വാവേ മേധാവി മെംഗ് വാൻചൗവിന്‍റെ മോചനത്തിന് ഒത്തുതീർപ്പ് ധാരണ
വാവേ മേധാവി മെംഗ് വാൻചൗവിന്‍റെ  മോചനത്തിന് ഒത്തുതീർപ്പ് ധാരണ
Saturday, September 25, 2021 12:14 AM IST
ന്യൂ​യോ​ർ​ക്ക്: യു​എ​സി​ന്‍റെ വാ​റ​ന്‍റ് പ്ര​കാ​രം കാ​ന​ഡ മൂ​ന്നു വ​ർ​ഷം മു​ന്പ് അ​റ​സ്റ്റ് ചെ​യ്ത ചൈ​ന​യി​ലെ വാ​വേ ക​ന്പ​നി​യു​ടെ ധ​ന​കാ​ര്യ​വി​ഭാ​ഗം മേ​ധാ​വി മെം​ഗ് വാൻചൗ സ്വ​ത​ന്ത്ര​യാ​കു​മെ​ന്ന് റി​പ്പോ​ർ​ട്ട്.

യു​എ​സ് പ്രോ​സി​ക്യൂ​ഷ​ൻ‌ വ​കു​പ്പും മെം​ഗും ത​മ്മി​ലു​ണ്ടാ​ക്കി​യ ഒ​ത്തു​തീ​ർ​പ്പു ധാ​ര​ണ​യു​ടെ ഭാ​ഗ​മാ​യി​ട്ടാ​ണി​ത്. വാ​ൻ​കൂ​വ​റി​ൽ ജാ​മ്യ​ത്തി​ൽ ക​ഴി​യു​ന്ന മെം​ഗ് ഇ​ന്ന​ലെ വീ​ഡി​യോ ലി​ങ്കി​ലൂ​ടെ യു​എ​സ് കോ​ട​തി​യി​ൽ ഹാ​ജ​രാ​യി. കോ​ട​തി കു​റ്റ​വി​മു​ക്ത​യാ​ക്കു​ന്ന​തോ​ടെ മെം​ഗി​ന് കാ​ന​ഡ​യി​ൽ​നി​ന്നു ചൈ​ന​യി​ലേ​ക്കു മ​ട​ങ്ങാം.

ഇ​റാ​നെ​തി​രേ​യു​ള്ള ഉ​പ​രോ​ധം ലം​ഘി​ച്ചു ബാ​ങ്കി​ട​പാ​ടു​ക​ൾ ന​ട​ത്തി​യെ​ന്ന ആ​രോ​പ​ണ​ത്തി​ലാ​ണ് അ​മേ​രി​ക്ക​യു​ടെ നി​ർ​ദേ​ശ​പ്ര​കാ​രം ക​നേ​ഡി​യ​ൻ പോ​ലീ​സ് ഇ​വ​രെ വാ​ൻ​കൂ​വ​ർ വി​മാ​ന​ത്താ​വ​ള​ത്തി​ൽ​നി​ന്ന് 2018 ഡി​സം​ബ​റി​ൽ അ​റ​സ്റ്റ് ചെ​യ്ത​ത്. കോ​ട​തി വ​ഴി മെം​ഗി​നെ വി​ട്ടു​കി​ട്ടാ​ൻ യുഎസ് ശ്രമിച്ചിരുന്നു.


വാ​വേ സ്ഥാ​പ​ക​ന്‍റെ മ​ക​ൾ​കൂ​ടി​യാ​യ മെം​ഗി​ന്‍റെ അ​റ​സ്റ്റ് അ​മേ​രി​ക്ക, കാ​ന​ഡ രാ​ജ്യ​ങ്ങ​ളു​മാ​യു​ള്ള ചൈ​ന​യു​ടെ ബ​ന്ധം മോ​ശ​മാ​ക്കി​യി​രു​ന്നു. പ്ര​തി​കാ​ര​മാ​യി ചൈ​ന അ​റ​സ്റ്റ് ചെ​യ്ത ര​ണ്ടു ക​നേ​ഡി​യ​ൻ പൗ​ര​ന്മാ​രു​ടെ മോ​ച​നം ഒ​ത്തു​തീ​ർ​പ്പു ധാ​ര​ണ​യു​ടെ ഭാ​ഗ​മാ​യി ഉ​ണ്ടാ​യേ​ക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.