മൂന്നുമാസത്തെ നഷ്ടം അരലക്ഷംകോടി രൂപ
Friday, November 15, 2019 12:14 AM IST
മും​ബൈ: ടെ​ലി​കോം ക​ന്പ​നി​ക​ളു​ടെ വ​രു​മാ​നം സം​ബ​ന്ധി​ച്ച സു​പ്രീം​കോ​ട​തി വി​ധി​യെ​ത്തു​ട​ർ​ന്നു വോ​ഡ​ഫോ​ൺ ഐ​ഡി​യ​യും ഭാ​ര​തി എ​യ​ർ​ടെ​ലും അ​തി​ഭീ​മ​മാ​യ ന​ഷ്ടം രേ​ഖ​പ്പെ​ടു​ത്തി.
സെ​പ്റ്റം​ബ​റി​ല​വ​സാ​നി​ച്ച ത്രൈ​മാ​സ​ത്തി​ൽ വോ​ഡ​ഫോ​ൺ ഐ​ഡി​യ​യ്ക്ക് 50,921 കോ​ടി രൂ​പ​യും ഭാ​ര​തി എ​യ​ർ​ടെ​ലി​ന് 23,045 കോ​ടി രൂ​പ​യു​മാ​ണു ന​ഷ്ടം. ഇ​ത്ര​വ​ലി​യ ത്രൈ​മാ​സ​ന​ഷ്ടം ഇ​ന്ത്യ​യി​ൽ ഒ​രു ക​ന്പ​നി​ക്കും ഉ​ണ്ടാ​യി​ട്ടി​ല്ല.

2018 ഡി​സം​ബ​റി​ല​വ​സാ​നി​ച്ച ത്രൈ​മാ​സ​ത്തി​ൽ ടാ​റ്റാ മോ​ട്ടോ​ഴ്സ് 26,961 കോ​ടി​യു​ടെ ന​ഷ്ടം രേ​ഖ​പ്പെ​ടു​ത്തി​യി​രു​ന്നു. ഇ​പ്പോ​ൾ വോ​ഡ​ഫോ​ൺ അ​തി​നേ​ക്കാ​ൾ വ​ള​രെ കൂ​ടി​യ ന​ഷ്ടം കാ​ണി​ച്ചു.

ടെ​ലി​കോം ക​ന്പ​നി​ക​ളു​ടെ വ​രു​മാ​നം (അ​ഡ്ജ​സ്റ്റ​ഡ് ഗ്രോ​സ് റ​വ​ന്യു-​എ​ജി​ആ​ർ) സം​ബ​ന്ധി​ച്ച വി​ധി​യാ​ണ് ഇ​തി​നു കാ​ര​ണം. വ​രി​ക്കാ​ർ ന​ല്കു​ന്ന പ​ണ​ത്തി​നു​പു​റ​മേ പ​ര​സ്യ​ങ്ങ​ളാ​യും മ​റ്റി​ന​ത്തി​ലും ല​ഭി​ക്കു​ന്ന തു​ക​യും വ​രു​മാ​ന​ത്തി​ൽ പെ​ടു​ത്ത​ണ​മെ​ന്നാ​ണ് സു​പ്രീം​കോ​ട​തി വി​ധി. ഇ​തു​വ​ച്ചു ഗ​വ​ൺ​മെ​ന്‍റി​നു ന​ല്കാ​നു​ള്ള റ​വ​ന്യു വി​ഹി​ത​ത്തി​ലെ കു​ടി​ശി​ക​യും അ​തി​ന്‍റെ പ​ലി​ശ​യും പി​ഴ​യും എ​ല്ലാം​കൂ​ടി ടെ​ലി​കോം ക​ന്പ​നി​ക​ൾ മൊ​ത്തം 1.33 ല​ക്ഷം കോ​ടി രൂ​പ മൂ​ന്നു​മാ​സ​ത്തി​ന​കം ന​ല്ക​ണം. ഈ ​തു​ക അ​ട​യ്ക്കു​ന്ന​തി​നു സാ​വ​കാ​ശം ന​ല്കു​ക, പി​ഴ​യും പ​ലി​ശ​യും ഒ​ഴി​വാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചു ക​ന്പ​നി​ക​ൾ സ​ർ​ക്കാ​രി​നെ സ​മീ​പി​ച്ചി​ട്ടു​ണ്ട്. പ​ക്ഷേ കോ​ട​തി അ​നു​വ​ദി​ച്ചാ​ൽ മാ​ത്രം ഇ​ള​വ് എ​ന്നാ​ണു സ​ർ​ക്കാ​ർ നി​ല​പാ​ട്.

കോ​ട​തി ഇ​ള​വ​നു​വ​ദി​ച്ചി​ല്ലെ​ങ്കി​ൽ എ​യ​ർ​ടെ​ലും വോ​ഡ​ഫോ​ൺ ഐ​ഡി​യ​യും ഒ​ക്കെ ബു​ദ്ധി​മു​ട്ടി​ലാ​കും. ര​ണ്ടു ക​ന്പ​നി​ക​ളും​കൂ​ടി എ​ഴു​പ​തി​നാ​യി​രം കോ​ടി രൂ​പയിലേറെ ന​ല്കേ​ണ്ടി​വ​രും. പൊ​തു​മേ​ഖ​ലാ ക​ന്പ​നി​ക​ൾ​ക്കും ഗ​ണ്യ​മാ​യ ബാ​ധ്യ​ത വ​രും.


ഇ​ങ്ങ​നെ സ​ർ​ക്കാ​രി​നു ന​ല്കേ​ണ്ട​തി​ൽ 28,450 കോ​ടി രൂ​പ സെ​പ്റ്റം​ബ​റി​ൽ അ​വ​സാ​നി​ച്ച ത്രൈ​മാ​സ​ത്തി​ലെ ക​ണ​ക്കി​ൽ​പെ​ടു​ത്തി​യ​പ്പോ​ഴാ​ണ് എ​യ​ർ​ടെ​ലി​ന് വ​ലി​യ ന​ഷ്ടം രേ​ഖ​പ്പെ​ടു​ത്തേ​ണ്ടി​വ​ന്ന​ത്. കു​ടി​ശി​ക 6164 കോ​ടി രൂ​പ, പ​ലി​ശ 12,219 കോ​ടി രൂ​പ, പി​ഴ 3760 കോ​ടി രൂ​പ, പി​ഴ​യു​ടെ പ​ലി​ശ 6307 കോ​ടി രൂ​പ എ​ന്നി​ങ്ങ​നെ​യാ​ണു തു​ക​യു​ടെ വി​ഭ​ജ​നം. 1999 മു​ത​ലു​ള്ള​താ​ണു കു​ടി​ശി​ക. അ​തു​കൊ​ണ്ടാ​ണ് പ​ലി​ശ ഭീ​മ​മാ​യ​ത്.

സു​പ്രീം​കോ​ട​തി വി​ധി​മൂ​ലം 44,150 കോ​ടി രൂ​പ സ​ർ​ക്കാ​രി​നു ന​ല്കേ​ണ്ടി വ​രു​മെ​ന്നു വോ​ഡ​ഫോ​ൺ ഐ​ഡി​യ ക​ണ​ക്കാ​ക്കി. ഇ​തി​ൽ 25,680 കോ​ടി രൂ​പ സെ​പ്റ്റം​ബ​ർ ത്രൈ​മാ​സ​ത്തി​ലേ​ക്കു വ​ക​യി​രു​ത്തി​യ​പ്പോ​ഴാ​ണ് അ​തി​ഭീ​മ​മാ​യ ന​ഷ്ടം.

ബ്രി​ട്ടീ​ഷ് ക​ന്പ​നി​യാ​യ വോ​ഡ​ഫോ​ണും കു​മാ​ർ മം​ഗ​ളം ബി​ർ​ള ഗ്രൂ​പ്പും സം​യു​ക്ത​മാ​യി ന​ട​ത്തു​ന്ന​താ​ണു വോ​ഡ​ഫോ​ൺ ഐ​ഡി​യ. സു​നി​ൽ ഭാ​ര​തി മി​ത്ത​ൽ ന​യി​ക്കു​ന്ന ന​യി​ക്കു​ന്ന ഭാ​ര​തി എ​യ​ർ​ടെ​ൽ 34,260 കോ​ടി രൂ​പ​യു​ടെ ബാ​ധ്യ​ത​യാ​ണു കോ​ട​തി​വി​ധി​യു​ടെ ഫ​ല​മാ​യി ക​ണ​ക്കാ​ക്കു​ന്ന​ത്.

വോ​ഡ​ഫോ​ൺ ഐ​ഡി​യ​യു​ടെ ഓ​ഹ​രി​വി​ല ഇ​ന്ന​ലെ 21 ശ​ത​മാ​നം താ​ണു. ഗ​വ​ൺ​മെ​ന്‍റ് സ​ഹാ​യി​ച്ചി​ല്ലെ​ങ്കി​ൽ നി​ല​നി​ല്പ് ത​ന്നെ അ​പ​ക​ട​ത്തി​ലാ​ണെ​ന്ന് ഇ​രു​ക​ന്പ​നി​ക​ളും പ​റ​യു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.