കോശങ്ങളെ ആക്രമിക്കാൻ കൊറോണ വൈറസ് ഉപയോഗിക്കുന്ന കാർബോഹൈഡ്രേറ്റ് തന്മാത്ര കണ്ടെത്തി : Deepika.com International News |

Click here for detailed news of all items

കോശങ്ങളെ ആക്രമിക്കാൻ കൊറോണ വൈറസ് ഉപയോഗിക്കുന്ന കാർബോഹൈഡ്രേറ്റ് തന്മാത്ര കണ്ടെത്തി

Wednesday, September 16, 2020 10:52 PM IST

ലോസ്ആഞ്ചലസ്: മനുഷ്യകോശങ്ങളെ ആക്രമിക്കാൻ നോവൽ കൊറോണവൈറസ് ഉപയോഗപ്പെടുത്തുന്ന കാർബോഹൈഡ്രേറ്റ് തന്മാത്ര ഹെപ്പാരൻ സൾഫേറ്റ് ശാസ്ത്രജ്ഞർ കണ്ടെത്തി.

ശ്വാസകോശത്തിന്‍റെ പുറംപാളിയിൽ വാതിൽപ്പിടിയായി പ്രവർത്തിക്കുന്ന എസിഇ2ലൂടെ കൊറോണ വൈറസ്(സാർസ് കോവ്-2) ശ്വാസകോശത്തിൽ അണുബാധയുണ്ടാക്കുന്നു. ഹെപ്പാരൻ സൾഫേറ്റ് ഇല്ലാതെ കൊറോണവൈറസിന് എസിഇ2 ആക്രമിക്കാൻ സാധിക്കില്ല. ശ്വാസകോശത്തിന്‍റെ പുറത്തുകാണുന്ന ഹെപ്പാരൻ സൾഫേറ്റാണ് വൈറസുമായി ആദ്യപ്രതിപ്രവർത്തനം നടത്തുന്നതെന്നു സെൽ എന്ന ജേർണലിൽ പ്രസിദ്ധീകരിച്ച പഠനത്തിൽ പറയുന്നു.

എസിഇ2 ഈ കഥയിലെ ഒരു ചെറിയ ഭാഗം മാത്രമാണെന്ന് യൂണിവേഴ്സിറ്റി ഓഫ് കലിഫോർണിയയിലെ സാൻ ഡിഗോ സ്കൂൾ ഓഫ് മെഡിസിനിലെ ജെഫ്റി എസ്കോ പറഞ്ഞു. മനുഷ്യ കോശങ്ങളെ ആക്രമിക്കാനുള്ള സാർസ്-കോവ്-2 വൈറസിന്‍റെ ശേഷി കുറയ്ക്കുന്ന രണ്ട് പരീക്ഷണരീതികളും ഗവേഷകർ കണ്ടെത്തി. ഹെപ്പാരൻ സൾഫേറ്റിനെ എൻസൈമുകളുടെ സഹായത്തോടെ നീക്കം ചെയ്യുന്നതും ഹെപ്പാരിയൻ (ഹെപ്പാരൻ സർഫേറ്റിന്‍റെ മറ്റൊരു രൂപം) ഉപയോഗിച്ച് വൈറസിനെ തുരത്തുന്നതുമാണ് ഇവ. ഹെപ്പാരിയനുമായി പ്രവർത്തിക്കുന്ന സാർസ്-കോവ്-2 വിലെ സ്പൈക്ക് പ്രോട്ടീൻ ഗവേഷകർ വേർതിരിച്ചെടുത്തിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.