പുതുവർഷത്തിന്റെ ആദ്യവാരം നിക്ഷേപകർക്കു മധുരംവിളമ്പിബോംബെ സെൻസെക്സും നിഫ്റ്റിയും. സെൻസെക്സ്1490 പോയിന്റും നിഫ്റ്റി 459 പോയിന്റും നേട്ടത്തിലാണ്. സെപ്റ്റംബറിനു ശേഷംഇത്ര ശക്തമായപ്രതിവാര മുന്നേറ്റം നിക്ഷേപകർ ദർശിക്കുന്നത് ആദ്യമായാണ്. ബാങ്ക് നിഫ്റ്റി ഈ അവസരത്തിൽ 6.30 ശതമാനം ഉയർന്നു.
രൂപയുടെ മൂല്യം വീണ്ടും ചാഞ്ചാടാനുള്ള സാധ്യതയ്ക്കിടയിൽ ഒപ്പെക്ക് അടുത്ത യോഗത്തിനുള്ള തയ്യാറെടുപ്പിലാണ്. എണ്ണ ഉത്പാദനം ഉയർത്തിയാൽ സ്ഥിതിഗതികളിൽ അയവ് പ്രതീക്ഷിക്കാം. അല്ലാത്ത പക്ഷം രൂപയുടെ മൂല്യം 76 ലേക്കും ആഗോളഎണ്ണവില 90 ഡോളറിലേക്കും സഞ്ചരിക്കും.രൂപയുടെ മൂല്യം 74.40ൽനിന്നു 74.71 ലേക്കു ദുർബലമായശേഷം വാരാന്ത്യം 74.46 ലാണ്.
നിഫ്റ്റി കഴിഞ്ഞവാരം 2.64 ശതമാനം ഉയർന്നു. 17,354ൽനിന്നു 17,692 ലെ പ്രതിരോധം തകർത്ത്17,944വരെ കയറിയശേഷം 17,812ൽ ക്ലോസിംഗ് നടന്നു. സമീപകാലആഴ്ചകളിലെ കുതിച്ചുചാട്ടം കണക്കിലെടുത്താൽ വിപണി ഒരുകൺസോളിഡേഷന് ഈ വാരം നീക്കം നടത്താം. കൂടുതൽ മുന്നേറ്റത്തിനു കരുത്തുപകരാൻ ഇത് അവസരമൊരുക്കും. നിഫ്റ്റിക്ക് ഈ വാരം 18,016 ലെ ആദ്യപ്രതിരോധം മറികടന്നാൽ 18,220 ലേക്കു സഞ്ചരിക്കാം. ഈ റേഞ്ചിൽ ലാഭമെടുപ്പിനുള്ള നീക്കങ്ങൾ പ്രതീക്ഷിക്കാം. വിൽപ്പന സമ്മർദമുണ്ടായാൽ 17,535 ൽ ആദ്യതാങ്ങുണ്ട്.
സാങ്കേതികമായി ഡെയ്ലി ചാർട്ടിൽ പാരാബോളിക് എസ്എആർ,സൂപ്പർ ട്രെന്റ് എന്നിവ ബുള്ളിഷാണ്. എംഎസിഡിയും പച്ചക്കൊടിഉയർത്തിയതു പ്രതീക്ഷ പകരും. ഫാസ്റ്റ് സ്റ്റോക്കാസ്റ്റിക്ക്, സ്ലോ സ്റ്റോക്കാസ്റ്റിക്ക്, സ്റ്റോക്കാസ്റ്റിക്ക് ആർഎസ്ഐ തുടങ്ങിയവ ഓവർ ബോട്ടായി നീങ്ങുന്നതു തിരുത്തൽ സാധ്യതകൾക്കു ശക്തിപകരാം.
ബോംബെ സെൻസെക്സ് 58,253 പോയിന്റിൽനിന്നു 60,290 വരെ ഉയർന്നു. വാരാന്ത്യത്തിലെ ലാഭമെടുപ്പിൽ അൽപ്പം തളർന്നു 59,744 പോയിന്റിലാണ്. ഈവാരം 60,442 ലെ ആദ്യ പ്രതിരോധം തകർക്കാനായാൽ മാസമധ്യം 61,140 ലേക്കു ചുവടുവയ്ക്കാം. വിപണിയുടെതാങ്ങ് 58,890 റേഞ്ചിലാണ്.
ഓഹരി അവലോകനം/ സോണിയ ഭാനു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.