ശക്തരായ അയൽക്കാർ തമ്മിലുള്ള ചർച്ച: ഷീ : Deepika.com International News |

Click here for detailed news of all items

ശക്തരായ അയൽക്കാർ തമ്മിലുള്ള ചർച്ച: ഷീ

Wednesday, March 22, 2023 12:12 AM IST

മോസ്കോ: രണ്ടു ശക്തരായ അയൽക്കാർ തമ്മിലുള്ള ചർച്ചയാണു മോസ്കോയിൽ നടക്കുന്നതെന്നും റഷ്യൻ പ്രസിഡന്‍റ് വ്ലാദിമർ പുടിനെ ചൈന സന്ദർശിക്കാൻ ക്ഷണിക്കുമെന്നും റഷ്യ സന്ദർശിക്കുന്ന ചൈനീസ് പ്രസിഡന്‍റ് ഷീചിൻപിംഗ് പറഞ്ഞു.

മൂന്നു ദിവസത്തെ റഷ്യൻ സന്ദർശനം നടത്തുന്ന ഷി ചിൻപിംഗും റഷ്യൻ പ്രസിഡന്‍റ് പുടിനും യുക്രെയ്ൻ അധിനിവേശത്തെ സംബന്ധിച്ച് ഇന്നലെ ചർച്ച നടത്തി. യുക്രെയ്ൻ യുദ്ധത്തിനുശേഷമുള്ള റഷ്യ-ചൈന വ്യാപരബന്ധത്തെക്കുറിച്ച് ഇരു നേതാക്കളും ചർച്ച ചെയ്തു.

റഷ്യയുമായി എല്ലാമേഖലകളിലുള്ള നയതന്ത്ര ബന്ധം ശക്തിപ്പെടുത്തുകയാണു ലക്ഷ്യമെന്നു ഷീ ചിൻപിംഗ് ചർച്ചയ്ക്കുശേഷം വെളിപ്പെടുത്തി.

തിങ്കളാഴ്ച ഷിയും പുടിനും നാലര മണിക്കൂർ ചർച്ച നടത്തി. ചർച്ചയിൽ യുക്രെയ്ൻ പ്രതിസന്ധി മറികടക്കാനുള്ള ചൈനീസ് നിർദേശത്തെക്കുറിച്ച് ഇരു നേതാക്കളും ചർച്ച നടത്തി. ഇരു രാജ്യങ്ങളും തമ്മിലുള്ള വ്യാപാര, സൈനിക സഹകരണം ശക്തിപ്പെടുത്തുന്നതുസംബന്ധിച്ചും ഇരുനേതാക്കളും ചർച്ച ചെയ്തു.

ജാപ്പനീസ് പ്രധാനമന്ത്രി യുക്രെയ്നിൽ

കീവ്: ജാപ്പനീസ് പ്രധാനമന്ത്രി ഫുമിയോ കിഷിഡ യുക്രെയ്നിൽ അപ്രതീക്ഷിത സന്ദർശനം നടത്തി. ചൈനീസ് പ്രസിഡന്‍റ് ഷീ ചിൻപിംഗ് റഷ്യയിൽ മൂന്നു ദിവസ സന്ദർശനം നടത്തുന്നതിനിടെയാണ് ജാപ്പനീസ് പ്രധാനമന്ത്രിയുടെ കീവ് സന്ദർശനം.

കീവിലെ സെൻട്രൽ സ്റ്റേഡിയത്തിൽ കിഷിഡയ്ക്കു സ്വീകരണം നൽകുന്ന വീഡിയോ ജാപ്പനീസ് ദേശീയമാധ്യമായ എൻഎച്ച്കെയിലൂടെ സംപ്രേഷണം ചെയ്തു. വ്യാഴാഴ്ച പോളണ്ടിലെത്തി പ്രസിഡന്‍റ് ആൻഡ്രേസ് ഡ്യൂഡയുമായി കിഷിഡ ചർച്ച നടത്തും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.