International News
ബെയ്റൂട്ട് സ്ഫോടനം: മരണം നൂറിലേറെ
ബെയ്റൂട്ട് സ്ഫോടനം: മരണം നൂറിലേറെ
Wednesday, August 5, 2020 11:16 PM IST
ബെ​യ്റൂ​ട്ട്: ല​ബ​നീ​സ് ത​ല​സ്ഥാ​ന ന​ഗ​ര​ത്തെ മൊ​ത്തം വി​റ​പ്പി​ച്ച ഉ​ഗ്ര​സ്ഫോ​ട​ന​ത്തി​ൽ കു​റ​ഞ്ഞ​ത് നൂ​റു പേ​ർ കൊ​ല്ല​പ്പെ​ട്ടു. 4000നു ​മു​ക​ളി​ൽ പേ​ർ​ക്കു പ​രി​ക്കേ​റ്റു. കാ​ണാ​താ​യ നൂ​റി​ല​ധി​കം പേ​ർ​ക്കാ​യി തെ​ര​ച്ചി​ൽ തു​ട​രു​ന്നു.

ചൊ​വ്വാ​ഴ്ച വൈ​കു​ന്നേ​രം ആ​റി​ന് ബെ​യ്റൂ​ട്ടി​ലെ തു​റ​മു​ഖ മേ​ഖ​ല​യി​ൽ തീ​പി​ടി​ച്ച​തി​നു പി​ന്നാ​ലെ​യാ​ണു സ്ഫോ​ട​നം ഉ​ണ്ടാ​യ​ത്. ഒ​രു ഗോ​ഡൗ​ണി​ൽ മു​ൻ​ക​രു​ത​ലി​ല്ലാ​തെ സൂ​ക്ഷി​ച്ചി​രു​ന്ന 2,750 ട​ൺ അ​മോ​ണി​യം നൈ​ട്രേ​റ്റ് പൊ​ട്ടി​ത്തെ​റി​ച്ച​താ​ണു ദു​ര​ന്ത​ത്തി​നു കാ​ര​ണ​മെ​ന്നു ല​ബ​നീ​സ് പ്ര​സി​ഡ​ന്‍റ് മി​ഷേ​ൽ ഔ​ൺ അ​റി​യി​ച്ചു.

റി​ക്ട​ർ സ്കെ​യി​ലി​ൽ 3.5 തീ​വ്ര​ത രേ​ഖ​പ്പെ​ടു​ത്തി​യ സ്ഫോ​ട​ന​മാ​ണ് ന​ട​ന്ന​ത്. 240 കി​ലോ​മീ​റ്റ​ർ അ​ക​ല​ത്തു​ള്ള സൈ​പ്ര​സി​ൽ​വ​രെ ശ​ബ്ദം കേ​ട്ടു. സ്ഫോ​ട​ന​മേ​ഖ​ല​യി​ലെ കെ​ട്ടി​ട​ങ്ങ​ളെ​ല്ലാം നി​ലം​പ​രി​ശാ​യി. കി​ലോ​മീ​റ്റ​റു​ക​ൾ അ​ക​ലെ​യു​ള്ള കെ​ട്ടി​ട​ങ്ങ​ൾ കു​ലു​ങ്ങി; ജ​ന​ൽ​ച്ചി​ല്ലു​ക​ൾ ത​ക​ർ​ന്നു.
റോ​ഡു​ക​ൾ ജ​ന​ൽ​ച്ചി​ല്ലും മ​റ്റ് അ​വ​ശി​ഷ്ട​ങ്ങ​ളും​കൊ​ണ്ടു നി​റ​ഞ്ഞ​ത് ര​ക്ഷാ​പ്ര​വ​ർ​ത്ത​നം വൈ​കി​ച്ചു. അ​വ​ശി​ഷ്ട​ങ്ങ​ൾ​ക്കി​ടെ കു​ടു​ങ്ങി​ക്കി​ട​ക്കു​ന്ന​വ​രു​ടെ ദൃ​ശ്യ​ങ്ങ​ൾ ല​ബ​നീ​സ് മാ​ധ്യ​മ​ങ്ങ​ൾ പു​റ​ത്തു​വി​ട്ടു.

വ​ൻ ദു​ര​ന്ത​മാ​ണ് സം​ഭ​വി​ച്ചി​രി​ക്കു​ന്ന​തെ​ന്ന് റെ​ഡ്ക്രോ​സ് വൃ​ത്ത​ങ്ങ​ൾ പ​റ​ഞ്ഞു.
ഇ​ന്ന​ലെ ചേ​ർ​ന്ന കാ​ബി​ന​റ്റ് യോ​ഗം ല​ബ​ന​നി​ൽ ര​ണ്ടാ​ഴ്ച​ത്തെ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു. തു​റു​മു​ഖ​ത്തി​ന്‍റെ ചു​മ​ത​ല​യു​ള്ള കു​റ​ച്ചു​പേ​രെ വീ​ട്ടു​ത​ട​ങ്ക​ലി​ലാ​ക്കി.

പൊ​ട്ടി​ത്തെ​റി​ച്ച​ത് 2,750 ട​ൺ അ​മോ​ണി​യം നൈ​ട്രേ​റ്റ്

സ്ഫോ​ട​നം എ​ങ്ങ​നെ സം​ഭ​വി​ച്ചു​വെ​ന്നു ക​ണ്ടെ​ത്താ​ൻ അ​ന്വേ​ഷ​ണം തു​ട​ങ്ങി. 2013ൽ ​ജോ​ർ​ജി​യ​യി​ൽ​നി​ന്ന് ആ​ഫ്രി​ക്ക​ൻ രാ​ജ്യ​ങ്ങ​ളി​ലേ​ക്കു പോ​യി​യി​രു​ന്ന ‘റോ​സൂ​സ്’ എ​ന്ന ക​പ്പ​ലി​ൽ​നി​ന്ന് പി​ടി​ച്ചെ​ടു​ത്ത് അ​മോ​ണി​യം നൈ​ട്രേ​റ്റ് ആ​ണു പൊ​ട്ടി​ത്തെ​റി​ച്ച​ത്.

ബെ​യ്റൂ​ട്ട് തു​റ​മു​ഖ​ത്ത് ന​ങ്കൂ​ര​മി​ട്ട​പ്പോ​ൾ അ​ന​ധി​കൃ​ത​മാ​ണെ​ന്നു ക​ണ്ടെ​ത്തി​യ​തി​നെ​ത്തു​ട​ർ​ന്ന് യു​ക്രൈ​ൻ​കാ​രാ​യ 10 ജീ​വ​ന​ക്കാ​രും അ​റ​സ്റ്റി​ലാ​യി​രു​ന്നു. ഒ​രു വ​ർ​ഷ​ത്തി​നു​ശേ​ഷ​മാ​ണ് അ​വ​ർ മോ​ചി​ത​രാ​യ​ത്.


ക​രി​ങ്ക​ട​ൽ തീ​ര​ത്തു​ള്ള ബ​തു​മി തു​റ​മു​ഖ​ത്തു​നി​ന്ന് പു​റ​പ്പെ​ട്ട റോ​സൂ​സി​ന്‍റെ ഉ​ട​മ​സ്ഥ​ൻ റ​ഷ്യ​ക്കാ​ര​നാ​യ ഇ​ഗോ​ർ ഗ്രെ​ചു​ഷ്കി​നാ​ണ്. മോ​ൾ​ഡാ​വി​യാ​യു​ടെ പ​താ​ക​യു​മാ​യി സ​ഞ്ച​രി​ച്ച ക​പ്പ​ലി​ന്‍റെ മാ​തൃ​സ്ഥാ​പ​ന​മാ​യ ടെ​റ്റോ​ഷി​പ്പിം​ഗ് സൈ​പ്ര​സി​ലാ​ണു ര​ജി​സ്റ്റ​ർ ചെ​യ്തി​രി​ക്കു​ന്ന​ത്.

വ​ള​മാ​യും സ്ഫോ​ട​ക​വ​സ്തു​വാ​യും ഉ​പ​യോ​ഗി​ക്കു​ന്ന രാ​സ​പ​ഥാ​ർ​ഥമാ​ണ് അ​മോ​ണി​യം നെ​ട്രേ​റ്റ്. മു​ൻ​ക​രു​ത​ലോ​ടെ സൂ​ക്ഷി​ച്ചാ​ൽ സു​ര​ക്ഷി​ത​മാ​ണ്. ഇ​ടു​ങ്ങി​യ സ്ഥ​ല​ത്തു സൂ​ക്ഷി​ക്കു​ന്ന​തും വാ​ഹ​ന​ഇ​ന്ധ​നം പോ​ലു​ള്ള​വ​യു​മാ​യി കൂ​ടി​ക്ക​ല​രു​ന്ന​തും സ്ഫോ​ട​ന​ത്തി​നു വ​ഴി​യൊ​രു​ക്കു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടി.

സ്ഫോ​ട​ന​ത്തി​നു തൊ​ട്ടു​മു​ൻ​പേ സം​ഭ​വ​സ്ഥ​ല​ത്തി​ന​ടു​ത്തു​കൂ​ടി ഒ​രു വി​മാ​നം പ​റ​ന്ന​താ​യി ചി​ല ദൃ​ക്സാ​ക്ഷി​ക​ൾ പ​റ​ഞ്ഞു. എ​ന്നാ​ൽ ഇ​തു സ്ഥി​രീ​ക​രി​ച്ചി​ട്ടി​ല്ല. സ്ഫോ​ട​ന​ത്തി​ൽ ത​ങ്ങ​ൾ​ക്കു പ​ങ്കി​ല്ലെ​ന്ന് ഇ​സ്ര​യേ​ൽ വ്യ​ക്ത​മാ​ക്കി​യി​ട്ടു​ണ്ട്.

കോ​വി​ഡി​നു പു​റ​മേ ഒ​രു ദു​ര​ന്തം​കൂ​ടി

കോ​വി​ഡ് രോ​ഗി​ക​ളാ​ൽ നി​റ​ഞ്ഞ ആ​ശു​പ​ത്രി​ക​ൾ ഇ​പ്പോ​ൾ പ​രി​ക്കേ​റ്റ ആ​യി​ര​ങ്ങ​ൾ​ക്കു​കൂ​ടി ചി​കി​ത്സ ന​ല്കേ​ണ്ടി​യി​രി​ക്കു​ന്നു. കി​ട​ക്ക​യു​ടെ​യും ചി​കി​ത്സാ ഉ​പ​ക​ര​ണ​ങ്ങ​ളു​ടെ​യും അ​ഭാ​വം ഉ​ണ്ടെ​ന്ന് ആ​രോ​ഗ്യ​മ​ന്ത്രി ഹ​മാ​ദ് ഹ​സ​ൻ പ​റ​ഞ്ഞു.

ല​ബ​ന​ൻ ക​ടു​ത്ത സാ​ന്പ​ത്തി​ക പ്ര​തി​സ​ന്ധി നേ​രി​ടു​ന്ന​തി​നി​ടെ​യാ​ണു സ്ഫോ​ട​ന​ദു​ര​ന്തം. തു​റ​മു​ഖ​ത്ത് ഇ​റ​ക്കി സൂ​ക്ഷി​ച്ചി​രു​ന്ന ഭ​ക്ഷ്യ​വ​സ്തു​ക്ക​ൾ സ്ഫോ​ട​ന​ത്തി​ൽ ന​ശി​ച്ചു. ഭ​ക്ഷ്യ​സു​ര​ക്ഷാ പ്ര​ശ്ന​ത്തി​ലേ​ക്ക് ഇ​തു വ​ഴി​തെ​ളി​ക്കു​മോ​യെ​ന്ന ആ​ശ​ങ്ക ഉ​യ​ർ​ന്നു.

ഇ​സ്ര​യേ​ൽ ഉ​ൾ​പ്പെ​ടെ നി​ര​വ​ധി വി​ദേ​ശ​രാ​ജ്യ​ങ്ങ​ൾ ല​ബ​ന​ന് സ​ഹാ​യം വാ​ഗ്ദാ​നം ചെ​യ്തി​ട്ടു​ണ്ട്. ഫ്ര​ഞ്ച് പ്ര​സി​ഡ​ന്‍റ് മ​ക്രോ​ൺ ഇ​ന്ന് ബെ​യ്റൂ​ട്ട് സ​ന്ദ​ർ​ശി​ക്കും.

ഫ്രാ​ൻ​സി​സ് മാ​ർ​പാ​പ്പ അ​പ​ക​ട​ത്തി​ൽ അ​തി​യാ​യ ദുഃ​ഖം രേ​ഖ​പ്പെ​ടു​ത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.