അടിത്തറ ഭദ്രമാക്കി ഓഹരി സൂചിക
Monday, January 18, 2021 12:12 AM IST
ഓഹരി അവലോകനം / സോണിയ ഭാനു

ഓ​ഹ​രി സൂ​ചി​ക​യി​ലെ സാ​ങ്കേ​തി​ക തി​രു​ത്ത​ൽ ക​ണ്ട് കാ​ള​ക​ളും ക​ര​ടി​ക​ളും മ​ത്സ​രം ശ​ക്ത​മാ​ക്കു​ന്നു. ഇ​രു​കൂ​ട്ട​രും സ​ർ​വ​ശ​ക്തി​യു​മാ​യി ഈ​ വാ​രം രം​ഗ​ത്തി​റ​ങ്ങാ​നു​ള്ള സാ​ധ്യ​ത വി​പ​ണി ഉ​ഴു​തുമ​റി​ക്കാ​ൻ അ​വ​സ​രമൊരു​ക്കു​മെ​ന്ന​ത് അ​ടി​ത്ത​റ ശ​ക്ത​മാ​ക്കും. നീ​ണ്ട പ​തി​നൊ​ന്ന് ആ​ഴ്ച​ക​ളി​ൽ ത​ള​ർ​ച്ച​യ്ക്ക് അ​വ​സ​രം ന​ൽ​കാ​തെ കു​തി​ക്കു​ന്ന ബോം​ബെ സെ​ൻ​സെ​ക്സ് ച​രി​ത്ര​ത്തി​ലെ ഏ​റ്റ​വും ഉ​യ​ർ​ന്ന ത​ലം ദ​ർ​ശി​ച്ച ആ​വേ​ശ​ത്തി​ലാ​ണ്.

പ്ര​ാദേ​ശി​ക നി​ക്ഷേ​പ​ക​രു​ടെ​യും വി​ദേ​ശ ഫ​ണ്ടു​ക​ളു​ടെ​യും പി​ന്തു​ണ റെ​ക്കോ​ർ​ഡ് പ്ര​ക​ട​ന​ങ്ങ​ൾ​ക്കു വേ​ഗ​ത പ​ക​ർ​ന്നു. സെ​ൻ​സെ​ക്സ് 49,795.19 വ​രെ​യും നി​ഫ്റ്റി 14,653.35 വ​രെ​യും ക​യ​റി റെ​ക്കോ​ർ​ഡ് സ്ഥാ​പി​ച്ചു.

സെ​ൻ​സെ​ക്സ് ഈ​ വാ​രം 50,000 ലേ​ക്ക് പ്ര​വേ​ശി​ക്കു​മോ​യെ​ന്ന് ഉ​റ്റുനോ​ക്കു​ക​യാ​ണ് നി​ക്ഷേ​പ​ക​ർ. സൂ​ചി​ക​യ്ക്ക് ഈ ​മാ​ന്ത്രി​കവ​ല​യ​ത്തി​ലേ​ക്ക് ഉ​യ​രാ​ൻ വേ​ണ്ട ക​രു​ത്തു​ണ്ടെ​ങ്കി​ലും അ​തി​നു​ള്ള അ​വ​സ​രം വി​ൽ​പ്പ​ന​ക്കാ​ർ ന​ൽ​ക്കു​മോ​യെ​ന്ന ആ​ശ​ങ്ക നി​ല​നി​ൽ​ക്കു​ന്നു. ര​ണ്ടുമാ​സ​മാ​യി ബു​ള്ളി​ഷ് മൂ​ഡി​ലാ​ണ്.

സൂ​ചി​ക​യി​ൽ നാ​ല്-അ​ഞ്ച് ശ​ത​മാ​നം തി​രു​ത്ത​ലി​ന് അ​വ​സ​ര​മു​ണ്ടാ​യാ​ൽ വ​ർ​ഷ​ത്തിന്‍റെ ര​ണ്ടാം പ​കു​തി​യി​ൽ ഇ​ന്ത്യ​ൻ മാ​ർ​ക്ക​റ്റ് കൂ​ടു​ത​ൽ തി​ള​ങ്ങാം. ഈ​ വാ​രം 1000-1500 പോ​യി​ൻ​റ്റ് പു​ൾ​ബാ​ക്കി​ന് ശ്ര​മി​ച്ചാ​ൽ അ​ടു​ത്ത വാ​രം പ്രീ ​ബ​ജ​റ്റ് റാ​ലി പ്ര​തീ​ക്ഷി​ക്കാം. ബോം​ബെ സെ​ൻ​സെ​ക്സും നി​ഫ്റ്റി​യും വാ​രാ​ന്ത്യം ഒ​രു ക​ൺ​സോ​ളി​ഡേ​ഷ​നും മു​തി​രാം.

വി​ദേ​ശ ഓ​പ്പ​റേ​റ്റ​ർ​മാ​ർ മു​ൻനി​ര ഓ​ഹ​രി​ക​ളി​ൽ താ​ത്പ​ര്യം നി​ല​നി​ർ​ത്തി. അ​വ​രു​ടെ നി​ക്ഷേ​പ മ​നോ​ഭാ​വം ക​ണ​ക്കി​ലെ​ടു​ത്താ​ൽ സൂ​ചി​ക ഇ​നി​യും ഉ​യ​ര​ങ്ങ​ൾ കൈപ്പി​ടി​യി​ൽ ഒ​തു​ക്കു​മെ​ന്ന് വ്യ​ക്ത​മാ​ണ്. ജ​നു​വ​രി​യി​ൽ വി​ദേ​ശ ഫ​ണ്ടു​ക​ൾ 17,000 കോ​ടി രൂ​പ​യു​ടെ ഓ​ഹ​രി​ക​ൾ വാ​ങ്ങി. ആ​ഭ്യ​ന്ത​ര ഫ​ണ്ടു​ക​ൾ ഈ ​മാ​സം 12,000 കോ​ടി​യു​ടെ ഓ​ഹ​രി​ക​ൾ വി​റ്റു. 2020 ൽ ​വി​ദേ​ശ ഫ​ണ്ടു​ക​ൾ 1.6 ല​ക്ഷം കോ​ടി രൂ​പ ഇന്ത്യ​യി​ൽ ഇ​റ​ക്കി, ഇ​തി​ൽ വ​ലി​യൊരു പ​ങ്ക് ഒ​ക്ടോ​ബ​ർ-​ഡി​സം​ബ​റി​ലാ​യി​രു​ന്നു. നി​ഫ്റ്റി സൂ​ചി​ക ന​വം​ബ​റി​ന് ശേ​ഷം ഉ​യ​ർ​ന്ന​ത് 25 ശ​ത​മാ​ന​മാ​ണ്.

ഇ​ന്ത്യാ വോ​ളാ​റ്റി​ലി​റ്റി ഇ​ൻ​ഡ​ക്സ് അ​പാ​യ മേ​ഖ​ല​യി​ലേ​ക്ക് നീ​ങ്ങു​ന്ന​തി​നാ​ൽ നി​ക്ഷേ​പ​ക​ർ സൂ​ക്ഷ്മതയോ​ടെ മാ​ത്രം ഓ​ഹ​രി​ക​ൾ തി​ര​ഞ്ഞ​ടു​ക്കു​ക. സൂ​ചി​ക ക​ഴി​ഞ്ഞ​വാ​രം 16 ശ​ത​മാ​നം ഉ​യ​ർ​ന്ന് ര​ണ്ട് മാ​സ​ത്തി​ലെ ഏ​റ്റ​വും ഉ​യ​ർ​ന്ന നി​ല​വാ​ര​മാ​യ 24.01 ലെ​ത്തി. ഈ​ വാ​രം വോ​ളാ​റ്റി​ലി​റ്റി ഇ​ൻ​ഡ​ക്സ് 25നു ​മു​ക​ളി​ൽ എ​ത്തി​യാ​ൽ ജാ​ഗ്ര​ത​യോ​ടെ മാ​ത്രം പു​തി​യ ബാ​ധ്യ​ത​ക​ൾ എ​ടു​ക്കു​ന്ന​താ​വും അ​ഭി​കാ​മ്യം. വോ​ളാ​റ്റി​ലി​റ്റി സൂ​ചി​ക 28-30.57 ലേ​ക്ക് നീ​ങ്ങാ​ൻ സാ​ധ്യ​ത​യു​ണ്ട്. കേ​ന്ദ്ര ബ​ജ​റ്റ് പ്ര​ഖ്യാ​പ​നം ഫെ​ബ്രു​വ​രി ഒ​ന്നി​നാ​ണ്, തീയ​തി അ​ടു​ക്കു​ംതോ​റും ഊ​ഹ​ക്ക​ച്ച​വ​ട​കാ​രു​ടെ നീ​ക്ക​ങ്ങ​ൾ നി​ർ​ണാ​യ​ക​മാ​വും.


നി​ഫ്റ്റി 14,347ൽ ​നി​ന്ന് 14,474ലേ​ക്ക് കു​തി​ച്ചാ​ണ് ട്രേ​ഡി​ംഗി​ന് തു​ട​ക്കം കു​റി​ച്ച​ത്. വാ​ങ്ങ​ൽ താ​ത്​പ​ര്യ​ത്തി​ൽ 14,500 ലെ ​പ്ര​തി​രോ​ധം ത​ക​ർ​ത്ത് സൂ​ചി​ക 14,653 വ​രെ ഉ​യ​ർ​ന്ന​തോ​ടെ ഫ​ണ്ടു​ക​ൾ ലാ​ഭ​മെ​ടു​പ്പി​ന് ഉ​ത്സാ​ഹി​ച്ചു. ഇ​തി​നി​ടെ 14,357 വ​രെ താ​ഴ്ന്ന നി​ഫ്റ്റി ക്ലോ​സി​ംഗി​ൽ 14,433 പോ​യി​ന്‍റിലാ​ണ്. ഇ​ന്ന് നി​ഫ്റ്റി​ക്ക് 14,581 ൽ ​പ്ര​തി​രോ​ധ​മു​ണ്ട്, ഇ​ത് മ​റി​ക​ട​ക്കാ​നാ​യി​ല്ലെ​ങ്കി​ൽ 14,321-14,209 ലെ ​താ​ങ്ങി​ൽ സൂ​ചി​ക ബ​ല​പ​രീ​ക്ഷ​ണം ന​ട​ത്തും. അ​തേസ​മ​യം, ഈ​വാ​രം 14,309 ലെ ​ആ​ദ്യ താ​ങ്ങ് നി​ല​നി​ർ​ത്തി 14,605 ലേ​ക്കു മു​ന്നേ​റാ​നാ​വും നി​ഫ്റ്റി​യു​ടെ ശ്ര​മം. ഈ ​നീ​ക്കം വി​ജ​യി​ച്ചാ​ൽ സൂ​ചി​ക 14,777-15,073 റേ​ഞ്ചി​നെ ഉ​റ്റ്നോ​ക്കും. എ​ന്നാ​ൽ 14,309 ലെ ​സ​പ്പോ​ർ​ട്ട് ന​ഷ്ട​പ്പെ​ട്ടാ​ൽ 14,185-13,889 റേ​ഞ്ചി​ലേ​ക്കു വി​പ​ണി തി​രി​യാം.

നി​ഫ്റ്റി​യു​ടെ ഡെ​യ‌്‌ലി ചാ​ർ​ട്ടി​ൽ സൂ​പ്പ​ർ ട്രെന്‍റ്, പാ​രാ​ബോ​ളി​ക് എ​സ് എആ​ർ, എംഎസിഡി എ​ന്നി​വ ബു​ള്ളി​ഷാ​ണ്. അ​തേസ​മ​യം, മ​റ്റ് പ​ല ഇ​ൻ​ഡി​ക്കേ​റ്റ​റു​ക​ൾ ഓ​വ​ർബോ​ട്ടി​ൽ നി​ന്നു താ​ഴ്ന്നു.

ബോം​ബെ സെ​ൻ​സെ​ക്സ് 48,956-49,795 റേ​ഞ്ചി​ൽ നീ​ങ്ങി​യ ശേ​ഷം വാ​രാ​ന്ത്യം 49,034 പോ​യി​ൻ​റ്റി​ലാ​ണ്. സെ​ൻ​സെ​ക്സി​ന് 49,567 ലെ ​പ്ര​തി​രോ​ധ​ത്തി​നു മു​ക​ളി​ൽ ഇ​ന്നും നാ​ളെ​യും സ​ഞ്ച​രി​ക്കാ​നാ​യാ​ൽ ല​ക്ഷ്യം 50,100 പോ​യി​ന്‍റാ​യി മാ​റും. വി​ൽ​പ്പ​ന സ​മ്മ​ർ​ദത്തി​ൽ ആ​ടി ഉ​ല​ഞ്ഞാ​ൽ 48,728-48,422 ലേ​ക്കും തു​ട​ർ​ന്ന് 47,583 ലേ​ക്കും ത​ള​രാം. രൂ​പ​യു​ടെ മൂ​ല്യം 73.31 ൽ ​നി​ന്ന് 73.49 വ​രെ വാ​ര​മ​ധ്യം ഇ​ടി​ഞ്ഞെങ്കി​ലും ക്ലോ​സി​ംഗിൽ രൂ​പ 73.14ലേ​ക്ക് ശ​ക്തി​പ്രാ​പി​ച്ചു.

സ്വ​ർ​ണ​ത്തി​ൽ ശ​ക്ത​മാ​യ സാ​ങ്കേ​തി​ക തി​രു​ത്ത​ൽ. ഫ​ണ്ടു​ക​ൾ ലാ​ഭ​മെ​ടു​പ്പി​ന് കാ​ണി​ച്ച ഉ​ത്സാ​ഹം മ​ഞ്ഞ​ലോ​ഹ വി​ല 1862 ഡോ​ള​റി​ൽനി​ന്ന് 1824ലേ​ക്ക് ഇ​ടി​ഞ്ഞു, വാ​രാ​ന്ത്യം വി​ല 1828 ലാ​ണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.