അ​ഫ്ഗാ​നു​മാ​യു​ള്ള അ​തി​ർ​ത്തി​യി​ലെ വേ​ലി നി​ർ​മാ​ണം ജൂ​ണ്‍ അ​വ​സാ​നം പൂ​ർ​ത്തി​യാ​ക്കും: പാ​ക്കി​സ്ഥാ​ൻ
അ​ഫ്ഗാ​നു​മാ​യു​ള്ള അ​തി​ർ​ത്തി​യി​ലെ വേ​ലി നി​ർ​മാ​ണം ജൂ​ണ്‍ അ​വ​സാ​നം പൂ​ർ​ത്തി​യാ​ക്കും: പാ​ക്കി​സ്ഥാ​ൻ
Monday, June 21, 2021 12:26 AM IST
ഇ​സ്ലാ​മാ​ബാ​ദ്: അ​ഫ്ഗാ​നി​സ്ഥാ​നു​മാ​യു​ള്ള 2640 കി​ലോ​മീ​റ്റ​ർ നീ​ള​മു​ള്ള അ​തി​ർ​ത്തി​യി​ൽ വേ​ലി നി​ർ​മാ​ണം ജൂ​ണ്‍ അ​വ​സാ​ന​ത്തോ​ടെ പൂ​ർ​ത്തി​യാ​ക്കു​മെ​ന്ന് പാ​ക് ആ​ഭ്യ​ന്ത​ര​മ​ന്ത്രി ഷേ​ഖ് റ​ഷീ​ദ് അ​ഹ​മ്മ​ദ്. 2017 മാ​ർ​ച്ചി​ലാ​ണ് പാ​ക്കി​സ്ഥാ​ൻ അ​തി​ർ​ത്തി​വേ​ലി നി​ർ​മാ​ണം ആ​രം​ഭി​ച്ച​ത്. 88 ശ​ത​മാ​നം നി​ർ​മാ​ണ​വും പൂ​ർ​ത്തി​യാ​യെ​ന്നു മ​ന്ത്രി ദേ​ശീ​യ അ​സം​ബ്ലി​യെ അ​റി​യി​ച്ച​താ​യി ഡോ​ണ്‍ ദി​ന​പ​ത്രം റി​പ്പോ​ർ​ട്ട് ചെ​യ്തു.

അ​തി​ർ​ത്തി​നി​ർ​ണ​യി​ച്ചി​ട്ടു​ള്ള​തു മ​ല​മ​ട​ക്കു​ക​ളി​ലൂ​ടെ​യും മ​റ്റു​മാ​യ​തി​നാ​ൽ പ​ല​യി​ട​ത്തും ഇ​രു​രാ​ജ്യ​ങ്ങ​ളും ത​മ്മി​ൽ ത​ർ​ക്കം നി​ല​നി​ൽ​ക്കു​ന്നു​ണ്ട്. 1896 ൽ ​ബ്രി​ട്ടീ​ഷു​കാ​രാ​ണ് ഡ്യൂ​റാ​ൻ​ഡ് ലൈ​ൻ നി​ർ​ണ​യി​ച്ച​ത്. ത​ർ​ക്ക​പ്ര​ദേ​ശ​മാ​യ​തി​നാ​ൽ പാ​ക്കി​സ്ഥാ​ന് അ​തി​ർ​ത്തി​വേ​ലി നി​ർ​മി​ക്കാ​നാ​വി​ല്ലെ​ന്നാ​ണ് അ​ഫ്ഗാ​ൻ നി​ല​പാ​ട്. ഇ​തി​നി​ടെ, ആ​യി​ര​ത്തോ​ളം ചെ​ക്പോ​സ്റ്റു​ക​ൾ പാ​ക്കി​സ്ഥാ​ൻ നി​ർ​മി​ച്ചു. ഇ​ൻ​ഫ്രാ​റെ​ഡ് നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചു.


അ​ഫ്ഗാ​ൻ-​പാ​ക്കി​സ്ഥാ​ൻ അ​തി​ർ​ത്തി​വ​ഴി​യു​ള്ള സ​ഞ്ചാ​രം 16 ഇ​ട​ങ്ങ​ളി​ലൂ​ടെ​യാ​ക്കി. ര​ണ്ടു മീ​റ്റ​ർ അ​ക​ല​ത്തി​ൽ ര​ണ്ടു ജോ​ടി ച​ങ്ങ​ല​ക​ൾ​കൊ​ണ്ടാ​ണ് വേ​ലി നി​ർ​മി​ച്ചി​ട്ടു​ള്ള​ത്. പാ​ക്കി​സ്ഥാ​നി​ൽ​നി​ന്ന് 3.6 മീ​റ്റ​റും അ​ഫ്ഗാ​നി​ൽ​നി​ന്ന് 4 മീ​റ്റ​ർ ഉ​യ​ര​വു​മു​ണ്ട്. യു​എ​സ് സൈ​ന്യം സെ​പ്റ്റം​ബ​റോ​ടെ പി​ന്മാ​റു​ന്ന​തോ​ടെ അ​ഫ്ഗാ​നി​സ്ഥാ​നി​ൽ അ​നി​ശ്ചി​ത​ത്വ​മാ​കു​മെ​ന്നാ​ണു വി​ല​യി​രു​ത്ത​ൽ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.