ലഷ്കർ ഭീകരൻ മുഫ്തി ഖൈസർ ഫാറൂഖ് കറാച്ചിയിൽ കൊല്ലപ്പെട്ടു
Monday, October 2, 2023 12:57 AM IST
കറാച്ചി: മുംബൈ ഭീകരാക്രമണത്തിന്റെ മുഖ്യ സൂത്രധാരൻ ഹാഫീസ് സയീദിന്റെ ഉറ്റ അനുയായിയും ലഷ്കർ-ഇ-തൊയ്ബ നേതാവുമായ മുഫ്തി ഖൈസർ ഫാറൂഖ്(30) പാക്കിസ്ഥാനിലെ കറാച്ചിയിൽ കൊല്ലപ്പെട്ടു.
അജ്ഞാതസംഘം ഫാറൂഖിനെ വെടിവച്ചു കൊല്ലുകയായിരുന്നു. കറാച്ചിയിലെ സമാനാബാദ് മേഖലയിലായിരുന്നു സംഭവം. ശരീരത്തിന്റെ പിൻഭാഗത്തു വെടിയേറ്റ ഫാറൂഖിനെ ആശുപത്രിയിലെത്തിച്ചെങ്കിലും മരിച്ചു. ആക്രമണത്തിനിടെ പത്തുവയസുള്ള ആണ്കുട്ടിക്കു പരിക്കേറ്റു.