ഭീകരതാ സൂചിക പാക്കിസ്ഥാൻ ഒന്നാമത് : Deepika.com International News |

Click here for detailed news of all items

ഭീകരതാ സൂചിക പാക്കിസ്ഥാൻ ഒന്നാമത്

Friday, March 17, 2023 2:32 AM IST

സിഡ്‌നി:ലോകത്തില്‍ ഏറ്റവും വേഗത്തില്‍ വളരുന്ന ഭീകരസംഘം പാക്കിസ്ഥാന്‍ കേന്ദ്രമായി പ്രവര്‍ത്തിക്കുന്ന ബലൂചിസ്ഥാന്‍ ലിബറേഷന്‍ ആര്‍മിയെന്ന് (ബിഎല്‍എ) ആഗോള ഭീകരതാ സൂചിക.

ഭീകരപ്രവര്‍ത്തനങ്ങളുമായി ബന്ധപ്പെട്ട മരണത്തില്‍ പാക്കിസ്ഥാനില്‍ 120 ശതമാനത്തിന്‍റെ വര്‍ധനയാണെന്നും ഓസ്‌ട്രേലിയയിലെ ഇന്‍സ്റ്റിറ്റ്യൂട്ട് ഫോര്‍ ഇക്കണോമിക്‌സ് ആന്‍ഡ് പീസ് പുറത്തുവിട്ട റിപ്പോര്‍ട്ടില്‍ പറയുന്നു.

ലോകത്ത് ഏറ്റവും കൂടുതല്‍ ഭീകരപ്രവര്‍ത്തകരുള്ളത് അഫ്ഗാനിസ്ഥാനുമായി അതിര്‍ത്തി പങ്കിടുന്ന പാക് മേഖലകളിലാണ്. ആഗോളതലത്തിലുള്ള ഭീകരാക്രമണങ്ങളില്‍ 63 ശതമാനവും മരണത്തില്‍ 74 ശതമാനവും ഇവിടെയാണ്.തെക്കന്‍ ഏഷ്യയില്‍ ഏറ്റവുംകൂടുതല്‍ ഭീകരാക്രമണമുള്ള രാജ്യമെന്ന ദുഷ്‌പേര് അഫ്ഗാനിസ്ഥാനെ മറികടന്ന് പാക്കിസ്ഥാന്‍ സ്വന്തമാക്കിക്കഴിഞ്ഞു. ഇവിടെ നടക്കുന്ന ഭീകരാക്രമണ മരണങ്ങളുടെ 36 ശതമാനവും ബിഎല്‍എയിലൂടെയാണ്.

കഴിഞ്ഞവര്‍ഷത്തേതുമായി താരതമ്യപ്പെടുത്തുമ്പോള്‍ ഒമ്പതുശതമാനത്തിന്‍റെ വര്‍ധനയാണിത്. പാക്കിസ്ഥാന്‍ താലിബാന്‍ എന്നറിയപ്പെടുന്ന തെഹ്‌രീക് ഇ താലിബാനെ മറികടന്നാണ് ബിഎല്‍എ വളരുന്നതെന്നും റിപ്പോര്‍ട്ട് പറയുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.