പാരീസിൽ കൊല്ലപ്പെട്ട അധ്യാപകനു രാജ്യം വിടചൊല്ലി
Thursday, October 22, 2020 11:37 PM IST
പാ​രീ​സ്: ക​ഴി​ഞ്ഞ വെ​ള്ളി​യാ​ഴ്ച ഇ​സ്‌​ലാ​മിക തീ​വ്ര​വാ​ദി ക​ഴു​ത്ത​റത്തു​കൊ​ന്ന അ​ധ്യാ​പ​ക​ൻ സാ​മു​വ​ൽ പാ​റ്റി​ക്ക് ഇ​ന്ന​ലെ പാ​രീ​സി​ൽ ഫ്ര​ഞ്ച് ജ​ന​ത അ​ന്ത്യോ​പ​ചാ​ര​മ​ർ​പ്പി​ച്ചു. സോ​ർ​ബോ​ൺ സ​ർ​വ​ക​ലാ​ശാ​ല​യു​ടെ മു​ന്പി​ലു​ള്ള വി​ശാ​ല​മാ​യ ച​ത്വ​ര​ത്തി​ൽ ന​ട​ന്ന ച​ട​ങ്ങി​ൽ പ്ര​സി​ഡ​ന്‍റ് ഇ​മ്മാ​നു​വ​ൽ മ​ക്രോ​ൺ ഉ​ൾ​പ്പെ​ടെ​യു​ള്ള ദേ​ശീ​യ നേ​താ​ക്ക​ൾ പ​ങ്കെ​ടു​ത്തു.​

തീ​വ്ര​വാ​ദ​ത്തി​നെ​തി​രെയു​ള്ള സ​മ​രം ഫ്ര​ഞ്ച് ജ​ന​ത മു​ന്പോ​ട്ടു​ കൊ​ണ്ടു​പോ​കു​മെ​ന്നു മ​ക്രോ​ൺ ത​ന്‍റെ പ്ര​സം​ഗ​ത്തി​ൽ പ്ര​തി​ജ്ഞ ചെ​യ്തു. “സാ​മു​വ​ൽ പാ​റ്റി മൂ​ഢ​ത്വ​ത്തി​ന്‍റെ​യും നു​ണ​യു​ടെ​യും വെ​റു​പ്പി​ന്‍റെ​യും ഫ​ല​മാ​യി ഉ​ണ്ടാ​യ ഗൂ​ഢാ​ലോ​ച​ന​യു​ടെ ഇ​ര​യാ​യി​രു​ന്നു. നാം ​എ​ന്താ​യി​രി​ക്കു​ന്നു​വോ അ​തി​നോ​ടു​ള്ള വെ​റു​പ്പി​ന്‍റെ ഇ​ര. ക​ഴി​ഞ്ഞ വെ​ള്ളി​യാ​ഴ്ച അ​ദ്ദേ​ഹം റി​പ്പ​ബ്ലി​ക്കി​ന്‍റെ മു​ഖ​മാ​യി​ത്തീ​ർ​ന്നു”: അ​ദ്ദേ​ഹം പ​റ​ഞ്ഞു.​


അ​ധ്യാ​പ​ക​രോ​ട് അ​ദ്ദേ​ഹം തു​ട​ർ​ന്നു പ​റ​ഞ്ഞു. “ഓ​രോ വി​ദ്യാ​ല​യ​ത്തി​ലും അ​ധ്യാ​പ​ക​ന്‍റെ സ്ഥാ​ന​വും അ​ധി​കാ​ര​വും നി​ങ്ങ​ൾ​ക്കു തി​രി​ച്ചു​ത​രും. ഞ​ങ്ങ​ൾ നി​ങ്ങ​ളെ പ​രി​ശീ​ലി​പ്പി​ക്കു​ക​യും സം​ര​ക്ഷി​ക്കു​ക​യും നി​ങ്ങ​ൾ​ക്കു പി​ന്തു​ണ ന​ൽ​കു​ക​യും ചെ​യ്യും; വി​ദ്യാ​ല​യ​ത്തി​ലും പു​റ​ത്തും.”ആ​യി​ര​ക്ക​ണ​ക്കി​നാ​ളു​ക​ളാ​ണ് ച​ട​ങ്ങി​ൽ പ​ങ്കെ​ടു​ത്ത് സാ​മു​വ​ൽ പാ​റ്റി​ക്ക് അ​ന്ത്യാ​ഞ്ജ​ലി അ​ർ​പ്പി​ച്ച​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.