ആ ഗ്രൂപ്പിൽ നമ്മളില്ലേ...ഗ്രൂപ്പിൽ ചേർക്കുന്നതിൽനിന്നു ചിലരെ മാത്രം വിലക്കാൻ പുതിയ സംവിധാനം : Deepika.com Business News |

Click here for detailed news of all items

ആ ഗ്രൂപ്പിൽ നമ്മളില്ലേ...ഗ്രൂപ്പിൽ ചേർക്കുന്നതിൽനിന്നു ചിലരെ മാത്രം വിലക്കാൻ പുതിയ സംവിധാനം

Thursday, November 7, 2019 12:27 AM IST

ഡോ താൻ ആരോടു ചോദിച്ചിട്ടാ എന്നെ ഗ്രൂപ്പിൽ ചേർത്തത്? അനുവാദമില്ലാതെ വാട്സ് ആപ് ഗ്രൂപ്പിൽ ചേർത്തതിന് ഇങ്ങനെ വഴക്കിട്ടു മടുത്തവർ ഏറെ, ഏറെപ്പേരുടെ ഈ വിധമുള്ള ബുദ്ധിമുട്ടുകൾക്കു പരിഹാരമായിരിക്കുന്നു. ആർക്കൊക്കെ തങ്ങളെ ഗ്രൂപ്പിൽ ചേർക്കാമെന്നും ക്ഷണിക്കാമെന്നും ഉപയോക്താവിനു തീരുമാനിക്കാൻ അധികാരം നൽകുന്ന പുതിയ പ്രൈവസി സംവിധാനം വാട്സ് ആപ്പിലെത്തിയിരിക്കുന്നു. ആവശ്യമില്ലാത്ത ഗ്രൂപ്പുകളിലേക്കു നമ്മെ ക്ഷണിക്കുന്നവരെ പ്രത്യേകമായി തെരഞ്ഞുപിടിച്ചു വിലക്കാൻ കഴിയുന്നതാണ് ഈ സംവിധാനം.

ഗ്രൂപ്പിൽ ആഡ് ചെയ്യുന്നതിൽനിന്നു ചിലരെ മാത്രം ബ്ലോക്ക് ചെയ്യാവുന്ന “മൈ കോണ്‍ടാക്സ് എക്സപ്റ്റ്’’ ഓപ്ഷനാണ് വാട്സ് ആപ് പുതുതായി എത്തിച്ചിരിക്കുന്നത്. നേരത്തെ എവരിവണ്‍, മൈ കോണ്‍ടാക്സ്, നോബഡി എന്നിങ്ങനെ മൂന്നു ഓപ്ഷനുകളാണുണ്ടായിരുന്നത്. എന്നാൽ, കോണ്‍ടാക്ടിലുളളവരിൽ ചിലരെ ഗ്രൂപ്പിൽ ചേർക്കുന്നതിൽനിന്നു വിലക്കാൻ ഈ മൂന്നു ഓപ്ഷനുകളിലും സംവിധാനമില്ലാത്തതു വലിയ പരാതിക്കു കാരണമായിരുന്നു. ഈ സാഹചര്യത്തിലാണ് നോബഡി ഫീച്ചറിനു പകരമായി മൈ കോണ്‍ടാക്സ് എക്സപ്റ്റ് ഓപ്ഷൻ കന്പനി അവതരിപ്പിച്ചിരിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.