രാ​​ജ്യ​​ത്തു പ​​തി​​വി​​ലും നേ​​ര​​ത്തേ കാ​​ല​​വ​​ർ​​ഷം ആ​​രം​​ഭി​​ക്കു​​ന്ന​​തു കാ​​ർ​​ഷി​​ക മേ​​ഖ​​ല​​യ്ക്ക് നേ​​ട്ട​​മാ​​കും. മു​​ഖ്യ ഉ​​ത്പ​ന്ന​​ങ്ങ​​ളു​​ടെ വി​​ള​​വ് ഉ​​യ​​രാ​​ൻ മ​​ഴ​​യു​​ടെ വ​​ര​​വ് അ​​വ​​സ​​ര​മൊ​രു​​ക്കാം. പ്ര​​തി​​കൂ​​ല കാ​​ലാ​​വ​​സ്ഥ മൂ​​ലം ഏ​​താ​​നും വ​​ർ​​ഷ​​ങ്ങ​​ളി​​ൽ കു​​രു​​മു​​ള​​ക് ഉ​​ത്​​പാ​​ദ​​ന രം​​ഗ​​ത്തു​നി​​ല​​നി​​ന്ന മ​​ര​​വി​​പ്പ് അ​​ടു​​ത്ത സീ​​സ​​ണി​​ൽ വി​​ട്ടു​​മാ​​റു​​മെ​​ന്ന പ്ര​​തീ​​ക്ഷ​​യി​​ൽ കാ​​ർ​​ഷി​​ക കേ​​ര​​ളം. റെ​​യി​​ൻ ഗാ​​ർ​​ഡു​​ക​​ൾ നേ​​ര​​ത്തേ ഒ​​രു​​ക്കാ​​ൻ റ​​ബ​​ർ മേ​​ഖ​​ല ഉ​​ത്സാ​​ഹി​​ച്ചാ​​ൽ മ​​ഴ​​യ്ക്ക് ഇ​​ട​​യി​​ൽ ടാ​​പ്പിം​ഗ് ദി​​ന​​ങ്ങ​​ൾ ഉ​​യ​​ർ​​ത്താ​​നാ​​വും. വേ​​ന​​ൽ മ​​ഴ​​യ്ക്ക് പി​​ന്നാ​​ലെ കാ​​ല​​വ​​ർ​​ഷ​​വും എ​​ത്തി​​ച്ചേരു​​ന്ന​​തു നാ​​ളി​​കേ​​ര മേ​​ഖ​​ല​​യ്ക്കും നേ​​ട്ട​​മാ​​കും.

ഇ​​ട​​വ പ്പാ​​തി​​ക്ക് കാ​​ത്തു നി​​ൽ​​ക്കാ​​തെ ഇ​​ട​​വം തു​​ട​​ക്ക​​ത്തി​​ൽ​ത്ത​​ന്നെ സം​​സ്ഥാ​​ന​​ത്ത് കാ​​ല​​വ​​ർ​​ഷം സ​​ജീ​​വ​​മാ​​കുമെ​​ന്ന വി​​ല​​യി​​രു​​ത്ത​​ലു​​ക​​ൾ ഉ​​ത്​​പാ​​ദ​​ന മേ​​ഖ​​ല​​യ്ക്ക് ആ​​വേ​​ശം പ​​ക​​രും. തു​​ട​​ർ​​ച്ച​​യാ​​യ മ​​ഴ വേ​​ന​​ലി​ന്‍റെ കാ​​ഠി​​ന്യം കു​​റ​​ച്ച​​തി​​നു​പി​​ന്നാ​​ലെ കാ​​ല​​വ​​ർ​​ഷ​​ത്തി​​ന്‍റെ ക​​ട​​ന്നു​വ​​ര​​വി​​നെ പ്ര​​തീ​​ക്ഷ​​ക​​ളോ​​ടെ​​യാ​​ണ് ഉ​ത്​​പാ​​ദ​​ക​​ർ ഉ​​റ്റു​നോ​​ക്കു​​ന്ന​​ത്.

കു​രു​മു​ള​ക്

ഹൈ​​റേ​​ഞ്ചി​​ലെ​​യും സം​​സ്ഥാ​​ന​​ത്തി​​ന്‍റെ മ​​റ്റു ഭാ​​ഗ​​ങ്ങ​​ളി​​ലെ​​യും കു​​രു​​മു​​ള​​കു കൊ​​ടി​​ക​​ൾ​​ക്കു മ​​ഴ​​യു​​ടെ വ​​ര​​വ് ഗു​​ണം ചെ​യ്യു​മെ​​ന്ന പ്ര​​തീ​​ക്ഷ​​യി​​ലാ​​ണ് ഒ​​രു വി​​ഭാ​​ഗം ഉ​​ത്​​പാ​​ദ​​ക​​ർ. ക​​ഴി​​ഞ്ഞ ര​​ണ്ടു മൂ​​ന്നു വ​​ർ​​ഷ​​ങ്ങ​​ളി​​ലെ കാ​​ലാ​​വ​​സ്ഥ വ്യ​​തി​​യാ​​ന​​ത്തി​​ൽ തി​​രി​​ച്ച​​ടി​​നേ​​രി​​ട്ട​​ത് കു​​രു​​മു​​ള​​ക് കൃ​​ഷി​​ക്കാ​​യി​​രു​​ന്നു. പു​​തി​​യ സാ​​ഹ​​ച​​ര്യ​​ത്തി​​ൽ നേ​​ര​​ത്തേ വ​​ള​​പ്ര​​യോ​​ഗ​​ങ്ങ​​ൾ​​ക്ക് അ​​വ​​സ​​രം ല​​ഭി​​ക്കു​​മെ​​ന്ന​​തും ഉ​​ത്പാ​​ദ​​നം മെ​​ച്ച​​പ്പെ​​ടു​​ത്താം. ഏ​​താ​​നും വ​​ർ​​ഷ​​ങ്ങ​​ളാ​​യി കാ​​ർ​​ഷി​​ക മേ​​ഖ​​ല​​ക​​ളി​​ൽ കു​​രു​​മു​​ള​​ക് ക​​രു​​ത​​ൽ ശേ​​ഖ​​രം കു​​റ​​ഞ്ഞ അ​​വ​​സ്ഥ കേ​​ര​​ള​​ത്തി​​ൽ മാ​​ത്ര​​മ​​ല്ല, ക​​ർ​​ണാ​​ട​​ക​​ത്തി​​ലും നി​​ല​​നി​​ൽ​​ക്കു​​ന്നു. ഇ​​തി​​ൽ​നി​​ന്ന് ഒ​​രു മാ​​റ്റം അ​​ടു​​ത്ത സീ​​സ​​ണി​​ൽ പ്ര​​തീ​​ക്ഷി​​ക്കാം.

വി​​നി​​മ​​യ വി​​പ​​ണി​​യി​​ൽ രൂ​​പ​​യു​​ടെ മൂ​​ല്യ​ത്ത​​ക​​ർ​​ച്ച​​യു​​ടെ ചു​​വ​​ടു​പി​​ടി​​ച്ച് ഉ​ത്പ​​ന്ന വി​​പ​​ണി​​യി​​ൽ കു​​രു​​മു​​ള​​കു ക​​രു​​ത്തു നി​​ല​​നി​​ർ​​ത്താ​​ൻ ക്ലേ​​ശി​​ച്ചു. കാ​​ർ​​ഷി​​ക മേ​​ഖ​​ല​​ക​​ളി​​ൽ​നി​​ന്നു​​ള്ള ച​​ര​​ക്കു വ​​ര​​വി​​ൽ കാ​​ര്യ​​മാ​​യ വ​​ർ​​ധ​ന​​യി​​ല്ലെ​​ങ്കി​​ലും പി​​ന്നി​​ട്ട​​വാ​​രം മു​​ള​​കു​വി​​ല ക്വി​​ന്‍റ​​ലി​​ന് 900 രൂ​​പ ഇ​​ടി​​ഞ്ഞു. നി​​ര​​ക്ക് താ​​ഴ്ന്ന​​തി​​നി​​ട​​യി​​ൽ അ​​ന്ത​​ർ​​സം​​സ്ഥാ​​ന വാ​​ങ്ങ​​ലു​​കാ​​ർ രം​​ഗ​​ത്തു​നി​​ന്ന് അ​​ക​​ന്ന​​തും തി​​രി​​ച്ച​​ടി​​യാ​​യി. ഇ​​തി​​നി​​ട​​യി​​ൽ ഇ​​റ​​ക്കു​​മ​​തി കു​​രു​​മു​​ള​​ക് ഉ​​ത്ത​​രേ​​ന്ത്യ​​ൻ വി​​പ​​ണി​​ക​​ളി​​ൽ വി​​ൽ​​പ്പ​​ന​​യ്ക്ക് എ​​ത്തി​​യ വി​​വ​​രം വാ​​ങ്ങ​​ലു​​കാ​​രെ ദ​​ക്ഷി​​ണേ​​ന്ത്യ​​യി​​ൽ​നി​​ന്നും പി​​ൻ​​തി​​രി​​പ്പി​​ച്ചു. കൊ​​ച്ചി​​യി​​ൽ അ​​ൺ ഗാ​​ർ​​ബി​​ൾ​​ഡ് കു​​രു​​മു​​ള​​ക് ക്വി​​ന്‍റ​ലി​​ന് 51,300 രൂ​​പ​​യി​​ൽ​നി​​ന്നും 50,400 രൂ​​പ​​യാ​​യി. ഗാ​​ർ​​ബി​​ൾ​​ഡ് 52,400 രൂ​​പ​​യി​​ലും ക്ലോ​​സിം​ഗ് ന​​ട​​ന്നു.

രാ​​ജ്യാ​​ന്ത​​ര വി​​പ​​ണി​​യി​​ൽ ഇ​​ന്ത്യ​​ൻ കു​​രു​​മു​​ള​​കു വി​​ല ട​​ണ്ണി​​ന് 7250 ഡോ​​ള​​റി​​ൽ​നി​​ന്നും 7050 ലേ​​ക്ക് താ​​ഴ്ന്നു. വി​​യെ​​റ്റ്നാം ട​​ണ്ണി​​ന് 4150 ഡോ​​ള​​റും ഇ​​ന്തോ​​നേ​​ഷ്യ 4050 ഡോ​​ള​​റും ബ്ര​​സീ​​ൽ 3850 ഡോ​​ള​​റും മ​​ലേ​​ഷ്യ 5900 ഡോ​​ള​​റും ആ​​വ​​ശ്യ​​പ്പെ​​ട്ടു.

നാ​ളി​കേ​രം

നാ​​ളി​​കേ​​രോ​​ത്പ​ന്ന​​ങ്ങ​​ൾ​​ക്കു​വീ​​ണ്ടും തി​​രി​​ച്ച​​ടി ​നേ​​രി​​ട്ടു. കൊ​​പ്ര സം​​ഭ​​ര​​ണ ഏ​​ജ​​ൻ​​സി​​ക​​ൾ കു​​ട​പി​​ടി​​ച്ചു​കൊ​​ടു​​ത്തു ബ​​ഹു​​രാ​​ഷ്‌​ട്ര ക​​ന്പ​​നി​​ക​​ൾ​​ക്ക് താ​​ഴ്ന്ന വി​​ല​​യ്ക്ക് ച​​ര​​ക്കു ശേ​​ഖ​​രി​​ക്കാ​​ൻ എ​​ല്ലാ അ​​വ​​സ​​ര​​വും ഒ​​രു​​ക്കു​​ക​​യാ​​ണ്. ക​​ർ​​ഷ​​ക​​ന്‍റെ ക​​ണ്ണി​​ൽ പൊ​​ടി​​യി​​ടാ​​ൻ മാ​​ത്ര​​മാ​​യി മാ​​റു​​ക​​യാ​​ണ് താ​​ങ്ങു വി​​ല. ചി​​ല മേ​​ഖ​​ല​​ക​​ളി​​ൽ വി​​പ​​ണി വി​​ല​​യി​​ലും ഇ​​ടി​​ച്ച് വെ​​ളി​​ച്ചെ​​ണ്ണ വി​​റ്റ​​ഴി​​ക്കു​​ന്ന ബ​​ഹു​​രാ​​ഷ്‌​ട്ര ക​​മ്പ​​നി​​ക​​ളു​​ടെ ല​​ക്ഷ്യം ചെ​​റു​​കി​​ട മി​​ല്ലു​​കാ​​രെ രം​​ഗ​​ത്തു​നി​​ന്നു തു​​ര​​ത്തു​​ക​​യാ​​ണ്.

ക​​യ​​റ്റു​​മ​​തി വി​​പ​​ണി​​യി​​ൽ മ​​റ്റു രാ​​ജ്യ​​ങ്ങ​​ളു​​മാ​​യി മ​​ത്സ​​രി​​ക്കാ​​നാ​​ണ് അ​​വ​​ർ ആ​​ഭ്യ​​ന്ത​​ര നി​​ര​​ക്ക് ഇ​​ത്ര​​മാ​​ത്രം ഇ​​ടി​​ക്കു​​ന്ന​​ത്. സ​​ർ​​ക്കാ​​ർ ഏ​​ജ​​ൻ​​സി​​ക​​ൾ കൊ​​പ്ര സം​​ഭ​​ര​​ണ​​ത്തി​​ന് ആ​​ത്മാ​​ർ​​ത്ഥ​​മാ​​യി പ്ര​​വ​​ർ​​ത്തി​​ച്ചി​​രു​​ന്നെ​​ങ്കി​​ൽ ന​​മ്മു​​ടെ ഉ​​ത്പാ​​ദ​​ക​​ർ​​ക്ക് ഉ​​യ​​ർ​​ന്ന വി​​ല ഉ​​റ​​പ്പു വ​​രു​​ത്താ​​ൻ ക​​ഴി​​യു​​മാ​​യി​​രു​​ന്നു. കൊ​​ച്ചി​​യി​​ൽ കൊ​​പ്ര 8700 രൂ​​പ​​യാ​​യും വെ​​ളി​​ച്ചെ​​ണ്ണ 14,800ൽ​​നി​​ന്ന് 14,500 രൂ​​പ​​യാ​​യും താ​​ഴ്ന്നു. കാ​​ങ്ക​​യ​​ത്ത് വാ​​രാ​​ന്ത്യം കൊ​​പ്ര 8500 ലാ​​ണ്.

ഗ്രാ​ന്പു

ഗ്രാ​​മ്പു ആ​​ഭ്യ​​ന്ത​​ര വി​​പ​​ണി ത​​ക​​ർ​​ക്കാ​​ൻ ചി​​ല കേ​​ന്ദ്ര​​ങ്ങ​​ൾ സം​​ഘ​​ടി​​ത നീ​​ക്കം തു​​ട​​ങ്ങി. തീ​​രെ വി​​ല കു​​റ​​ഞ്ഞ വി​​ദേ​​ശ ച​​ര​​ക്ക് എ​​ത്തി​​ച്ച് ആ​​ഭ്യ​​ന്ത​​ര​നി​​ര​​ക്ക് ഇ​​ടി​​ച്ച് ക​​ർ​​ഷ​​ക​​രി​​ൽ​നി​​ന്നു ഗ്രാ​​മ്പു കൈ​​ക്കാ​​ലാ​ക്കാ​നു​​ള്ള അ​​ണി​​യ​​റ നീ​​ക്ക​​ങ്ങ​​ളാ​​ണ് വി​​പ​​ണി​​ക​​ളി​​ൽ അ​​ര​​ങ്ങേ​​റു​​ന്ന​​ത്. നാ​​ട​​ൻ ഗ്രാ​​മ്പു വി​​ല കി​​ലോ​യ്ക്കു 1040 രൂ​​പ​വ​​രെ ഉ​​യ​​ർ​​ന്ന് ഇ​​ട​​പാ​​ടു​​ക​​ൾ ന​​ട​​ക്കു​​ന്നു​​ണ്ട്. നി​​ര​​ക്ക് ഇ​​നി​​യും ഉ​​യ​​രു​​മെ​​ന്ന പ്ര​​തീ​​ക്ഷ​​യി​​ലാ​​ണ് കേ​​ര​​ള​​ത്തി​​ലെ​​യും ത​​മി​​ഴ്നാ​​ട്ടി​​ലെ​​യും ക​​ർ​​ഷ​​ക​​ർ. ശ്രീ​​ല​​ങ്ക​​ൻ ഗ്രാ​​മ്പു 880 രൂ​​പ​​യ്ക്കും ഇ​​ന്തോ​​നേ​​ഷ്യ​​ൻ ഗ്രാ​​മ്പൂ 750 രൂ​​പ​​യ്ക്കും മെ​​ഡ​​ഗാ​​സ്ക​​ർ ച​​ര​​ക്ക് 700 രൂ​​പ​​യ്ക്കും വി​​ൽ​​പ്പ​​ന ന​​ട​​ത്തു​​ന്ന ഇ​​വ​​ർ നാ​​ട​​ൻ ഗ്രാ​​മ്പു​വി​​ന്‍റെ മു​​ന്നേ​​റ്റ​​ത്തെ ത​​ട​​യാ​​നു​​ള്ള ശ്ര​​മ​​ത്തി​​ലാ​​ണ്. ഉ​​ത്ത​​രേ​​ന്ത്യ​​യി​​ൽ നാ​​ട​​ൻ ഗ്രാ​​മ്പു​വി​​ന് ആ​​വ​​ശ്യ​​ക്കാ​​രു​​ണ്ട്. ഉ​​യ​​ർ​​ന്ന അ​​ള​​വി​​ൽ വി​​ദേ​​ശ ച​​ര​​ക്ക് എ​​ത്തു​​ന്ന​​ത് ആ​​ഭ്യ​​ന്ത​​ര മാ​​ർ​​ക്ക​​റ്റി​​ന് വ​​ൻ ഭീ​​ഷ​​ണി​​യാ​​യി മാ​​റും.

ഏ​ലം

പു​​തി​​യ ഏ​​ല​​ക്ക അ​​ടു​​ത്ത മാ​​സം ര​​ണ്ടാം പ​​കു​​തി​​യി​​ൽ സ​​ജ്ജ​​മാ​​കുമെ​​ന്ന പ്ര​​തീ​​ക്ഷ​​യി​​ലാ​​ണ് ഒ​​രു വി​​ഭാ​​ഗം ക​​ർ​​ഷ​​ക​​ർ. ഹൈ​​റേ​​ഞ്ചി​​ലെ പ​​ല തോ​​ട്ട​​ങ്ങ​​ളി​​ലും നേ​​ര​​ത്തേ​ത​​ന്നെ ഏ​​ല​​പ്പൂ വി​​രി​​ഞ്ഞു. മ​​ഴ കാ​​ര്യ​​മാ​​യ പ​​രി​​ക്കു​​ക​​ൾ എ​​ൽ​​പ്പി​​ച്ചി​​ല്ലെ​​ങ്കി​​ൽ മി​​ക​​ച്ച വി​​ള​​വി​​ന് അ​​വ​​സ​​ര​മൊ​രു​​ങ്ങും. ക​​ഴി​​ഞ്ഞ ഒ​​രു​​മാ​​സ​മാ​​യി വ​​ൻ​​കി​​ട വാ​​ങ്ങ​​ലു​​കാ​​ർ ലേ​​ല കേ​​ന്ദ്ര​​ങ്ങ​​ളി​​ൽ സ്വീ​​ക​​രി​​ച്ച അ​​തേ നി​​ല​​പാ​​ട് മു​​ന്നി​​ലു​​ള്ള ആ​​ഴ്ച്ച​​ക​​ളി​​ലും തു​​ട​​രാ​​നാ​​ണ് സാ​​ധ്യ​​ത.

അ​​ടു​​ത്ത സീ​​സ​​ണി​​ലും വി​​ള​​വ് ഉ​​യ​​രു​​ന്ന​​തു വി​​ല​​ക്ക​​യ​​റ്റ​​ത്തി​​ന് ഭീ​​ഷ​​ണി​​യാ​​വു​​മോ​​യെ​​ന്ന ആ​​ശ​​ങ്ക നി​​ല​​നി​​ൽ​​ക്കു​​ന്നു. ഓ​​ഫ് സീ​​സ​​ണി​​ൽ മെ​​ച്ച​​പ്പെ​​ട്ട വി​​ല ഉ​​റ​​പ്പ് വ​​രു​​ത്താ​​ൻ ക​​ർ​​ഷ​​ക​​ർ​​ക്കാ​​യി​​ല്ല. മേ​യ് ആ​​ദ്യ​​വാ​​രം ശ​​രാ​​ശ​​രി ഇ​​നം ഏ​​ല​​ക്ക വി​​ല 723 രൂ​​പ​വ​​രെ ഇ​​ടി​​ഞ്ഞി​​രു​​ന്നു. ഒ​​രു​​വ​​ർ​​ഷ​​ത്തി​​നി​​ട​​യി​​ൽ ഏ​​ല​​ക്ക വി​​ല ഇ​​ത്ര​​യേ​​റെ ഇ​​ടി​​യു​​ന്ന​​ത് ആ​​ദ്യ​​മാ​​ണ്. വാ​​രാ​​ന്ത്യം ന​​ട​​ന്ന ലേ​​ല​​ത്തി​​ൽ മി​​ക​​ച്ച​​യി​​ന​​ങ്ങ​​ൾ കി​​ലോ​യ്ക്കു 1414 രൂ​​പ​​യി​ലും ശ​​രാ​​ശ​​രി ഇ​​ന​​ങ്ങ​​ൾ 818 രൂ​​പ​​യി​​ലും കൈ​​മാ​​റി. ഗ​​ൾ​​ഫ് ഓ​​ർ​​ഡ​​ർ മു​​ൻ​നി​​ർ​​ത്തി ക​​യ​​റ്റു​​മ​​തി​​ക്കാ​​ർ ഏ​​ല​​ക്ക സം​​ഭ​​രി​​ച്ചു.

റ​ബ​ർ

കാ​​ല​​വ​​ർ​​ഷം പ​​തി​​വി​​ലും നേ​​ര​​ത്തേ എ​ത്തു​മെ​​ന്ന​​തി​​നാ​​ൽ റ​​ബ​​ർ തോ​​ട്ട​​ങ്ങ​​ളി​​ൽ റെ​​യി​​ൻ ഗാ​​ർ​​ഡ് ഒ​​രു​​ക്കാ​​ൻ തി​​ര​​ക്കി​​ട്ട നീ​​ക്കം ന​​ട​​ത്തേ​​ണ്ട സ​​ന്ദ​​ർ​​ഭ​​മാ​​യി​ക്ക​ഴി​ഞ്ഞു. കാ​​ത്തി​​രു​​ന്നാ​​ൽ മ​​ഴ ശ​​ക്തി​​പ്രാ​​പി​​ക്കു​​മെ​​ന്ന​​തു ടാ​​പ്പിം​ഗി​ന് ത​​ട​​സ​​മാ​​വും. വാ​​രാ​​ന്ത്യ​​ത്തി​​ലെ കാ​​ലാ​​വ​​സ്ഥ ക​​ണ​​ക്കി​​ലെ​​ടു​​ത്താ​​ൽ വ​​രു​​ന്ന ര​​ണ്ടു മൂ​​ന്നു ദി​​വ​​സം റ​​ബ​​ർ​വെ​​ട്ട് മ​​ന്ദ​​ഗ​​തി​​യി​​ൽ നീ​​ങ്ങാം. കാ​​ർ​​ഷി​​ക മേ​​ഖ​​ല​​ക​​ളി​​ൽ​നി​​ന്നു​​ള്ള ച​​ര​​ക്കു വ​​ര​​വ് കു​​റ​​വാ​​യി​​രു​​ന്നു.

ല​​ഭ്യ​​ത ഉ​​റ​​പ്പ് വ​​രു​​ത്താ​​ൻ വ്യ​​വ​​സാ​​യി​​ക​​ൾ വി​​പ​​ണി​​യി​​ൽ പി​​ടി​​മു​​റു​​ക്കി​​യ​​തോ​​ടെ ഒ​​ട്ടു​​പാ​​ലി​ന് 123 രൂ​​പ​​യാ​​യി ക​​യ​​റി. ലാ​​റ്റ​​ക്സി​​ന് 107 രൂ​​പ​​യി​​ൽ​നി​​ന്നു 115 രൂ​​പ​​യാ​​യി. നാ​​ലാം ഗ്രേ​​ഡ് റ​​ബ​​ർ 17,200 രൂ​​പ​​യി​​ൽ​നി​​ന്നു 17,050 ലേ​​ക്കു താ​​ഴ്ന്നു. അ​​ഞ്ചാം ഗ്രേ​​ഡ് റ​​ബ​​റി​ന് 16,350-16,850 രൂ​​പ​​യി​​ൽ വാ​​രാ​​ന്ത്യം ഇ​​ട​​പാ​​ടു​​ക​​ൾ ന​​ട​​ന്നു.

വിപണി വിശേഷം / കെ.ബി. ഉദയഭാനു