നാസി പോലീസുകാരന് ആദരം: മാപ്പുചോദിച്ച് കനേഡിയൻ സ്പീക്കർ
Tuesday, September 26, 2023 3:39 AM IST
ഒട്ടാവ: രണ്ടാം ലോകമഹായുദ്ധകാലത്ത് നാസി പോലീസുകാരനായിരുന്ന യുക്രെയിൻ വംശജനെ പാർലമെന്റിൽ ആദരിച്ച സംഭവത്തിൽ കനേഡിയൻ സ്പീക്കർ ആന്റണി റോട്ട മാപ്പു ചോദിച്ചു. യുക്രെയ്ൻ പ്രസിഡന്റ് സെലൻസികയുടെ കനേഡിയൻ സന്ദർശനവേളയിലുണ്ടായ സംഭവത്തിൽ യഹൂദർ വലിയ വിമർശനം ഉന്നയിച്ചിരുന്നു.
യുറോസ്ലാവ് ഹൻക എന്ന തൊണ്ണൂറ്റെട്ടുകാരനാണ് ആദരിക്കപ്പെട്ടത്. ഇദ്ദേഹത്തെക്കുറിച്ച് കൂടുതൽ അറിവില്ലാതിരുന്നതാണ് സംഭവത്തിനു കാരണമെന്നു പറഞ്ഞ സ്പീക്കർ യഹൂദരോടു മാപ്പു ചോദിക്കുകയായിരുന്നു.