നഷ്ടം പൂക്കുന്പോൾ!
നഷ്ടം പൂക്കുന്പോൾ!
Sunday, November 28, 2021 11:58 PM IST
ഓഹരി അവലോകനം/സോണിയ ഭാനു

ഓ​​ഹ​​രി​​സൂ​​ചി​​ക​​യി​​ലെ ​ത​​ക​​ർ​​ച്ച​ നി​​ക്ഷേ​​പ​​ക​​രെ​ ഞെ​​ട്ടി​​ച്ചു. വി​​ദേ​​ശ​ ഓ​​പ്പ​​റേ​​റ്റ​​ർ​​മാ​​രു​​ടെ​ മ​​ത്സ​​രി​​ച്ചു​​ള്ള​ വി​​ൽ​​പ്പ​​ന​ തി​​രി​​ച്ച​​ടി​​യാ​​യി.

പു​​തി​​യ​ വൈ​​റ​​സ് വ​​ക​​ഭേ​​ദം​ സ്ഥി​​തി​​ഗ​​തി​​ക​​ൾ കൂ​​ടു​​ത​​ൽ സ​​ങ്കീ​​ർ​​ണ​​മാ​​ക്കു​​മെ​​ന്ന​ ഭീ​​തി​​ വാ​​രാ​​ന്ത്യം​​ആ​​ഗോ​​ള ​ഓ​​ഹ​​രി​ ഇ​​ൻ​​ഡെ​​ക്സു​​ക​​ളെ ​പി​​ടി​​ച്ചു​ല​​ച്ചു. ബോം​​ബെ​ സെ​​ൻ​​സെ​​ക്സ് 2528 പോ​​യി​​ന്‍റും ​നി​​ഫ്റ്റി 738 പോ​​യി​ന്‍റും ഇ​​ടി​​ഞ്ഞു.​​സൂ​​ചി​​ക​​ക​​ൾ നാ​​ല് ശ​​ത​​മാ​​നം ​ത​​ള​​ർ​​ന്നു, ജ​​നു​​വ​​രി​​ക്കു ശേ​​ഷ​​മു​​ള്ള​ ഏ​​റ്റ​​വും​ ക​​ന​​ത്ത​​പ്ര​​തി​​വാ​​ര​ ന​​ഷ്ടം.

വാ​​രാ​​രം​​ഭ​​ത്തി​​ൽത​​ന്നെ​ ക​​ര​​ടി​​ക​​ൾ വി​​പ​​ണി​ നി​​യ​​ന്ത്ര​​ണം​ കൈ​​പ്പി​ടി​​യി​​ൽ ഒ​​തു​​ക്കി​​യ​​തു​ക​​ണ്ടു വ​​ൻ​​കി​​ട ​ബു​​ൾ ഓ​​പ്പ​​റേ​​റ്റ​​ർ​​മാ​​ർ ക​​രു​​ത​​ലോ​​ടെ​​യാ​​ണ് ഒ​​രോ​​നീ​​ക്ക​​വും ​ന​​ട​​ത്തി​​യ​​ത്.

ര​​ണ്ടാ​​ഴ്ച​യാ​​യി​ വി​​പ​​ണി​​യി​​ൽ ക​​ര​​ടി​​ക​​ൾ കൂ​​ട്ടം​​കൂ​​ടാ​​ൻ തു​​ട​​ങ്ങി​​യി​​ട്ട്.​ മാ​​സ​​മ​​ധ്യ​ത്തി​​ൽ​ത​​ന്നെ ​ഇ​​തേ​​കോ​​ള​​ത്തി​​ൽ വ്യ​​ക്ത​​മാ​​ക്കി​​താ​​ണു നി​​ഫ്റ്റി​​ക്ക് 18,230 പോ​​യി​ന്‍റി​ൽ ശ​​ക്ത​​മാ​​യ​​ പ്ര​​തി​​രോ​​ധം ​​നേ​​രി​​ടു​​മെ​​ന്ന്.

നി​​ഫ്റ്റി ക്ലോ​​സി​​ങി​​ൽ 17,026 പോ​​യി​ന്‍റി​​ലാ​​ണ്. 16,742ലെ ​സ​​പ്പോ​​ർ​​ട്ട് നി​​ല​​നി​​ർ​​ത്തി 17,553ലേ​​ക്കു തി​​രി​​ച്ചു​​വ​​ര​​വി​​നു മു​തി​​രാ​​മെ​​ങ്കി​​ലും ആ ​​നീ​​ക്കം​ പ​​രാ​​ജ​​യ​​പ്പെ​​ട്ടാ​​ൽ തി​​രു​​ത്ത​​ൽ 16,458ലേ​​ക്കു നീ​​ളാം.
നി​​ഫ്റ്റി​ ഡെ​​യ്‌​ലി ​ചാ​​ർ​​ട്ട് പ​​രി​​ശോ​​ധി​​ച്ചാ​​ൽ​ സൂ​​പ്പ​​ർ ട്രെ​​ൻ​​ഡ്, പാ​​രാ​​ബോ​​ളി​​ക്ക് എ​​സ്എ​ആ​​ർ​ തു​​ട​​ങ്ങി​​യ​​വ​ സെ​​ല്ലി​​ങ് മൂ​​ഡി​​ലാ​​ണ്. ഫാ​​സ്റ്റ് സ്റ്റോ​​ക്കാ​​സ്റ്റി​​ക്ക്, സ്ലോ ​​സ്റ്റോ​​ക്കാ​​സ്റ്റി​​ക്ക്, സ്റ്റോ​​ക്കാ​​സ്റ്റി​​ക്ക് ആ​​ർ​എ​​സ്ഐ​​യും​ ഓ​​വ​​ർ സോ​​ൾ​​ഡാ​​യി​ മാ​​റി. മു​​ൻ​​വാ​​രം ​സൂ​​ചി​​പ്പി​​ച്ച​​തു ശ​​രി​​വ​​ച്ച് എം​എ​സി​​ഡി​ താ​​ഴ്ന്ന ​റേ​​ഞ്ചി​​ലേ​​ക്കു നീ​​ങ്ങി​​യ​​തു വി​​പ​​ണി​​യെ ​ദു​​ർ​​ബ​​ല​​മാ​​ക്കി.


ബോം​​ബെ​ സെ​​ൻ​​സെ​​ക്സ് വാ​​ര​​ത്തി​​ന്‍റെ തു​​ട​​ക്ക​​ത്തി​​ൽ 59,636 പോ​​യി​ന്‍റി​ൽ​നി​​ന്നു 59,710ൽ ​​എ​​ത്തി​​യ ​അ​​വ​​സ​​ര​​ത്തി​​ൽ വി​​ദേ​​ശ​​ഫ​​ണ്ടു​​ക​​ൾ വി​​ൽ​​പ്പ​​ന​​യ്ക്കു തി​​ടു​​ക്കം​ കാ​​ണി​​ച്ചു. വെ​​ള​​ളി​​യാ​​ഴ്ച മാ​​ത്രം​ അ​​വ​​ർ 5786 കോ​​ടി​​ രൂ​​പ​​യു​​ടെ​ ഓ​​ഹ​​രി​​ക​​ൾ വി​​റ്റു. ഈ ​​വാ​​രം​ സെ​​ൻ​​സെ​​ക്സ് 56,163ലെ​ ​താ​​ങ്ങ് നി​​ല​​നി​​ർ​​ത്തി 58,880 ലേ​​ക്ക് പു​​ൾ ബാ​​ക്കി​​ന് ശ്ര​​മി​​ക്കാം. എ​​ന്നാ​​ൽ ആ​​ദ്യ​​സ​​പ്പോ​​ർ​​ട്ട് ന​​ഷ്ട​​പ്പെ​​ട്ടാ​​ൽ 55,219ലേ​​ക്കു സാ​​ങ്കേ​​തി​​ക​ പ​​രീ​​ക്ഷ​​ണ​​ങ്ങ​​ൾ​​ക്കു മു​​തി​​രാം.

ഇ​​ന്ത്യാ​​വോ​​ളാ​​റ്റി​​ലി​​റ്റി​ ഇ​​ൻ​​ഡെ​​ക്സ് 15ൽ​നി​​ന്നു 21 ലേ​​ക്കു ക​​യ​​റി. സൂ​​ചി​​ക 25 ക​​ട​​ന്നാ​​ൽ വീ​​ണ്ടും​ അ​​പാ​​യ​​സൂ​​ച​​ന ​ഉ​​യ​​രാം. സാ​​ങ്കേ​​തി​​ക​ വ​​ശ​​ങ്ങ​​ൾ ന​​ൽ​​കു​​ന്ന​ സൂ​​ച​​ന​​ക​​ൾ ക​​ണ​​ക്കി​​ലെ​​ടു​​ത്താ​​ൽ വോ​​ളാ​​റ്റി​​ലി​​റ്റി ​സൂ​​ചി​​ക ​ഉ​​യ​​രു​​മെ​​ന്ന​ അ​​വ​​സ്ഥ​​യി​​ലാ​​ണു​ള്ള​ത്. ചെ​​റു​​കി​​ട ​നി​​ക്ഷേ​​പ​​ക​​ർ ക​​രു​​ത​​ലോ​​ടെ​ വി​​പ​​ണി​​യെ ​സ​​മീ​​പി​​ക്കു​​ക.

വി​​ദേ​​ശ​ ഓ​​പ്പ​​റേ​​റ്റ​​ർ​​മാ​​ർ ഡോ​​ള​​ർ ശേ​​ഖ​​രി​​ക്കാ​​ൻ ഉ​​ത്സാ​​ഹി​​ച്ച​​ത് രൂ​​പ​​യു​​ടെ ​മൂ​​ല്യ​ത്ത​ക​​ർ​​ച്ച​​യ്ക്ക് ഇ​​ട​​യാ​​ക്കി. ഡോ​​ള​​റി​​നു മു​​ന്നി​​ൽ രൂ​​പ 74.23ൽ​നി​​ന്നു 74.87ലേ​​ക്കി​​ടി​​ഞ്ഞു.

ന്യൂ​​യോ​​ർ​​ക്കി​​ൽ ക്രൂ​​ഡ്ഓ​​യി​​ലി​​നു വി​​ലയിടി​​ഞ്ഞു. ബാ​​ര​​ലി​​ന് 82.59 ഡോ​​ള​​റി​​ൽ നീ​​ങ്ങി​​യ ​ക്രൂഡ് വാ​​രാ​​ന്ത്യം ​ 72 ഡോ​​ള​​റാ​​യി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.