധ​രോ​ഗി​ക​ളു​ടെ എണ്ണം കു​റ​ഞ്ഞു വ​ന്നി​രു​ന്ന​ത് നാ​ലു ദി​വ​സ​ത്തി​നു​ശേ​ഷം,വീ​ണ്ടും ഉ​യ​ർ​ന്ന​താ​യി അ​ദ്ദേ​ഹം അ​റി​യി​ച്ചു.

40,000 കോ​ടി യൂ​റോ​യു​ടെ പ​ദ്ധ​തി​യു​മാ​യി ഇ​റ്റ​ലി

റോം: ​കൊ​റോ​ണ​വൈ​റ​സ് സൃ​ഷ്ടി​ച്ചി​രി​ക്കു​ന്ന പ്ര​തി​സ​ന്ധി​യെ അ​തി​ജീ​വി​ക്കാ​ൻ വ്യ​വ​സാ​യ​ങ്ങ​ളെ സ​ഹാ​യി​ക്കു​ന്ന​തി​ന് ഇ​റ്റ​ലി 40,000 കോ​ടി യൂ​റോ​യു​ടെ പ​ദ്ധ​തി പ്ര​ഖ്യാ​പി​ച്ചു. രാ​ജ്യ​ത്തി​ന്‍റെ ച​രി​ത്ര​ത്തി​ലെ ഏ​റ്റ​വും മ​നോ​ഹ​ര​മാ​യ ഇ​ട​പെ​ട​ൽ എ​ന്നാ​ണ് പ്ര​ധാ​ന​മ​ന്ത്രി ജസ​പ്പെ കോ​ന്തെ ഈ ​ഉ​ത്തേ​ജ​ന പാ​ക്കേ​ജി​നെ വി​ശേ​ഷി​പ്പി​ച്ച​ത്. നേ​ര​ത്തെ 34,000 കോ​ടി യൂ​റോ​യു​ടെ സ​ർ​ക്കാ​ർ സ്പോ​ണ്‍സേ​ർ​ഡ് വാ​യ്പ​ക​ളും ഇ​റ്റ​ലി പ്ര​ഖ്യാ​പി​ച്ചി​രു​ന്നു. പു​തി​യ പാ​ക്കേ​ജി​ൽ പ​കു​തി തു​ക​യും ക​യ​റ്റു​മ​തി അ​ധി​ഷ്ഠി​ത വ്യ​വ​സാ​യ​ങ്ങ​ളെ ഉ​ദ്ദേ​ശി​ച്ചു​ള്ള​താ​ണെ​ന്നും പ്ര​ധാ​ന​മ​ന്ത്രി വ്യ​ക്ത​മാ​ക്കി.

മു​തി​ർ​ന്ന പൗ​ര​ൻ​മാ​ർ​ക്ക് പെ​ൻ​ഷ​ൻ തു​ക പോ​ലീ​സ് വ​ഴി വീ​ട്ടി​ലെ​ത്തി​ക്കു​ന്ന പ​ദ്ധ​തി​യും പ്ര​ധാ​ന​മ​ന്ത്രി പ്ര​ഖ്യാ​പി​ച്ചു. 75 വ​യ​സി​നു മു​ക​ളി​ൽ പ്രാ​യ​മു​ള്ള​വ​ർ​ക്കാ​ണ് ഈ ​ആ​നു​കൂ​ല്യം ല​ഭ്യ​മാ​ക്കു​ക. ഏ​ക​ദേ​ശം 23,000 പേ​ർ​ക്ക് ഇ​തി​ന്‍റെ പ്ര​യോ​ജ​നം ല​ഭി​ക്കും.


ആ​രോ​ഗ്യ പ്ര​വ​ർ​ത്ത​ക​ര​ട​ക്കം ചി​കി​ത്സ​യി​ൽ ക​ഴി​യു​ന്ന സാ​ഹ​ച​ര്യ​ത്തി​ൽ ആ​ശു​പ​ത്രി​ക​ൾ ക​ടു​ത്ത ആ​ൾ​ക്ഷാ​മം നേ​രി​ടു​ന്ന​തു ക​ണ​ക്കി​ലെ​ടു​ത്ത് രോ​ഗീപ​രി​ച​ര​ണ​ത്തി​ന് റോ​ബട്ടു​ക​ളെ​യും ഏ​ർ​പ്പെ​ടു​ത്തി​ത്തു​ട​ങ്ങി. പ​ൾ​സ്, ശ​രീ​രോ​ഷ്മാ​വ് തു​ട​ങ്ങി​യ​വ പ​രി​ശോ​ധി​ക്കാ​ൻ ഈ ​റോ​ബ​ട്ടു​ക​ൾ​ക്കു സാ​ധി​ക്കും.

സ്പെ​യി​നിൽ വെ​യ​ർ​ഹൗ​സി​ൽനി​ന്ന് മാ​സ്കു​ക​ൾ മോ​ഷ്ടി​ച്ചു

മാഡ്രിഡ്: സാ​ന്‍റി​യാ​ഗോ ഡി ​കോം​പോ​സ്റ്റെ​ല​യി​ലെ സ്പാ​നി​ഷ് തീ​ർ​ഥാ​ട​ന കേ​ന്ദ്രം കൊ​റോ​ണ രോ​ഗ​ത്തി​ന്‍റെ കേ​ന്ദ്ര​മാ​ണ്. രാ​ജ്യ​ത്തി​ന്‍റെ വ​ട​ക്കു​പ​ടി​ഞ്ഞാ​റ​ൻ ന​ഗ​ര​ത്തി​ൽ, സം​ര​ക്ഷ​ണ മാ​സ്കു​ക​ൾ​ക്കും മ​റ്റ് സം​ര​ക്ഷ​ണ വ​സ്തു​ക്ക​ൾ​ക്കു​മു​ള്ള ഒ​രു വെ​യ​ർ​ഹൗ​സ് വൃ​ത്തി​യാ​ക്കി പൂ​ർ​ണ​മാ​യും ന​ശി​പ്പി​ച്ചു. ഇ​തി​ൽ സം​ശ​യം തോ​ന്നി​യ കെ​ട്ടി​ട​മു​ട​മ​യെ സം​ശ​യാ​സ്പ​ദ​മാ​യി പോ​ലീ​സ് അ​റ​സ്റ്റ് ചെ​യ്തു. ഇ​യാ​ൾ ഇ​വി​ടെ ശേ​ഖ​രി​ച്ചി​രു​ന്ന മാ​സ്ക്കു​ക​ൾ അ​ടി​ച്ചു​മാ​റ്റി അ​യ​ൽ രാ​ജ്യ​മാ​യ പോ​ർ​ച്ചു​ഗ​ലി​ൽ അ​ഞ്ച് ദ​ശ​ല​ക്ഷം യൂ​റോ​യ്ക്കു വി​റ്റ​താ​യി പോലീ​സ് ആ​രോ​പി​ച്ചു. ഇ​യാ​ളെ ജ​ഡ്ജി​യു​ടെ മു​ന്പി​ലെ​ത്തി​ച്ച് ഉ​പാ​ധി​ക​ളോ​ടെ വി​ട്ട​യ​ച്ചു.

കൂ​ടു​ത​ൽ അ​ധി​കാ​ര​ങ്ങ​ൾ തേ​ടി സ്വീ​ഡി​ഷ് സ​ർ​ക്കാ​ർ

സ്റ്റോ​ക്ക്ഹോം: ലോ​ക ജ​ന​സം​ഖ്യ​യു​ടെ പ​കു​തി​യോ​ളം ലോ​ക്ക്ഡൗ​ണി​ൽ ക​ഴി​യു​ന്പോ​ഴും അ​ത്ര​യും ക​ടു​ത്ത നി​യ​ന്ത്ര​ണ​ങ്ങ​ളി​ലേ​ക്കു നീ​ങ്ങാ​ത്ത രാ​ജ്യ​മാ​ണ് സ്വീ​ഡ​ൻ. എ​ന്നാ​ലി​പ്പോ​ൾ അ​വി​ട​ത്തെ സ​ർ​ക്കാ​രും ലോ​ക്ക്ഡൗ​ണ്‍ പ്ര​ഖ്യാ​പി​ക്കാ​ൻ മാ​ർ​ഗ​ങ്ങ​ൾ ആ​രാ​യു​ന്നു. ഇ​തി​നാ​യി സ​ർ​ക്കാ​രി​നു പ്ര​ത്യേ​കാ​ധി​കാ​ര​ങ്ങ​ൾ ല​ഭ്യ​മാ​ക്കു​ന്ന​തി​നു​ള്ള ഭേ​ദ​ഗ​തി​ക​ൾ പാ​ർ​ല​മെ​ന്‍റി​ന്‍റെ അം​ഗീ​കാ​ര​ത്തി​നു വ​ച്ചു ക​ഴി​ഞ്ഞു. പൊ​തു​ജീ​വി​ത​ത്തി​നു വ്യ​ക്ത​മാ​യ നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​ക്കൊ​ണ്ട ുള്ള ​പ്ര​ഖ്യാ​പ​ന​ങ്ങ​ളാ​ണ് വ​രാ​ൻ പോ​കു​ന്ന​തെ​ന്ന് സ്വീ​ഡി​ഷ് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു.

ലോ​ക്ക്ഡൗ​ണ്‍ നീ​ട്ടു​മെ​ന്ന് സ്വി​റ്റ്സ​ർ​ല​ൻ​ഡ്

ബേ​ണ്‍: ഏ​പ്രി​ൽ ഇ​രു​പ​തി​ന് രാ​ജ്യ​ത്തെ ലോ​ക്ക്ഡൗ​ണ്‍ പി​ൻ​വ​ലി​ക്കു​മെ​ന്ന പ്ര​ച​ാര​ണം സാ​ങ്ക​ൽ​പ്പി​കം മാ​ത്ര​മെ​ന്ന് സ്വി​റ്റ്സ​ർ​ല​ൻ​ഡ് ആ​രോ​ഗ്യ വ​കു​പ്പ് മ​ന്ത്രി അ​ലെ​യ്ൻ ബെ​ർ​സെ​റ്റ്. രാ​ജ്യ​ത്ത് മ​ര​ണ​സം​ഖ്യ​യും രോ​ഗ​ബാ​ധി​ത​രു​ടെ എ​ണ്ണ​വും കൂ​ടി​ക്കൊ​ണ്ടി​രി​ക്കു​ന്ന സാ​ഹ​ച​ര്യ​ത്തി​ൽ പെ​ട്ടെ​ന്ന് ലോ​ക്ക്ഡൗ​ണ്‍ പി​ൻ​വ​ലി​ക്കു​ക പ്രാ​യോ​ഗി​ക​മ​ല്ലെ​ന്ന് ആ​രോ​ഗ്യ വ​കു​പ്പ് അ​ധി​കൃ​ത​രും പ​റ​യു​ന്നു. മാ​ർ​ച്ച് പ​തി​നാ​റി​നാ​ണ് രാ​ജ്യ​ത്ത് ലോ​ക്ക്ഡൗ​ണ്‍ പ്ര​ഖ്യാ​പി​ച്ച​ത്. രാ​ജ്യ​ത്തി​പ്പോ​ൾ കോ​വി​ഡ് ബാ​ധി​ച്ച് മ​രി​ച്ച​വ​രു​ടെ എ​ണ്ണം എ​ഴു​നൂ​റ് പി​ന്നി​ട്ടു ക​ഴി​ഞ്ഞു.


ജോ​സ് കു​ന്പി​ളു​വേ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.